12.9 C
Pontevedra
Mércores, 22 de Maio de 2024
Máis
    HomeA ParadantaA CañizaA Cañiza repartirá entre os centros escolares do municipio o libro «Santa...

    A Cañiza repartirá entre os centros escolares do municipio o libro «Santa María de Luneda, historia dunha igrexa sanjuanista»

    O autor do libro, Luis Manuel González Piñeiro, párroco de Luneda, entregou ao alcalde Luis Piña varios exemplares deste libro que o Concello repartirá entre os centros escolares do municipio

    O pasado mércores o alcalde da Cañiza, Luís Piña, recibiu no  Concello a visita do párroco de Luneda, Luís Manuel González Piñeiro, autor do libro «Santa María de Luneda. Evolución arquitectónica dunha igrexa  sanjuanista». Trátase dunha pequena pero detallada obra, impresa agora polo autor en formato de libro, que fora publicada xa o pasado mes de novembro de 2021 na revista de estudos tudenses « Castelum  Tide», na súa edición nº 7.

    Trátase, explicou o autor, dunha iniciativa para non quede no esquecemento a moita historia que ten o rural da Cañiza e non se perdan os acontecementos da súa memoria popular.

    Segundo comentou González Piñeiro ao Alcalde Luís Piña, «todo comezou por mor de querer realizar unha listaxe de todos os curas que atenderon  a parroquia de  Luneda ao longo da historia, o que se coñece como  Presbiterologio  Lunedense, desde o ano 1640 en que se empezan a ter datos sobre a parroquia ata hoxe».

    A segunda motivación foi unha Cruz labrada cunha inscrición situada no Presbiterio e que preside este lugar desde  hai máis de 300 anos. Unha Cruz símbolo da Orde de Malta, ou de San Juan de Malta, ou de San Juan de Jerusalen, nomes cos que se coñecen a este Instituto relixioso militar que tivo o seu auxe en España durante a época medieval da Reconquista. Este dato foi o acicate para que o autor deste libro quixese coñecer máis a fondo a historia de  Luneda e a súa relación coa Orde de Malta.

    A partir deste intre inicia unha viaxe pola historia da parroquia consultando fontes nos Arquivos Diocesanos e tamén nos propios Arquivos Parroquiais. Unha investigación que recupera do esquecemento innumerables historias e acontecementos que agora todos poderemos coñecer a través das páxinas deste libro histórico e que estará ao dispor de todos os  cañicenses nas bibliotecas municipais.

    No Libro, o seu autor tamén infere unha hipótese sobre o posible nacemento da parroquia antes da chegada dos primeiros cristiáns e a súa consecuente  evanxelización e que sitúa aos primeiros poboadores na cima do Monte Vieiro, posible poboado  castrenxe, en base á súa toponimia e localización.

    O alcalde Luís Piña agradeceu o xesto de Luís M. González de compartir e regalar varios exemplares ao Consistorio e felicitouno “por este excelente e documentado traballo de investigación” que en palabras do rexedor “espertará o interese dos lectores desde a primeira páxina”. O alcalde da Cañiza adiantou que os libros serán repartidos entre os centros escolares do municipio para axudar á difusión do patrimonio histórico entre os escolares.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.