15 C
Pontevedra
Luns, 21 de Xuño de 2021
Máis
    HomeLouriñaMosO bailarín mosense Rubén Cabaleiro reúnese co conselleiro de Cultura para estudar...

    O bailarín mosense Rubén Cabaleiro reúnese co conselleiro de Cultura para estudar posibles colaboracións coa Xunta

    Na xuntanza de hoxe con Román Rodríguez, o bailarín estivo acompañado pola alcaldesa de Mos, Nidia Arévalo, e pola concelleira de Cultura e Turismo, Sara Cebreiro

    O bailarín mosense Rubén Cabaleiro Campo, solista do Ballett am Rhein (Ballet do Rin) –compañía de ballet das cidades alemás de Düsseldorf e Duisburg– reuniuse esta mañá co Conselleiro de Cultura e Turismo, Román Rodríguez, acompañado pola alcaldesa de Mos, Nidia Arévalo, e pola concelleira mosense de Cultura e Turismo, Sara Cebreiro.

    Na xuntanza abordaron posibles colaboracións de Cabaleiro coa Xunta de Galicia de cara ao Xacobeo 2021. Durante a reunión os presentes tamén trataron sobre o estado da danza en Galicia e Rubén Cabaleiro declarou á saída da mesma estar “moi positivamente impresionado pola cercanía e amabilidade do conselleiro”, ao que non coñecía ata o momento.

    Rubén Cabaleiro, mosense natural da parroquia de Guizán, formouse en Galicia e en Madrid de mans de Víctor Ullate. Comezou a súa carreira profesional na compañía de Víctor Ullate e bailou en numerosos teatros de todo o mundo como en Xapón, Taiwán, Holanda, Francia… etc. A pesar da súa prolífica listaxe de actuacións nunca bailou na súa terra, en Galicia, e faille por elo “moita ilusión” actuar na Comunidade Autónoma galega porque nunca o fixo, tal e como el mesmo asegura.

    Ademais de pola súa incrible traxectoria na danza profesional, Rubén Cabaleiro ven sendo noticia últimamente pola orixinal, inxeniosa e innovadora iniciativa que puxo en marcha durante o confinamento.

    Cando se desatou o estado de alarma derivado da pandemia do coronarivus o bailarín mosense propúxose non abandonarse á desidia, senón todo o contrario, continuar adestrando para manterse en forma dentro das limitacións que supón estar en confinamento. Con ese propósito creou o proxecto DanceLive Europe xunto con outro bailarín español, o zaragozano Jorge García Pérez, con quen coincidiu hai 14 anos no Ballet de Zúric e que actualmente é bailarín solista no Ballet do Teatro de Basel, Suíza.

    A iniciativa pretendía dar solucións e alternativas aos bailaríns de todas as compañías do mundo que neses intres estaban paradas, para axudalos a recibir clases gratis cos mellores profesores e bailaríns do mundo.

    Tras os primeiros días de clases, a plataforma non tardou en comezar a recibir ofrecementos doutros bailaríns dos cinco continentes, interesados non só en recibir, senón tamén en impartir clases aos seus compañeiros. Contou coa colaboración de máis de medio centenar de profesores, bailaríns e primeiros bailaríns de compañías tan importantes como o New York City Ballet e o Royal Ballet de Londres.

    DanceLive Europe ofrecía 2 clases online gratuítas diarias dirixidas tanto a bailaríns profesionais como a todo aquel que estivera interesado en exercitarse a través da danza e do baile.

    As clases reuniron cada día a preto de cen alumnos, profesionais e afeccionados, de todo o mundo: Xapón, China, Australia, Rusia, Israel, Canadá, Estados Unidos, Brasil e, por suposto, Galicia. Principalmente ofreceron clases de ballet e danza contemporánea, pero tamén incorporaron talleres coreográficos e outras disciplinas como o ioga, o gyrokinesis e o estilo Bollywood, máis dirixidas ao público non profesional.

    COLABORACIÓNS

    Amandi, un tesoro en la Ribeira Sacra

    Hoy, en la nueva entrada de 'Cuando sube la marea', os comparto mi día de ruta por la Ribeira Sacra. ¡No os la podéis perder! Si en la anterior publicación os contaba que he nacido en Sober (Lugo), hoy os traigo un plan muy completo para conocer la zona y disfrutarla, si cabe, todavía más.

    Ponteareas, ciudad de 15 minutos

    El arquitecto franco-colombiano Carlos Moreno definió el concepto 'ciudad de 15 minutos' antes de la llegada de la pandemia, y Anne Hidalgo, alcaldesa de París, lo encontró tan atractivo que lo adoptó como modelo de desarrollo para su ciudad. Posteriormente otras ciudades importantes como Milán, Otawa, Copenhague o Barcelona han seguido la misma dirección, adaptando el modelo a sus realidades.

    A peregrinación de Giovanni Battista Confalonieri en maio de 1594

    Unha das mais citadas peregrinacións polo Camiño Portugués é a relatada polo crego italiano, Giovanni Battista Confalonieri, que realiza no ano 1594. O seu relato titúlase Memoria di alcune cose notabili accorse nel viaggio fatto da me, Giovanni Battista Confalonieri, Sacerdote romano da Roma in Portogallo e foi publicado...

    Colaboradores

    Alberto Aliaga Sola
    6 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    2 POSTS0 COMMENTS
    Manrique Fernández
    40 POSTS0 COMMENTS
    Paz de la Peña
    31 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS