10.1 C
Pontevedra
Luns, 26 de Febreiro de 2024
Máis
    HomeA ParadantaA CañizaO alcalde da Cañiza entrega os diplomas ás doce mulleres participantes no...

    O alcalde da Cañiza entrega os diplomas ás doce mulleres participantes no curso de Informática Nivel Básico

    O alcalde da Cañiza, Luis Piña, fixo entrega dos certificados de asistencia ás doce mulleres que participaron no curso de alfabetización informática, unha iniciativa deseñada especificamente para aprender dende cero e sen necesidade de coñecementos previos sobre o uso do ordenador e a navegación por internet.

    O curso contou cun total de 40 horas lectivas, gratuitas, impartidas no aula CeMIT da Casa de Cultura da Cañiza, dentro das actividades formativas e da programación anual que organiza o Concello,  no que as alumnas adquiriron paso a paso as nocións básicas para o manexo da informática.

    Acender e apagar correctamente  o ordenador, manexar o rato e teclado con soltura, familiarizarse co entorno de traballo e as ventás do Sistema Operativo, aprender a xestionar arquivos e cartafoles (crear, eliminar, copiar, …), copiar un documento nunha unidade extraíble (memoria USB) e crear, editar e/ou imprimir un documento cun editor de textos foron algún dos temas impartidos.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.