8.7 C
Pontevedra
Xoves, 28 de Marzo de 2024
Máis
    HomeÉ NoticiaA Xunta activa vinte campamentos e campos de voluntariado na provincia de...

    A Xunta activa vinte campamentos e campos de voluntariado na provincia de Pontevedra

    Os campamentos terán lugar en Vilanova de Arousa, Forcarei, Silleda, Lalín, Bueu, Mondariz-Balneario, Fornelos de Montes, Tomiño e Nigrán

    A Xunta de Galicia, a través da Consellería de Política Social, vén de activar unha vintena de campamentos e campos de voluntariado na provincia de Pontevedra no marco da campaña xuvenil de verán 2021, que contará en toda Galicia con case 8.000 prazas, das que 1.600 correspóndense coa provincia, tras incrementarse nun 15% con respecto ao ano anterior.

    O departamento autonómico abriu na xornada de hoxe o período de solicitude de praza, que permanecerá aberto durante sete días hábiles no caso dos campamentos e ata dúas xornadas antes do inicio da actividade para os campos de voluntariado. A petición debe formalizarse a través da sede electrónica da Xunta de Galicia e, entre todos os interesados, sortearanse dez prazas de balde.

    Polo demais, esta campaña conta cun reforzo de prazas destinadas á inclusión e mantéñense os distintos descontos das taxas para familias numerosas ou posuidores do carné xove, entre outros, aínda que todos os detalles poden consultarse na páxina web http://xuventude.xunta.es.

    A campaña de verán desenvolverase entre os meses de xullo e setembro e centrarase na aposta pola conciliación familiar e laboral, a formación biosaudable dos mozos e a seguridade sanitaria no marco da situación pola covid-19. Así, a Consellería de Política Social vén de activar un formato axeitado que inclúe a redución dos aforos das actividades, o reforzo do persoal e o incremento das medidas hixiénico-sanitarias.

    Oferta na provincia

    No caso da oferta da provincia de Pontevedra, haberá un total de nove campamentos, para cativos de 9 a 17 anos, nas Sinas (Vilanova de Arousa), Ponte Maril (Forcarei), Albergue Vicente Agulló (Lalín), FervenzAventura (Silleda) –que é a novidade da presente campaña–, Illa de Ons (Bueu), Concello de Mondariz-Balneario, El Kiriko (Fornelos de Montes), Granxa-Escola Albergue de Tomiño e Residencia de Tempo Libre de Nigrán. As prazas de inclusión outorgaranse nas dúas primeiras iniciativas a desenvolver no Salnés e na Terra de Montes.

    En canto aos campos de voluntariado, orientados a mozos de 18 a 30 anos de idade, serán O Camiño Portugués pola Costa, en Oia; A Illa de San Simón en colaboración coa Consellería de Cultura; A Terra que Habita no Mar, no Concello do Grove; Salvemos o mar: Plásticos cero, en Vilanova de Arousa; o campo itinerante Botarse ao Camiño, que rematará en Santiago; Rural influencers, en Cerdedo-Cotobade; Soutomaior fai Camiño; Tradición en Verde, en Lalín; A Idade do Bronce, en Campo Lameiro e tamén coa colaboración de Cultura; e catro quendas para actividades medioambientais nas Illas Cíes, pertencentes ao Parque Nacional das Illas Atlánticas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.