7.7 C
Pontevedra
Martes, 18 de Xaneiro de 2022
Máis
    HomeLouriñaMosA Xunta habilitará preto de medio millón de metros cadrados de solo...

    A Xunta habilitará preto de medio millón de metros cadrados de solo industrial nos concellos de Mos e Redondela

    A conselleira de Medio Ambiente, Territorio e Vivenda, Ángeles Vázquez, visitou esta mañá a zona onde está proxectada a futura área empresarial de Louredo

    A modificación do Plan sectorial de ordenación de áreas empresariais de Galicia (PSOAEG) impulsada pola Xunta permitirá habilitar preto de medio millón de metros cadrados de solo industrial nos concellos de Mos e Redondela, que concentran unha gran actividade económica e empresarial e necesitan máis superficie preparada para acoller este tipo de usos.

    Así o anunciou onte a conselleira de Medio Ambiente, Territorio e Vivenda, Ángeles Vázquez, que se reuniu en Mos coa alcaldesa, Nidia Arévalo, e o presidente da Asociación de Empresarios do municipio (Aemos), Manuel Castro, para explicarlles o alcance que terá para esta zona a nova planificación na que traballa o seu departamento co fin de actualizar e redefinir as prioridades da Comunidade en materia de áreas empresariais.

    En concreto, o novo ámbito previsto está proxectado en Louredo e ocupará unha superficie de 498.272 m2 dos cales a gran maioría (371.710 m2) estarán no termo municipal de Mos e os 126.562 m2 restantes, no municipios limítrofe de Redondela.

    Precisamente, a conselleira desprazouse xunto á rexedora e unha representación dos empresarios locais ata a zona na que se desenvolverá a futura área, desde onde incidiu na importancia que terá este desenvolvemento para poder responder á demanda de superficie industrial existente no concello.

    “Dos 7 millóns de metros cadrados que imos planificar de cara ao futuro con esta modificación, 500.000 pertencen a Mos e Redondela. Porque hai demanda e porque tan só restan cinco parcelas por vender no polígono existente, o de Veigadaña”, explicou a conselleira, que recoñeceu que esta é unhas das “áreas estratéxicas” desde o punto de vista empresarial polas que aposta a Xunta de Galicia.

    Neste sentido, subliñou a importancia da revisión do PSOAEG que está a acometer o seu departamento non só para esta zona senón para o conxunto da Comunidade, e avanzou que o documento se atopa en fase de avaliación ambiental e séguese avanzando co obxectivo de aprobalo de forma inicial no último trimestre e definitivamente, en 2022.

    Pola súa banda, a alcaldesa celebrou a confirmación de que Mos “seguirá crecendo empresarialmente, en emprego e en economía”, convertendo ao concello nun “territorio de oportunidades”. “O Concello, Aemos e a Xunta somos un equipo que ten que seguir cada día avanzando e resolvendo problemas”, salientou.

    Por último, o presidente de Aemos asegurou que hoxe recibiron unha nova que para os empresarios é “impresionantemente boa”, unha “necesidade” que vai supoñer unha mellora para a área metropolitana de Vigo. “Agora o que pedimos é que se reduzan os prazos ao mínimo posible, para que canto antes poidamos estar inaugurando este emprazamento”, sinalou.

    Ademais da reunión nas instalacións de Aemos e a visita á futura zona empresarial, a conselleira desprazouse tamén ata a zona na que a asociación está impulsando un proxecto singular con naves modulares.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS