Hoxe sábado 20 de xuño, ás 19 horas e no local do Vide, o Concello das Neves fará un pequeno acto de recoñecemento e agradecemento ao traballo feito por un numeroso grupo de mulleres costureiras das Neves –chegaron a ser 40, de practicamente todas as parroquias e de todas as idades–, que durante o confinamento e ata hoxe, dedicaronse a coser máscaras e batas que se distribuían a través do obradoiro organizado por Maite Isla, en Ponteareas.
![](https://www.comarcasnarede.com/wp-content/uploads/2020/06/Voluntariado-na-confección-de-máscaras-e-batas.-As-Neves-02-1024x683.jpg)
O Concello recollía alí as teas, os filtros e o material xa preparado que era distribuido polas casas das costureiras grazas á colaboración altruísta de Nieves Rodríguez, taxista do municipio das Neves que, a súa vez recollía o material unha vez rematado o traballo, para ser entregado en Ponteareas de novo.
![](https://www.comarcasnarede.com/wp-content/uploads/2020/06/Voluntariado-na-confección-de-máscaras-e-batas.-As-Neves-03-1-1024x918.jpg)
O Concello que preside Xosé Manuel Rodríguez Méndez quere agradecer “persoalmente este traballo ao mesmo tempo que facilitar un encontro entre todas elas, xa que moitas non se coñecen entre sí”.