No día de onte o Concello de Mos acometeu os traballos de asfaltado e mellora da seguridade viaria no Camiño da Quiringosta, labores que foron supervisadas pola alcaldesa de Mos, Nidia Arévalo, e polo tenente alcalde e concelleiro de Vías e Obras, Camilo Augusto.
O pasado 10 de xullo informábase desde o Concello de Mos de que viña de ser concedida á administración local mosense unha subvención do Plan Marco Mellora de Camiños Municipais de Acceso a Parcelas Agrícolas 2020/2021 da Consellería do Medio Rural da Xunta de Galicia a través da Axencia Galega de Desenvolvemento Rural, Agader.
A devandita axuda permitiu acometer o proxecto de mellora da seguridade viaria no Camiño de Quiringosta, Zapateira, parroquia de Mos, que quedou rematada durante a xornada de hoxe.
Esta obra de mellora viaria ten un orzamento total de 42.769,87 euros, sendo o importe da subvención autonómica concedida de 35.347 euros e a aportación do Concello de 7.422,87 euros.
Deste xeito o Concello de Mos e o equipo de goberno local continúan dando pasos na súa folla de ruta e manteñen o seu obxectivo de realizar unha batería de asfaltados ao ano, que forman parte do Plan Anual de Mellora de Viais Municipais
Preténdese asíque o viario municipal se atope nas mellores condicións de uso, o que supón un garante na seguridade viaria e para iso, segundo sinala o Concello de Mos, “pónse en marcha periódicamente o Plan Anual de Mellora de Viais Municipais, acometendo unha batería de asfaltados de estradas e camiños”.
A mellora da seguridade viaria a través de reposición do firme era necesaria neste vial que onte foi optimizado.
