13.8 C
Pontevedra
Martes, 27 de Febreiro de 2024
Máis

    Tag: confinamento

    O Concello lembra que o confinamento de mes e medio é o que prexudica o comercio e hostalaría e non o tráfico

    O goberno local saíu ao paso das críticas do PP sobre o tráfico en Ponteareas. “É certo que hai moitas obras e iso é o que realmente parece molestar o Partido Popular”, sinalou o concelleiro de Mobilidade e Tráfico, Roberto Mera, “pero falar de caos circulatorio e de atascos a diario é unha esaxeración que non se sostén”.

    A sombra dun novo confinamento déixase mirar xa no horizonte

    A escalada da Covid-19 en Galicia, reflexo do que acontece en todo o Estado, fai que a sombra dun novo confinamento déixese xa mirar no horizonte. De feito, o Goberno da nación está a traballar no borrador dun segundo confinamento que se podería facer público esta vindeira fin de semana.

    O Concello de Ponteareas reparte 96 premios en vales de 20 e 50€ para gastar no comercio local

    A concelleira de Promoción Económica do Concello de Ponteareas, Eva Gil, deu conta do resultado do concurso/sorteo “Eu Creo Na Casa” desenvolvido durante o confinamento, consistente na entrega dun total de 96 premios para consumir no comercio e hostalería local. Os agasallos están divididos en dúas categorías: 22 vales de compra de 50 euros, 2 en cada unha das categorías de participación que máis ‘Gústame’ obtiveron durante o concurso; e 74 agasallos de 20 € de compra para as persoas gañadoras dos sorteos realizados por participar en cada unha das categorías.

    Nigrán agasalla un póster de recordo a toda a infancia e maiores aos que lle celebrou o aniversario durante o confinamento

    O Concello de Nigrán regalará a todos os nenos e maiores aos que lle celebrou o aniversario durante o confinamento un póster conmemorativo onde se reúnen nun mosaico todas as imaxes dos homenaxeados que autorizaron fotos e o debuxo dun corazón coroado co lema ‘Que a vida continúe achegando os corazóns’. O Concello tratará de levar durante este mes un a cada casa, pero estará tamén a disposición das familias na Oficina de Información Cidadá.

    O Servizo de Apoio Familiar de Tomiño traballa en rede coas familias para acompañalas no confinamento

    Desde hai máis de 2 meses, debido á excepcional situación de confinamento no fogar, o Servizo de Educación e Apoio Familiar (SEAF) traballa en consecuencia para acompañar ás familias en todo o proceso e salvagardar o seu benestar, a través de varias iniciativas.

    #rebulindo (dende a casa), portal de recursos de entrenemento e coñecemento do Concello da Guarda

    O Concello da Guarda inaugura un espazo web, integrado dentro da súa páxina web institucional na que se inclúen unha gran cantidade de recursos para o entretemento e a formación en distintos campos, dende a actividade física ata as propostas culturais, pasando polo descubrimento da nosa vila e como non, cun apartado adicado ós máis pequenos.

    ‘O que ves desde a xanela’, concurso da Deputación para que as crianzas debuxen os lugares que ven dende a súa casa

    Se o pasado ano o primeiro concurso de debuxo infantil 'Descubre a túa provincia' permitiu que as nenas e nenos amosaran a través das súas obras lugares emblemáticos da nosa contorna e a súa riqueza turística, a Deputación de Pontevedra propón desde este luns ás crianzas un novo reto artístico nestes días de confinamento para que pinten o que ven dende as súas ventás ou os lugares aos que lles gustaría ir cando remate a pandemia.

    A plataforma ‘#euquedonacasa’ do Concello do Rosal ofrece unha morea de novidades para afrontar o confinamento

    Continúan crecendo as propostas colgadas na plataforma ‘#euquedonacasa’ do Concello do Rosal para desfrutar en familia deste tempo de confinamento con actividades sinxelas e divertidas, pero tamén para dar resposta a algunhas das dúbidas en materia de emprego, de medidas de protección de contaxios por COVID-19, axudas económicas ou de impostos autonómicos que foron xurdindo nas últimas semanas.

    Tomiño rexistra o dobre de solicitudes para o baleirado de fosas sépticas durante o confinamento

    No Concello de Tomiño incrementouse o número de baleirados de fosas sépticas dende a declaración do estado de alarma polo Covid-19. Á falta do reconto final que se fará tras o confinamento, rexistráronse 26 baleirados durante o período dos cales 2 foron dobles. Comparativamente, no mesmo período do ano 2019, houbo 15 baleirados; practicamente a metade dos producidos este último mes.

    O Servizo de Emprego de COGAMI atende a 3.356 persoas con discapacidade dende o inicio do confinamento

    O Servizo de Orientación e Intermediación Laboral (SIL) da Confederación Galega de Persoas coan Discapacidade (COGAMI) atendeu a un total de 3.356 persoas con discapacidade dende o 16 de marzo, o primeiro día no que pecharon todas as oficinas situadas nas sete cidades galegas e puxo en marcha o teletraballo, tralo establecemento do estado de alarma.

    Nigrán ofrece atención psicolóxica especial e apoio emocional ás persoas maiores de 70 anos que viven soas

    O Concello de Nigrán, ante a situación derivada do estado de alarma que rebasa xa un mes, ven de crear un servizo de atención psicolóxica telefónica para persoas que están a ter dificultades emocionais polo confinamento. Atendido directamente por unha psicóloga, este estará operativo os mércores e xoves de 10:00 h a 14:00 horas mediante cita previa en psicologa@nigran.org ou 650271896 (chamando mércores ou xoves).

    O Rosal edita recomendacións para abordar o ‘sexting’ unha práctica en aumento durante o confinamento

    O sexting consiste en compartir de forma voluntaria mensaxes, fotos ou vídeos de contido sexual a través aplicacións de mensaxería móbil ou das redes sociais, unha práctica que se está disparando na corentena e que creceu de forma importante entre a xente máis nova durante este tempo de confinamento. Unha práctica de risco, dado que moitas veces ese contido pode ser compartido sen permiso.

    O CIM de Mos habilita un teléfono 24 horas para prevención da violencia de xénero durante o confinamento

    O departamento municipal de Política Social atópase funcionando "a pleno rendemento", asegurou hoxe o Concello de Mos, comezando polo CIM (Centro de Información á Muller), que habilitou un teléfono de atención 24 horas, 673 069 866, aberto a todo o mundo pero orientado especialmente a extremar a protección das mulleres vítimas de violencia de xénero na actual situación de confinamento.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.