A Fundación Provincial Banco de Alimentos necesita uns 500 voluntarios para poder levar a cabo a súa primeira recollida de comida en supermercados de prácticamente toda a provincia, o Zampakilos Solidario organizado, unha vez máis, por parte de Vegalsa-Eroski.
Será os vindeiros 10 e 11 de marzo (venres e sábado) e para que se leve a cabo de maneira óptima, a ONG mobilizará a un bo número de voluntarios que estarán presentes nun total de 33 establecementos da cadea de alimentación galega.
Haberá persoal da ONG, perfectamente identificados co tradicional peto azul, nun total de 33 tendas: 18 de Vigo (150 voluntarios); 2 de Redondela (50 voluntarios); 1 de Mos (25 voluntarios); 1 de Porriño (25 voluntarios); 1 de Baiona (25 voluntarios); 1 de Nigrán (25 voluntarios); 1 de Pontevedra (25 voluntarios); 1 de Lalín (25 voluntarios); 2 de Vilagarcía (50 voluntarios); 2 de Marín (50 voluntarios); 1 de Arcade (25 voluntari@s); e, 1 de Bueu (25 voluntarios)
Para participar como voluntario nesta Operación Quilo só requírese contar con catro horas libres o venres ou o sábado, 10 e 11 de marzo, ser unha persoa empática e xenerosa coa realidade social máis próxima e darse de alta na web: https://bancoalimentosvigo.org/hazte-voluntari/.
Esta nova edición do Zampakilos Solidario terá unha fórmula mixta, é dicir, os doantes poderán entregar alimentos físicos aos voluntarios ou realizar achegas económicas ao pasar pola caixa do supermercado. Vegalsa-Eroski abrirá un saldo ao favor do Banco de Alimentos con todo o diñeiro recadado para traducilo directamente na compra de alimentos.
Tanto o Zampkalos Solidario como o resto de Operacións Quilo a desenvolver supoñen un gran impulso no que a provisión inmediata de produtos de primeira necesidade refírese, co correspondente abastecemento dos almacéns de Vigo e Pontevedra.
A Fundación Provincial Banco de Alimentos repartiu preto de 2 millóns de quilos alimentos durante 2022, un ano no que mellorou substancialmente a denominada cesta básica, adquirindo e repartindo alimentos máis saudables. Con carácter apolítico e aconfesional, na actualidade atenden a unhas 20.000 persoas en situación de vulnerabilidade da provincia ás que chegan a través de máis 150 ONG e entidades homologadas coas que traballan.
