10.8 C
Pontevedra
Martes, 19 de Marzo de 2024
Máis
    HomeLouriñaMosMos continúa ao poñer en valor a importancia da muller na sociedade...

    Mos continúa ao poñer en valor a importancia da muller na sociedade con novo catro accións formativas a través do CIM

    Coincidindo co regreso dos cativos e cativas ás aulas, o Centro de Información á Muller de Mos vén de convocar catro accións formativas dirixidas ás mulleres. Trátase, segundo a alcaldesa Nidia Arévalo e a concelleira de Igualdade, Sara Cebreiro, “de non baixar a garda no que a apoio ao colectivo feminino refírese”.

    Nesta nova normalidade desde o Concello de Mos non se quere descoidar nin o máis mínimo a actividade do CIM, Centro de Información á Muller, mosense; nin baixar a garda no que a apoio ao colectivo feminino se refire. Así o expresaban hoxe a alcaldesa de Mos, Nidia Arévalo, e a concelleira de Política Social e Igualdade, Sara Cebreiro, que presentaron a nova programación de setembro do Centro de Información á Muller de Mos acompañadas por parte das traballadoras do CIM mosense.

    Arévalo e Cebreiro presentaron a nova programación para este mes de setembro do CIM, acompañadas polas traballadora do servizo. A devandita programación está formada por 4 cursos subvencionados pola Xunta de Galicia, 2 dos cales imprártense en horario de mañá e 2 en horario de tarde, para ofrecer unha oferta adaptada ás diferentes necesidades das mulleres interesadas en participar.

    O primeiro dos cursos titúlase ‘Vivir en positivo’ e impartirase en dous días durante 3 horas cada día: serán o venres 11 de setembro e o mércores 16 de setembro, en horario de 10.00 horas a 13.00 horas na Axencia de Colocación de Mos.

    Os temas a tratar neste curso serán a autoestima, o autocoidado, autocoñecemento, xestión do estrés, técnicas de relaxación, etc.

    O segundo curso versa sobre ‘Empoderamento feminino’ e, ao igual que o anterior, impartirase en dous días durante 3 horas cada día: serán o venres 18 de setembro e o martes 22 de setembro, en horario de 10.00 horas a 13.00 horas, tamén na Axencia de Colocación de Mos.

    As materias a traballar serán a intelixencia emocional, os límites da sexualidade e o liderazgo.

    O terceiro curso, ‘Cambios na vida’, é máis longo e terá unha duración de 10 días e clases de 3 horas diarias. Desenvolverase os luns, martes e venres do 11 de setembro ao 1 de outubro en horario de 16:30 horas a 19.30 horas e o Multiusos das Pozas como lugar de celebración.

    Os obxectivos desta acción formativa son aprender a xestionar situacións como cambios de parella, cambio de traballo, falecementos, facerse maior, ser nai, vivir un accidente. Cambios habituais e constantes na vida e que poden chegar a desorientar á persoa que os vive.

    No curso traballarase sobre como abrir novas etapas, reconectar e volver a gozar coa propia vida.

    Por último, o curso ‘Namórate de ti’, organizado por EuRural, será sobre autoestima e empoderamento a través da fotografía e terá unha duración de 4 días (luns e martes): o 28 e 29 de setembro e o 5 e 6 de outubro. O horario será de 16:30 horas a 19.30 horas e impartirase no Pazo de Mos. Os contidos a tratar serán a autoestima, o amor propio, a motivación, identificación da violencia, autoaceptación, autocoidado, etc.

    Estes 4 cursos forman parte dun programa de promoción da igualdade e prevención da violencia de xénero impulsado pola Secretaría Xeral de Igualdade da Xunta de Galicia a través de subvencións a entidades locais da Comunidade Autónoma.

    Aínda quedan algunas prazas vacantes e as interesadas en inscribirse deben facelo no CIM podendo realizar a inscrición telefónicamente de 10.00 horas a 14.00 horas nos números de teléfono da Xurídica, Ana, 673 069 866, e/ou da Psicóloga, María, 673 069 936.

    Tres dos obradoiros ‘Vivir en positivo’, ‘Empoderamento feminino’ e ‘Os cambios na vida’ corresponden ao programa, solicitado polo Concello de Mos de Fortalecemento para o cambio en mulleres en situación de vulnerabilidade, dentro do Programa de promoción da Igualdade e prevención da violencia de Xénero, impulsado pola Secretaría Xeral da Igualdade da Xunta de Galicia a través das subvencións á entidades locais da nosa Comunidade Autónoma.

    O primeiro dos obradoiros ‘Vivir en positivo’, realizarase de xeito presencial e teleformación individualizada. O segundo dos Obradoiros ‘Empoderamento feminino’ tamén se realizará de xeito presencial e teleformación individualizada.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.