18.5 C
Pontevedra
Xoves, 18 de Xullo de 2024
Máis
    HomeA ParadantaA CañizaA Cañiza continúa so seu programa de reforma e modernización do alumeado...

    A Cañiza continúa so seu programa de reforma e modernización do alumeado público de Valeixe

    O alcalde da Cañiza, Luis Piña, visitou e repasou cun dos técnicos da empresa adxudicataria as obras de modernización do alumeado público que se están a desenvolver en Valeixe. Os traballos comezaron no pasado mes de abril e permitirán a substitución de 298 luminarias –44 en Taín, 46 en Barreiros, 17 en Chans, 27 en Abelán, 37 na Cruz, 17 en Paradela, 18 en Lameira, 38 en Cabo de Vila-Raxeira, 24 na Laranxeira, 15 na Chan e 6 en Carracedo–. Todas as luminarias son do modelo Laia de Isosi de 30 watios capaz de proxectar unha luz branca a 130 luminos/watio, de clase 2 en ador 4000K.

    Ademáis tamén se instalaron 18 módulos de contadores de última xeneración e se cambiaron os 2 existentes e xa se iniciaron as xestións coa Distribuidora eléctrica para solicitar a alta. Deste xeito cambiarase o modelo de facturación de alzado a contador, rebaixando notablemente a factura da luz xa que o modelo de alzado contaba cun elevado importe de penalización.

    O concello da Cañiza un investimento de 445.700,00 € nestas actuacións que cambiarán por completo a instalación eléctrica de todo o alumeado público da parroquia e que contempla a substitución de máis de 800 luminarias, o despregue de 13 quilómetros de novo cable no tendido eléctrico, a substitución de máis de 40 báculos en mal estado e a colocación de 10 novos báculos do modelo Cañiza no centro da parroquia, na Miñoteira.

    Cadros eléctricos intelixentes

    Cómpre salientar que ao abeiro destas obras, tamén se está procedendo á instalación de 20 novos cadros de contadores eléctricos intelixentes, que veñen a sumarse aos 5 existentes nos lugares de Touzosas, Anxo da Garda, Almuiña, Súa Hermida e Miñoteira.

    Click para ampliar

    A práctica inexistencia de contadores na parroquia, unha das máis poboadas do Municipio, provocaba que a subministradora facturara o consumo por alzado, un tipo de facturación que aplica unha elevada porcentaxe de penalización, polo que a colocación destes 20 contadores novos axudará a baixar significativamente o coste da luz pública.

    Solo no último ano os 5 contadores existentes en toda a parroquia (Touzosas, Anxo da Garda, Almuiña, Súa Hermida e Miñoteira), arroxaron uns consumos cuns costes de 15.963,09 € e a facturación por alzado 62.595,90, co inconveniente de non saber con exactitude cales son os consumos de cada zona porque a facturación en alzado é estimatoria para todo o Municipio.

    Ademáis o feito de non contar con contadores está penalizado pola empresa que fai unha estimación á alza. De ahí a importancia de cambiar o tipo de facturación que xunto coa nova instalación de LED reducirá os consumos ademáis de ofrecer un servizo de maior calidade e menos contaminante.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.