O GDR Condado Paradanta organizou este pasado luns a ‘II Gala de Calidade Turística’ en Mondariz Balneario, nun acto no que se entregaron 20 novos distintivos SICTED e no que participaron os dez alcaldes e alcaldesas das comarcas do Condado e Paradanta e a directora de Turismo de Galicia, Nava Castro.
A Cañiza segue medrando en calidade turística e boa proba diso é que aos seis establecementos do municipio xa acreditados con este distintivo que certifica a excelencia turística –Vivenda turística A Pampla, Bodega Torgo, Centro de Estudos Serán de Torgo, Bodega Eido da Fonte e Casa Vilamide– súmase este ano o obtido pola Finca Briaví.
O alcalde Luis Piña felicitou tanto a Finca Briaví pola obtención deste distintivo, como aos demáis establecementos da Cañiza que xa contan con el e que contribúen a que o municipio poida ofrecer servizos turísticos de alta calidade.
O distintivo SICTED é un selo de compromiso de calidade turística que acredita e recoñece a nivel nacional o esforzo realizado polos establecementos e servizos que participan no Xeodestino Condado Paradanta.