16 C
Pontevedra
Martes, 21 de Maio de 2024
Máis
    HomeUltimas NoticiasA Cañiza inicia a tramitación dun novo vial que elmininará do centro...

    A Cañiza inicia a tramitación dun novo vial que elmininará do centro urbano o tráfico pesado do polígono industrial

    O pasado 21 de abril iniciábase, por Resolución da Alcaldia da Cañiza, o expediente para solicitar asistencia xurídica para a redacción do que se coñecera como PEID das Tapadas, –Plan Especial de Infraestruturas e Dotacións do Concello no lugar das Tapadas–, terreos situados entre o Centro Comarcal e o Área de Servizo.

    Este PEID permitirá construir un novo vial  que axudará a mellorar a mobilidade dos vehículos e cidadanía e reducirá a circulación do tráfico pesado no casco urbano ao facilitar as comunicacións co polígono industrial e conectar a través dunha circunvalación a EP5005 Cañiza-Crecente coa PO406 Cañiza-Filgueira.

    Segundo manifestou o alcalde da Cañiza, Luis Piña, “serán necesarios varios anos para abrir ao tráfico esta nova vía xa que hai que desenvolver e tramitar este plan especial dentro do PXOM”. Coa execución desta obra, dende a Alcaldía dase resposta a un problema viario que leva máis de 20 anos enriba da mesa sen que ata agora se adoptaran medidas.

    A iniciativa é un paso máis do Goberno local no proceso de reordenación da mobilidade urbana, dando protagonismo aos cidadáns sobre os vehículos. É, en todo caso, o Concello da Cañiza sinala que este “é solo un dos cambios que o novo Plan de Mobilidade Urbano Sostible da Cañiza, PMUS,  favorecerá, en consonancia cos novos modelos que se están implementando e que nos alineará con Europa”.

    Para poder desenvolver esta importantísima obra é necesario modificar o Plan Xeral de Planeamento Municipal aprobado o 27/06/2003. A construcción deste vial pasa pola redacción e aprobación dun Plan Especial PEID cuxa asistencia xurídica xa se licitou e notificou por Resolución do Alcalde a semana pasada á empresa  J&A Garrigues, S.L.P. que conta cun prazo de 3 meses para presentar o documento.

    O PEID recollerá o establecemento e ordenación das infraestruturas relacionadas coas comunicación, transportes, espazos libres públicos, equipamentos comunitarios, instalacións destinadas a  servizos públicos, suministros de enerxía, saneamento, evacuación de augas e outros.

    Coa asistencia xurídica xa contratada, formalizarase o contrato de servizos para a redacción do Plan que levará un tempo aprobalo xa que necesita das autorizacións sectoriais favorables e vinculantes de varias administracións Públicas, entre elas de Fomento.

    Unha vez aprobado este Plan Especial, o Concello poderá executar a obra e materializar o proxecto de urbanización e construcción do novo Vial

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.