8.7 C
Pontevedra
Xoves, 28 de Marzo de 2024
Máis
    HomeLouriñaMosMos instala o segundo 'hotel' para insectos de Galicia

    Mos instala o segundo ‘hotel’ para insectos de Galicia

    O primeiro instalouse na Illa de Sálvora para proporcionar un lugar seguro de cría e hibernación ás especies vulnerables propias do arquipiélago do Parque Nacional das Ilas Atlánticas

    A alcaldesa de Mos, Nidia Arévalo, e a concelleira de Promoción Económica, Julia Loureiro, visitaron o novo ‘hotel’ de insectos instalado desde o mércores na Veigadaña e que, xunto co que existe na Illa de Sálvora, son os únicos de Galicia. Este peculiar hotel forma parte das actuacións que está a desenvolver o alumnado do Obradoiro Municipal de Emprego Mos Peregrino no tramo do Camiño de Santiago Portugués ao seu paso por Mos.

    Ademais do hotel de insectos, as alumnas e alumnos do Obradoiro realizaron tamén na Veigadaña un muro e un área de descanso que están a piques de rematar. Na contorna do Pazo de Mos, na subida do Camiño da Rúa, recuperaron un lavadorio; e ao longo de todo o trazado do Camiño ao seu paso polo municipio instalaron un total de 10 papeleiras e 5 bancos de madeira coa característica flecha amarela emblema do Camiño. Actuacións que seguirán a ser complementadas por outras que se irán desenvolvendo ata que remate o Obradoiro, como unha mellora prevista na zona dos Cabaleiros, parroquia de Mos.

    Hotel para insectos

    O hotel de insectos mosense foi realizado e instalado polo alumnado pertencente á especialidade de Carpintería do Obradoiro Mos Peregrino que se encargaron de todo o proceso, desde o deseño e elaboración ata de enchelo co material adecuado para os insectos, e por último, da instalación no lugar elixido no proxecto do Obradoiro.

    Click para ampliar

    Os hoteis de insectos son estruturas que moitos insectos empregan como refuxio, como as mariquitas, larvas de escaravellos, abellas e vespas solitarias, que os utilizan para construír as celas onde se reproducirán. Estes insectos o que buscan son buracos e galerías, que normalmente realizan en madeira morta, pero ao eliminar esta madeira dos bosques xérase un grave impacto en todas as especies que dependen dela.

    Os hoteis de insectos son unha forma de compensar a carencia de ocos naturais achegándoos de forma artificial. O material que se emprega, é material que teña ocos para que poida ser utilizado polas especies, xa que é nos buracos onde se introducen todos os insectos.

    No caso do hotel mosense o material usado foron canas, ladrillo, piñas, pico ou arume dos piñeiros, e refugallos reciclados do monte (tronco de piñeiro e ramas). O ladrillo é o material máis utilizado polas abellas, o resto de material utilízase de forma indiferente polo resto de insectos, os buracos non deben ser moi grandes para protexer ás larvas e insectos do interior, dos depredadores naturais.

    Cos hoteis de insectos preténdese atraer aos insectos beneficiosos para que desenvolvan as súas funcións como organismos auxiliares contra pragas de plantas, ou como axentes de polinización.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.