Tag: voluntariado

O Plan de Voluntariado do Concello de Redondela xa está en marcha e a finais deste mes de febreiro, logo de toda a tramitación regulamentaria, xa será oficial. A concelleira de Medio Ambiente e Maiores e Infancia, Pilar Martínez, fai un chamamento a todas aquelas persoas que desexen participar a informarse e inscribirse neste programa. A edil está segura de que será “todo un éxito” e que servirá para concienciar á cidadanía da importancia de colaborar en accións de voluntariado “e facer entre todos e todas unha sociedade máis xusta e solidaria”.

O pleno da corporación de Redondela aprobou onte o regulamento municipal de voluntariado, normativa necesaria para poñer en marcha o Plan Municipal de Voluntariado.

A Xunta de Galicia impulsa, coa producción dun vídeo promocional que se está a gravar estes días, o programa de voluntariado interxeracional do Concello de Mos, centrado na atención ás persoas maiores do municipio.

A Xunta leva á illa de San Simón un campamento e un campo de voluntariado de temáticas cultural e ambiental. A directora xeral de Xuventude, Participación e Voluntariado, Cristina Pichel, visitou esta mañá os participantes nestas actividades, que forman parte da campaña de verán posta en marcha polo Goberno galego.

O grupo municipal de voluntariado de limpeza da natureza do Rosal prepárase para unha nova saída coa que fomentar a concienciación e a participación activa da veciñanza no coidado da contorna e na conservación dos espazos naturais.

O Rosal organiza esta fin de semana unha nova saída do seu grupo de voluntariado de limpeza da natureza, un encontro que “un impacto moi positivo no noso concello grazas ao seu labor e que nos permite ao mesmo tempo fomentar a concienciación e participación activa da veciñanza no coidado do noso medio ambiente e dos espazos naturais nos que se goza de tempo de lecer”, explica a alcaldesa, Ánxela Fernández Callís.

O Concello de Ponteareas inicia un ano máis a xeira de saídas do programa de voluntariado ambiental xuvenil, unha iniciativa que busca “ofrecer á mocidade a oportunidade de gozar, aprender e mellorar os vínculos coa súa contorna a través de diferentes actividades”, como explica o concelleiro de Mocidade e Voluntariado, Miguel Bouzó.

A Fundación Provincial Banco de Alimentos necesita uns 500 voluntarios para poder levar a cabo a súa primeira recollida de comida en supermercados de prácticamente toda a provincia, o Zampakilos Solidario organizado, unha vez máis, por parte de Vegalsa-Eroski.

O Concello de Covelo convida a todas as persoas que queiran aportar a súa axuda a formar parte do voluntariado do Concello.

A directora xeral de Xuventude, Participación e Voluntariado, Cristina Pichel, en compañía da alcaldesa, Nidia Arévalo, mantivo onte un encontro informativo no Pazo de Mos para detallar o novo programa de voluntariado interxeracional, cuxo prazo de solicitudes remata o día 27.

A directora xeral de Xuventude, Participación e Voluntariado, Cristina Pichel, visitou onte aos 14 mozos de entre 18 e 30 anos que participan no campo de voluntariado Illa de San Simón.

A posta en valor do medio, a redución de desigualdades e a prevención de adiccións son os eixes centrais dunha nova edición do programa de Voluntariado Ambiental Xuvenil, posto en marcha polo Concello para ofrecer aos case 5.000 mozos de 16 a 30 anos de Ponteareas a oportunidade de gozar, aprender e mellorar os vínculos coa súa contorna dun xeito lúdico e alternativo.

Ponteareas continúa coa súa campaña de recollida de lixo e limpeza nos seus montes e contornas naturais para preservar o medio ambiente, evitar a contaminación e mesmo reducir o risco de incendios.

O Concello de Ponteareas organiza esta fin de semana unha nova saída de voluntariado ambiental xuvenil, coa que se busca continuar mellorando a contorna do municipio.

O Concello de Ponteareas retoma as saídas de voluntariado ambiental xuvenil, unha serie de actividades de limpeza de residuos no medio natural que comezarán este mesmo domingo 3 de abril.

Grande experiencia a dos oito mozos do Servizo de Voluntariado do Concello de Ponteareas que estiveron na localidade croata de Malino participando no proxecto de intercambio xuvenil ‘Actúa localmente, pensa globalmente’ con rapaces de de 18 a 29 anos procedentes de organizacións locais de Turquía, Romanía, Grecia, Croacia e a República de Macedonia.

Oito mozos integrantes do Servizo de Voluntariado do Concello de Ponteareas participan estes días na localidade croata de Malino no proxecto de intercambio xuvenil ‘Actúa localmente, pensa globalmente’.

A directora xeral de Xuventude, Participación e Voluntariado, Cristina Pichel, visitou onte os participantes nos programas de voluntariado xuvenil e sénior no Concello de Mos. O Goberno galego axuda ás entidades locais na posta en marcha destas actividades enmarcadas no programa de Servizo de voluntariado xuvenil.

A Dirección Xeral de Xuventude, Participación e Voluntariado vén de abrir a inscrición para o seu Plan de formación para as persoas voluntarias de Galicia coa finalidade de ofrecer opcións de formación dixital en materia de voluntariado.

O pleno do Concello de Gondomar deu luz verde ao regulamento que rexerá a acción dos voluntarios e voluntarias no municipio, un texto que, entre outras cuestións, inclúe a creación dunha bolsa municipal de voluntariado con seguro e formación para os seus integrantes. A colaboración poderase desenvolver en diferentes proxectos como os sociais, sanitarios educativos ou ambientais, entre outros.

A rede de voluntariado de COGAMI inicia en 2001 para canalizar todos os proxectos de voluntariado que se desenvolven, destacando programas como o de acompañamento e apoio a persoas con discapacidade dentro e fóra do domicilio, apoio educativo a estudantes que precisan de reforzo nalgunha materia, apoio nas charlas de sensibilización sobre a discapacidade, na atención ás persoas que realizan natación terapéutica, na práctica de actividades de lecer, entre outros.

Este pasado venres día 25 e o sábado día 26 de xuño as persoas que forman parte do grupo de voluntariado municipal participaron nunha formación que tratou de dar resposta a unha das súas primeiras demandas.

A Xunta de Galicia, a través da Consellería de Política Social, vén de activar unha vintena de campamentos e campos de voluntariado na provincia de Pontevedra no marco da campaña xuvenil de verán 2021.

A partir de hoxe, mércores, 19 de maio poderase solicitar praza para os Campos de Voluntariado 2021. Os campos de Galicia son para mocidade con idades comprendidas entre os 18 e os 30 anos. Noutras comunidades hai algunha praza para persoas a partir dos 16 anos.

Este sábado, o voluntariado ambiental xuvenil de Ponteareas convida á veciñanza a participar unha nova actividade de limpeza de residuos no medio natural, que se desenvolverá na contorna do río Uma dende as 17 horas.

A Xunta de Galicia estreará este mes un novo programa de voluntariado ambiental que, a día de hoxe, xa esgotou as 228 prazas ofertadas para poder participar nalgunha das 20 actuacións proxectadas nos próximos meses en diversos espazos naturais. A conselleira de Medio Ambiente, Territorio e Vivenda, Ángeles Vázquez, e a conselleira de Política Social, Fabiola García, acompañadas polo alcalde de Tui, Enrique Cabaleiro, presentaron onte o programa no Parque Natural Monte Aloia, un dos lugares que acollerá esta iniciativa, impulsada por ambos departamentos.

O pasado 15 de abril tivo lugar a primeira reunión de traballo co grupo de persoas inscritas no Banco Municipal de Voluntariado do Concello da Guarda; unha primeira xuntanza que servía para dar a benvida e agradecer ás persoas "o seu interese en participar e compartir o seu tempo con este proxecto" e, ao mesmo tempo, iniciar os pasos para perfilar as accións ás que dar resposta e que entre as e os particiapantes perciben como necesarias.

Este mércores 31, o voluntariado ambiental xuvenil de Ponteareas retoma as súas actividades convocando a veciñanza da vila a participar nunha nova limpeza nas beiras do río Tea. Neste caso, o punto de encontro será ás 17 horas na Ponte das Partidas, na parroquia de Moreira, dende onde se procederá á limpeza de residuos que se atopen na zona de praia e nos seus accesos.

Ser voluntario ou voluntaria da OMIX de Tomiño, a partir de agora, terá premio. A Oficina Municipal de Información Xuvenil leva moitos anos a traballar no eido do voluntariado local e europeo, promovendo centos de actividades con mozos e mozas da vila en numerosos ámbitos.

A Agrupación de Voluntarios de Protección Civil de Tui necesita máis voluntarios para continuar co seu labor altruísta. Para iso ten en marcha unha campaña de captación de voluntarios, xa que na actualidade e tras unha actualización da lista de persoas pertencentes a este colectivo, contan só con 12 voluntarios/as en activo.

Esta acción nace coa intención de crear unha bolsa de persoas voluntarias dependente do Concello da Guarda, que sexa unha ferramenta estable que acolla a toda persoa que por decisión propia e libre teña diversas inquedanzas para colaborar coa comunidade de forma desinteresada.

O voluntariado municipal participará este sábado día 17 na limpeza simultánea de praias galegas que coordina ADEGA (Asociación Para a Defensa Ecolóxica de Galiza). Nesta ocasión actuarase na praia de Samil ás 17 horas, aínda que o punto de encontro en Ponteareas será a estación de autobuses ás 16:30 horas, dende onde partirán as e os voluntarios.

O Concello de Tui e o IKFEM amosaron o venres o seu agradecemento aos colectivos que dende o inicio da pandemia teñen colaborado co Concello en diversas facetas. O agradecemento chegou en forma de velada musical coa asistencia de 25 persoas da Agrupación de Voluntarios de Protección Civil, da Asociación Asistencial SOS Tomiño Baixo Miño e do Voluntariado da Caridade de San Vicente de Paul ao concerto inaugural que ofreceu no Teatro Municipal o Quarteto Contratempus.

Voluntarias e voluntarios ponteareáns desenvolveron nesta mañá de venres 31 de xullo unha nova limpeza do río Tea, unha actividade dos “venres polo planeta” que se enmarca no programa de voluntariado ambiental xuvenil iniciado nas pasadas semanas.

O Concello de Nigrán colabora coa plataforma educativa solidaria creada no municipio da man de profesores xubilados e voluntarios co obxectivo de ofrecer reforzo a 29 alumnos de primaria e secundaria que non puideron seguir as clases online durante o confinamento (ben por falta de medios técnicos ou axuda na casa).

Hoxe sábado 20 de xuño, ás 19 horas e no local do Vide, o Concello das Neves fará un pequeno acto de recoñecemento e agradecemento ao traballo feito por un numeroso grupo de mulleres costureiras das Neves –chegaron a ser 40, de practicamente todas as parroquias e de todas as idades–, que durante o confinamento e ata hoxe, dedicaronse a coser máscaras e batas que se distribuían a través do obradoiro organizado por Maite Isla, en Ponteareas.

Protección Civil do Val Miñor e persoas voluntarias de Baiona, –entre as que estaban as concelleiras de Servizos Sociais, Concepción Vara, e Deportes e Cultura, Miriam Costas– comezaron hoxe a distribuír máscaras de protección ao sector de poboación máis vulnerable e polo tanto, de maior risco ao COVID-19, como poden ser as persoas maiores de 65 anos.

O Concello de Salvaterra vén de poñer en marcha un grupo de voluntarios e voluntarias que se encargarán de confeccionar máscaras de protección que, posteriormente, serán repartidas entre todos os veciños e veciñas.

A concellería de Voluntariado do Concello de Ponteareas, que dirixe Miguel Bouzó, agradeceu o traballo "de toda a rede de voluntarias e voluntarios que durante o estado de alarma está amosando a súa solidariedade regalando comprensión, atencións e achegando a quen máis o precisa produtos de primeira necesidade, medicinas, entretemento ou facilitando xestións con outras entidades".

A voluntaria ponteareá Azucena de la Fuente Mateo ofrecerá titoriais de calceta a través da canle de YouTube 'Voluntariado Ponteareas' e a través da conta de instagram @voluntariadomedioambiental, nunha iniciativa que busca que mocidade e maiores únanse "para aprender a confeccionar prensas e creacións coas las doadas polo comercio local «calceta»".