13.5 C
Pontevedra
Martes, 16 de Abril de 2024
Máis
    HomeO CondadoPonteareasO Voluntariado Municipal de Ponteareas convida a sumarse á limpeza simultánea...

    O Voluntariado Municipal de Ponteareas convida a sumarse á limpeza simultánea de praias galegas

    O voluntariado municipal participará este sábado día 17 na limpeza simultánea de praias galegas que coordina ADEGA (Asociación Para a Defensa Ecolóxica de Galiza). Nesta ocasión actuarase na praia de Samil ás 17 horas, aínda que o punto de encontro en Ponteareas será a estación de autobuses ás 16:30 horas, dende onde partirán as e os voluntarios.

    A Oficina Municipal de Voluntariado, dependente da Concellaría de Mocidade e Voluntariado que dirixe Miguel Bouzó, informa que é preciso inscribirse a través de whatsapp no número de teléfono 687 764 516 ou no enderezo electrónico voluntariado@ponteareas.gal. Tamén aconsella levar botas e luvas, preferiblemente de xardinaría.

    No marco do programa de voluntariado ambiental xuvenil, Ponteareas amosará o seu lado solidario e comprometido na protección e coidado do planeta, sumando os seus esforzos para acadar de xeito colectivo unha maior concienciación.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.