8.7 C
Pontevedra
Xoves, 28 de Marzo de 2024
Máis
    HomeLouriñaMosMos rende homenaxe as súas "60 heroínas" do Servizo de Axuda ao...

    Mos rende homenaxe as súas “60 heroínas” do Servizo de Axuda ao Fogar

    No acto celebrado esta tarde nos exteriores do Pazo de Mos estivo a conselleira de Política Social, Fabiola García, para agradecerlles a súa entrega total e absoluta nestes tempos nos que son máis necesarias que nunca

    Os exteriores do Pazo de Mos acolleron na tarde de onte a homenaxe ás traballadoras do Servizo de Axuda no Fogar (SAF) organizada polo Concello con motivo do 8M, no que se contou coa asistencia da conselleira de Política Social, Fabiola García.

    Amais das 60 traballadoras do SAF de Mos, no acto estiveron presentes a alcaldesa de Mos, Nidia Arévalo; o tenente de alcalde, Camilo Augusto; a concelleira de Política Social e Igualdade, Sara Cebreiro; membros do Goberno local e da Corporación Municipal; a deputada mosense no Parlamento de Galicia, Feli Rodríguez Carrera, e traballadoras municipais da concellería de Política Social e Igualdade e do Centro de Información á Muller.

    O acto, presentado pola actriz e presentadora, Cristina Maró, comezou cunha poesía a cargo da actriz, Paula Pier, veciña de Mos e mestra de teatro do Grupo de Teatro Mulleres en Igualdade do Concello de Mos. Seguida da intervención da representante do SAF, Chus Fernández Silva, e da intervención da representante do SAF, Natalia Fernández Fernández.

    A continuación chegou a entrega de detalles ás 60 mulleres traballadoras do SAF de Mos homenaxeadas. Tras a que interviu a alcaldesa, Nidia Arévalo e pechou o acto a conselleira de Política Social, Fabiola García. A homenaxe rematou cunha actuación musical da mosense da parroquia de Pereiras, Antía Caride.

    As representantes das homenaxeadas, Chus e Natalia, expresaron a ilusión tanto delas como do resto das súas compañeiras por este recoñecemento, que as representantes municipais, Arévalo e Cebreiro, calificaron como “un recoñecemento sobradamente merecido pola enorme valía, profesionalidade, sensibilidade, entrega e implicación destas mulleres que son un orgullo para o noso Concello”.

    Este acto homenaxe ás traballadoras do SAF (Servizo de Axuda no Fogar) de Mos ten como obxectivo o agradecemento institucional polo seu gran labor durante esta crise sanitaria.

    O persoal do SAF é un dos colectivos mosenses máis imprescindibles durante esta crise sanitaria. Ademais de non ter interrompido a súa actividade laboral en ningún momento da pandemia, cubriron tamén desde abril de 2020 o SAF Temporal Extraordinario activado pola Xunta de Galicia e nunca deixaron de prestar servizo nos domicilios das 114 familias ás que atenden, aínda que neles existise algún positivo por COVID-19. Para elo estas heroínas contan coa axuda e colaboración do Servizo Municipal de Emerxencias do Concello de Mos e coa Agrupación de Voluntarios de Protección Civil de Mos, que as acompañan aos domicilios para facilitarlles a colocación de todos os EPIs dos que teñen que ir provistas e á saída para a pertinente desinfección e retirada dos mesmos.

    A rexedora local mosense detacou así mesmo “a importancia fundamental deste colectivo de traballadoras que se volven imprescindibles en tempos como os actuáis, xa que moitos dos usuarios do servizo son maiores enfermos que viven sós, e sen elas quedarían desatendidos. Ademais ao ser Mos un Concello eminentemente rural, moitas familias elixen este servizo para garantir a atención aos seus maiores antes que un centro, por exemplo”. Por último a alcaldesa insistiu no “importante papel que xogan as traballadoras do SAF nos Servizos Sociais Municipais e no gran vínculo e coordinación que manteñen coas Traballadoras Sociais deste departamento, para garantir que maiores e familias usuarios estean perfectamente atendidos cada día; de ahí que sexan sobradamente merecedoras desta homenaxe e de que lles dedicaramos o Día da Muller”. E tivo unhas palabras especiais para a Traballadora Social xefa do departamento municipal de Servizos Sociais, Loli Lago, encargada de coordinar o SAF e funcionaria veterana do Concello de Mos, no que leva traballando en maio fará 31 anos, á que Arévalo agradeceulle “a súa entrega total, o traballo sen descanso durante esta pandemia, sempre ao carón dos colectivos máis vulnerables da nosa veciñanza”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.