11.7 C
Pontevedra
Domingo, 9 de Maio de 2021
Máis
    HomeA ParadantaA CañizaA Cañiza reafirma a súa aposta polo rural con 178.000 euros para...

    A Cañiza reafirma a súa aposta polo rural con 178.000 euros para obras de pavimentación e traída de augas financiadas pola Deputación

    Santos Héctor: “Ata o último céntimo do Plan Concellos se transforma en obras que solucionan problemas”. “Instamos á Xunta de Galicia a involucrarse en serio no abastecemento de auga ao centro urbano de A Cañiza”

    O Concello da Cañiza mellorou os accesos, así como os servizos de varios núcleos rurais do municipio grazas a achegas do Plan Concellos da Deputación, cun orzamento de preto de 178.000 euros. O deputado provincial de Cooperación, Santos Héctor, quen visitou algúns destes traballos xunto ao alcalde Luis Antonio Gómez Piña e a deputada provincial Olga García, subliñou que son obras que teñen en común “a dotación de prestacións de calidade para fixar poboación no rural”. Na visita participaron tamén, por invitación da Alcaldía, representantes de tódolos grupos da Corporación municipal.

    En primeiro lugar comprobouse o resultado das obras de acondicionamento de accesos a Deva e Igrexa Vella, onde se investiron máis de 41.000 euros, así como a instalación da traída de augas e mellora de viarios acometidos en Randufe, que tiveron un orzamento de preto de 39.000 euros. No primeiro caso, estes traballos, financiados ao abeiro do Plan Concellos, consistiron na renovación do asfalto de ambos camiños, situados na parroquia de Petán, e cuxo pavimento estaba moi deteriorado. Con estas actuacións, mellorouse notablemente a situación destes viarios, beneficiando a un gran número de usuarios. E, no caso das actuacións en Randufe, na parroquia de Achas, as obras consistiron na instalación dun tramo de traída de augas e a mellora de varios viarios na zona, que tiñan o firme moi deteriorado.

    Como destacou Santos Héctor Rodríguez, trátase de obras que amosan “a enorme flexibilidade” do Plan Concellos para facer actuacións “claramente enfocadas á mellora da vida da comunidade e que permiten “consolidar poboación nas contornas rurais”. “Á Deputación non lle custa ningún esforzo atender ás necesidades que nos suxire a o Concello da Cañiza”, manifestou o deputado. “Poñemos ao seu dispor unha ferramenta tan poderosa como o Plan Concellos, que o ano pasado fixo posible a execución de preto de 500 obras na provincia, a contratación dun milleiro de persoas e a realización de máis de 200 actividades socioculturais. Investimos na Cañiza, ao igual que investimos en toda a provincia. Simplemente porque consideramos que a veciñanza da capital da Paradanta ten dereito ao elo. E iso non debería depender de quen goberna en cada institución”. “Somos unha institución profundamente municipalista”, afirmou Santos Héctor, “e encántanos vir a comprobar sobre o terreo como ata o último céntimo investido co Plan Concellos se transforma en obras que solucionan problemas, que revalorizan núcleos rurais e, por tanto vivendas, que melloran a calidade de vida da xente”. E nese senso, reivindicou a colaboración doutras Administracións para solucionar os problemas da Cañiza E así aludiu ao subministro de auga ao seu centro urbano, “que leva adiado demasiado tempo”, afirmou. “Facemos un chamamento á Xunta de Galicia para que se implique con seriedade nesta actuación porque A Cañiza non pode seguir co servizo de abastecemento de auga que ten na actualidade”.

    Pola súa banda, o alcalde Luis Gómez Piña quixo destacar a presenza na visita de representantes de toda a Corporación municipal e subliñou que “o Plan Concellos é un instrumento moi poderoso e moi beneficioso neste caso para o municipalismo, e que se reparte de maneira obxectiva no conxunto da provincia de Pontevedra, indistintamente da cor política”. “Somos un concello do rural con 5.000 habitantes e temos unhas infraestruturas de servizos que implican un elevadísimo custo de mantemento. Por iso, con instrumentos como o Plan Concellos, permítesenos tratar de afrontar esta tarefa. É un exemplo que deberían tomar outras Administracións”.

    Doutra banda, Santos Héctor Rodríguez e Luis Gómez Piña repasaron outras actuacións recentes financiadas co Plan Concellos neste municipio, en concreto a mellora da pavimentación dos camiños municipais de Candal aToural e de Torgo a Cota (38.599€), así como a mellora dos accesos dos camiños Cerdeira-Choza e Cota-Choza (38.636€). Outros traballos realizados foron os de acondicionamento levado a cabo na zona recreativa de Xunqueiras, cun investimento de 20.000€.

    COLABORACIÓNS

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Constance Demby, pionera de la ‘new age’

    A muchos no les sonará éste nombre, a otros muchos seguidores de las nuevas músicas, es simplemente una referencia, hablar de Constance Mary Demby, más conocida como Constance Demby, es hablar de uno de los nombres más representativos de la llamada música New Age,

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    0 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS