Tag: luis piña

A Cañiza vaise de Entroido e para corroboralo, esta semana presentouse na Praza Maioro I Entroido de Verán da Cañiza, un acto no que estaban presentes todos os impulsores do proxecto: o Balonmán Cañiza; o alcalde da Cañiza, Luis Piña; hostaleiros e hostaleiras da vila e a Asociación de Comerciantes da Cañiza.

O GDR Condado Paradanta organizou este pasado luns a 'II Gala de Calidade Turística' en Mondariz Balneario, nun acto no que se entregaron 20 novos distintivos SICTED e no que participaron os dez alcaldes e alcaldesas das comarcas do Condado e Paradanta e a directora de Turismo de Galicia, Nava Castro.

O alcalde da Cañiza, Luis Piña, anunciou onte o inicio do procedemento para a «Recuperación dos Castros Cidade de Achas e A Cerquiña» que pasa, primeiramente, pola adquisición dos terreos a través dun proceso de expropiación. O Concello acaba de asinar o inicio deste procedemento para a contratación dunha empresa redactora do proxecto de expropiación.

O pasado mércores o alcalde da Cañiza, Luís Piña, recibiu no Concello a visita do párroco de Luneda, Luís Manuel González Piñeiro, autor do libro «Santa María de Luneda. Evolución arquitectónica dunha igrexa sanjuanista». Trátase dunha pequena pero detallada obra, impresa agora polo autor en formato de libro, que fora publicada xa o pasado mes de novembro de 2021 na revista de estudos tudenses « Castelum Tide», na súa edición nº 7.

O alcalde da Cañiza, Luis Piña, entregou no Salón de Plenos do Concello os premios ás seis gañadoras do Concurso de lemas e carteis do Proxecto Violeta. Tres primeiros premios para cada categoría dotados cun vale de 100 €, 50 € e 30 € que as gañadoras poderán canxear por material didáctico e libros en calquera das librerías da Cañiza.

O alcalde da Cañiza, Luis Piña, entregou no mediodía de hoxe os terceiros premios da campaña de reactivación e fidelización do comercio local "A confianza de sempre, agasállate este Nadal 2021", inciativa que comezou o pasado mes de decembro e que xa suma 3.000 € en vales de compra.

O alcalde da Cañiza, Luis Piña e o conselleiro de Sanidade da Xunta de Galicia, Julio García Comesaña, mantiveron unha reunión no departamento territorial de Sanidade de Vigo para tratar temas relativos á situación sanitaria do municipio. Na xuntanza Luis Piña reivindicou novamente a necesidade de cubrir a praza de facultativo en Valeixe durante os cinco días da semana e a dotación cun cuarto médico para o centro de saúde da Cañiza.

O alcalde da Cañiza, Luis Piña, presentou esta mañá a segunda iniciativa para reactivar o comercio local neste Nadal e que, ademais, leva asociado ocio e lecer para os máis pequenos. Durante os días 28, 29 e 30 de decembro o Concello instalará na Praza Maior un mini parque de atraccións infantil cunha barca, noria e carrusel. O prezo de cada atracción é de 3 € por persoa pero a compra en calquera dos establecementos da Cañiza adheridos a este programa, dará dereito a un ticket desconto de 2,00 € que poderase presentar no acceso a cada atracción, costando finalmente 1,00€ por neno.

O Boletín Oficial da Provincia de Pontevedra (BOPPO) publicou onte o anuncio do Programa de Reactivación Económica e Social do Concello da Cañiza e as Bases reguladoras das Liñas de axuda aos sectores máis desfavorecidos da Cañiza pola situación Pandémica.

O Concello da Cañiza mantén a súa aposta pola eficiencia enerxética co cambio das calefaccións eléctricas dun total de 15 centros sociais e salas de velacións parroquiais, obras que contarán cun investimento de 62.781,53 € e que contarán, tal e como adiantou o alcalde da Cañiza, Luis Piña, cunha subvención de 56.503,34 € da que o Instituto de Diversificación e Aforro Enerxético do Ministerio para a Transición Ecolóxica do Goberno de España achegará un total de 50.225,16 € e a Deputación de Pontevedra 6.278,18 €.

O Concello da Cañiza denunciou ante o Cuartel da Garda Civil da localidade o segundo "atentado e sabotaxe á rede de abastecemento de augas de consumo do casco urbano". Tal e como denuncia o Concello que preside Luis Piña, o responsable do servizo de auga atopou ás doce da noite, na inspección de rutina que se realiza diariamente aos tanques, novamente saboteado o sistema eléctrico do motor dun dos pozos que da servizo á rede de abastecemento do casco urbano.

O alcalde da Cañiza, Luis Piña, e o doutor en musicoloxía David Ferreiro, presentaron na biblioteca municipal a Obra e Memoria de Luis R. Brage Villar, compositor santiagués, referente da música galega no primeiro terzo do século XX e creador da banda de música La Lira de Ribadavia.

Hoxe martes, 17 de agosto, comezan na Cañiza as obras de asfaltado de todo o treito urbano da N-120. Os traballos inícianse tras a reunión que o alcalde Luis Piña mantiña en Madrir, o pasado 27 de xullo, co secretario xeral de Infraestruturas do Ministerio de Transportes, Mobilidade e...

O alcalde da Cañiza, Luis Piña, reuniuse esta pasada semana na Xerencia do Sergas da Área Sanitaria de Vigo, coa directora de Atención Primaria, Reyes Díaz, e a subdirectora de Enfermería, Mar de la Peña, para tratar, unha vez máis, de poñer solución ás reclamacións realizadas dende o concello sobre "a necesidade de cubrir de modo inmediato a praza de médico no consultorio de Valeixe".

A Presidenta da Deputación de Pontevedra, Carmela Silva, visitou onte o Concello para acompañar ao Alcalde Luis Piña na promoción do Xamón da Cañiza. Ademáis, aproveitando este encontro, o Alcalde invitou á Presidenta a visitar a mostra fotográfica e material que baixo o título “A Muller ao longo do tempo no concello da Cañiza” se expón no Salón de Plenos da Casa Consistorial ata o día 14 de agosto.

Dende onte, 10 de agosto e ata o vindeiro 31 de agosto, un funcionario do Servizo de Atención Primaria da Consellería de Sanidade da Xunta de Galicia, atenderá á veciñanza pata que poidan solicitar e obter o Certificado COVID e para que poidan darse de alta na Chave365, un sistema que permite aos cidadáns maiores de idade e aos/ás menores emancipados/as identificarse e asinar documentos na sede electrónica da Xunta de Galicia sen necesidade de usar certificados dixitais nin DNI electrónico.

A Cañiza celebra esta fin de semana a festa-feira do seu produto estrela, o que supón unha oportunidade ideal para acudir a degustar “o mellor xamón de Galicia e o noroeste peninsular, incluído Portugal, e un dos mellores de toda España”. Así o definiu a presidenta da Deputación, Carmela Silva, quen animou hoxe a visitar a vila do Condado-Paradanta para gozar da súa cociña, paisaxe e patrimonio.

O alcalde da Cañiza, Luís Piña, xunto cos concelleiros e concelleiras do Goberno municipal, inauguraron a mostra A Cañiza xogando en cor, unha orixinal idea formada por dez Cubos de Rubik e 6 dados de cores, dun tamaño de 1’25 metros cúbicos feitos por persoal do concello durante o inverno, aproveitando e reciclando os materiais de transporte das novas luces led de Valeixe.

Un clásico da oferta de lecer do verán cañicense, o Campus do BM Cañiza, xa está en marcha. Desde o luns 2 de agosto vén celebrando a sexta edición deste campamento de verán, multideportivo e cultural, nesta localidade da Paradanta.

O alcalde da Cañiza, Luis Piña, recibiu na Casa do Concello a Pedro R. Bofill, creador do primeiro cartel da Feira do Xamón e que lle fora encargado no ano 1967. Na recepción Bofill deixou a súa pegada por escrito no Libro de Honra do Concello ademáis de dedicar e rubricar varias copias do seu cartel.

O Concello da Cañiza vén de iniciar os traballos de mellora e acondicionamento do acceso á zona dos Muíños de Paradela dende a pista do Gurgullón, unha drenaxe na pista do camiño entre Ascensión e A Miranda e a pavimentación do camiño en Mourelos. Como xa acontecera anteriormente coa mellora de cinco camiños en Luneda, Parada e Franqueira, financiados tamén polo Plan Concellos 2019, obras planificadas sobre unha base inviable, a actuación dos camiños de Valeixe tamén tivo que ser modificada e contratada de novo por ser imposible a súa execución.

O Concello da Cañiza está a piques de rematar as obras que desenvolve de cara a mellorar e modernizar o alumeado público da parroquia de Valeixe. Amais da substitución dos báculos, por outros máis modernos e coa imaxe do Concello, elimináronse todos os puntos que ata agora facturábanse en alzado, cun alto consumo enerxético e penalizacións nas facturas, colocando novos contadores. Esta actuación tradúcese nun importante aforro, reducindo a factura mensual en máis do 50 %.

Dous anos leva sen perder un partido o equipo feminino do Club Balonmán A Cañiza, un extraordinario caso de éxito deportivo nunha vila de 5.100 habitantes do interior da provincia. A presidenta da Deputación, Carmela Silva, quixo render hoxe homenaxe á entidade e particularmente ás xogadoras, que veñen de conquistar por segundo ano o campionato galego en Primeira Autonómica e ascenden á División de Honra de Prata Feminina.

O alcalde da Cañiza, Luis Piña, recibiu onte nas dependencias da Alcaldía ao novo subcampeón de España de BTT Enduro categoría Master 30, Santos Lemos, un dos deportistas do Club Ciclista Grupeta Pan de Zarco, equipo deportivo que na actualidade ten a súa sede na Cañiza.

O alcalde da Cañiza, Luis Piña, adiantou onte que que en breve iniciaránse as obras de recuperación e posta en valor da Fonte dos dous canos, traballos para os que se conta cunha subvención da Deputación de Pontevedra de 5.950,64 euros ao abeiro das bases reguladoras de subvencións para a rehabilitación e a sinalización do patrimonio histórico-cultural dirixidas aos Concellos da provincia de Pontevedra para o ano 2020.

As parroquias da Cañiza contarán, en breve, con fibra óptica. Así se desprende da reunión mantida entre o alcalde, Luis Piña, e a coordinadora do despregamento de fibra óptica en Galicia e Asturias de Telefónica, Patricia Rodiño Piñeiro quen confirmou ao rexedor local as actuacións que a operadora de telefonía acometerá no municipio grazas aos distintos plans subvencionados polo Ministerio de Transformación Dixital, os datos de cada consurso e a data límite de execución para cada plan.

O alcalde da Cañiza, Luis Piña, reuniuse onte na Subdelegación do Goberno en Pontevedra, co xefe de Demarcación de Estradas do Estado en Galicia, Angel González; co cefe da Unidade de Estradas en Pontevedra, Pablo Domínguez e coa subdelegada do Goberno, Mayca Larriba, a fin de transmitirlles a súa preocupación polo estado da N-120 ao seu paso polo termo municipal.

Onte sábado, o Salón de Plenos do Concello da Cañiza acolleu a recepción a todo o equipo do Balonmán Cañiza Feminino que vén de proclaclamarse Campión Galego. O equipo formado polas 17 xogadoras, o entrenador Emilio Barciela, o preparador físico Ramón Pérez e os dous delegados de equipo Javier Rodríguez e Melisa Mariño que xunto co presidente do Club, Rubén Fernández e a directiva, foron felicitados polo rexedor Luis Piña, acompañado da primeira tenente de alcalde Mª José Rodríguez.

O alcalde da Cañia, Luis Piña e o secretario xeral para o Deporte da Xunta de Galicia, José Ramón Lete Lasa asinaron hoxe un convenio para dotar ao Pavillón Municipal de Deportes dun vídeo marcador cunha pantalla led de 10 m2, e que contará cun orzamento de 20.000 euros.

O alcalde da Cañiza, Luis Piña, visitou e repasou cun dos técnicos da empresa adxudicataria as obras de modernización do alumeado público que se están a desenvolver en Valeixe. Os traballos comezaron no pasado mes de abril e permitirán a substitución de 298 luminarias –44 en Taín, 46 en Barreiros, 17 en Chans, 27 en Abelán, 37 na Cruz, 17 en Paradela, 18 en Lameira, 38 en Cabo de Vila-Raxeira, 24 na Laranxeira, 15 na Chan e 6 en Carracedo–. Todas as luminarias son do modelo Laia de Isosi de 30 watios capaz de proxectar unha luz branca a 130 luminos/watio, de clase 2 en ador 4000K.

O alcalde da Cañiza, Luis Piña asinou onte o un Bando de Alcaldía para requirir aos titulares de terreos que limiten coas pistas municipais, "que procedan á realización das tarefas de rozado, limpeza, retirada de maleza, así como tala ou clareo/ poda de árbores, observando as medidas de seguridade establecidas pola normativa aplicable".

O Salón de Plenos do Concello da Cañiza acolleu, na mañá, de hoxe unha xornada sobre o Dano Cerebral adquirido. A actividade, presentada polo alcalde Luis Piña, correu a cargo de persoal Fegadace (Federación Galega de Dano Cerebral) co obxectivo de obxectivo informar sobre esta enfermidade, as causas e factores que a producen, recoñecer os síntomas, como actuar ante un Ictus, as secuelas que pode deixar e, sobre todo, cáles son os recursos dos que podemos dispor en caso de padecer esta enfermidade.

O pasado 21 de abril iniciábase, por Resolución da Alcaldia da Cañiza, o expediente para solicitar asistencia xurídica para a redacción do que se coñecera como PEID das Tapadas, –Plan Especial de Infraestruturas e Dotacións do Concello no lugar das Tapadas–, terreos situados entre o Centro Comarcal e o Área de Servizo.

O alcalde da Cañiza, Luis Piña, fixo entrega dos certificados de asistencia ás doce mulleres que participaron no curso de alfabetización informática, unha iniciativa deseñada especificamente para aprender dende cero e sen necesidade de coñecementos previos sobre o uso do ordenador e a navegación por internet.

O Concello da Cañiza vén de gañar un novo e moderno espazo público de convivencia para a veciñanza co novo Parque Central, unha obra que supón unha auténtica transformación na vila e que foi financiada con achegas do Plan de Reequilibrio e o Plan Concellos da Deputación de Pontevedra. A presidenta provincial, Carmela Silva, e o alcalde do municipio, Luis Gómez Piña, acompañados do deputado de Cooperación, Santos Héctor, e da corporación municipal, estiveron onte na estrea oficial deste equipamento

A Xunta de Galicia, a través da Consellería de Cultura, Educación e Universidade, vén de rematar coas melloras nos centros educativos do Concello da Cañiza tras realizar un investimento de máis de 1,3 millóns de euros na rehabilitación enerxética e funcional do CPI e na modernización eficiente dos sistemas de calefacción do IES.

O Concello da Cañiza mellorou os accesos, así como os servizos de varios núcleos rurais do municipio grazas a achegas do Plan Concellos da Deputación, cun orzamento de preto de 178.000 euros. O deputado provincial de Cooperación, Santos Héctor, quen visitou algúns destes traballos xunto ao alcalde Luis Antonio Gómez Piña e a deputada provincial Olga García, subliñou que son obras que teñen en común “a dotación de prestacións de calidade para fixar poboación no rural”. Na visita participaron tamén, por invitación da Alcaldía, representantes de tódolos grupos da Corporación municipal.

O Consorcio da Zona Franca poñerá en marcha o desenvolvemento dun plan estratéxico sobre A Cañiza e a súa contorna. O delegado do Estado, David Regades, asinou onte un acordo co alcalde da Cañiza, Luís Piña, para realizar este traballo de análise, que permitirá establecer os mecanismos necesarios para a toma de decisións.

O alcalde da Cañiza, Luis Piña, recibiu onte no seu despacho á nova delegada territorial da Xunta de Galicia en Pontevedra, María Luisa Piñeiro, nunha xuntanza na que se trataron 12 puntos. Temas todos pendentes de resolver coa Comunidade Autónoma e que son de especial interese para mellorar os servizos municipais, como é o tema do abastecemento da traída de augas municipal.

O delegado territorial da Xunta en Pontevedra, José Manuel Cores Tourís, comprobou no día de onte as obras de mellora executadas nos dous parques empresariais da Cañiza, Uceira e Ribadil, levadas a cabo grazas á orde de axudas a polígonos empresariais da Consellería de Economía, Emprego e Industria.