8.3 C
Pontevedra
Martes, 18 de Xaneiro de 2022
Máis
    HomeLouriñaMosMos reafirma o seu compromiso con Asodifisi

    Mos reafirma o seu compromiso con Asodifisi

    A administración local mosense apoia económicamente á Asociación de Discapacitados Físicos e Psíquicos de Mos para promover a participación activa na vida social do municipio das persoas con capacidades diferentes

    A alcaldesa de Mos, Nidia Arévalo, e a presidenta da Asociación de Discapacitados Físicos e Psíquicos de Mos, ‘Asodifisi’, Asunción Monroy Carrera, asinaron na tarde de onte xoves, nas instalacións da Asociación na parroquia de Torroso, o convenio anual de colaboración entre ambas entidades.

    Visto que son competencias da administración local a creación, xestión e mantemento dos servizos sociais comunitarios básicos, así como o fomento e promoción da solidariedade e da participación da sociedade civil na prevención e intervención social no ámbito local; asínase este convenio que contribúe a satisfacer as necesidades e aspiracións da comunidade veciñal, neste caso concreto con situacións de necesidade social e/ou risco de exclusión social.

    Asodifisi é unha entidade sen ánimo de lucro que ten como fin conseguir a integración de persoas con discapacidade en igualdade de dereitos. Foi creada no ano 1990 e a data de hoxe o seu número total de socios é de 540, dos cales 140 son persoas con discapacidade física, psíquica e sensorial.

    O convenio asinado entre Asociación e Concello implica unha subvención nominativa á primeira por parte da administración local para colaborar económicamente, co fin de contrubuír ao desenvolvemento e integración das persoas con discapacidade física e psíquica, por entender que se trata dunha actividade de interese social para o conxunto da comunidade.

    Pola súa banda Asodifisi comprométese a promover a participación activa na vida social do Concello de Mos das persoas con capacidades diferentes, así como proporcionar actividades ocupacionais a estas persoas mediante información e asesoramento, asistencia psicolóxica, actividades formativas de xardinería, danzaterapia e reforzo pedagóxico, servizo de transporte adaptado, visitas-excursións, charlas informativas e concurso de tarxetas de Nadal.

    A aportación económica municipal anual do Concello de Mos a Asodifisi ascende a 12.000 euros.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS