17.6 C
Pontevedra
Luns, 15 de Abril de 2024
Máis
    HomeO CondadoPonteareasO Concello de Ponteareas reparte 96 premios en vales de 20 e...

    O Concello de Ponteareas reparte 96 premios en vales de 20 e 50€ para gastar no comercio local

    Son o resultado do concurso/sorteo “Eu Creo Na Casa” promovido pola Concellería de Promoción Económica durante o confinamento

    A concelleira de Promoción Económica do Concello de Ponteareas, Eva Gil, deu conta do resultado  do concurso/sorteo “Eu Creo Na Casa” desenvolvido durante o confinamento, consistente na entrega dun total de 96 premios para consumir no comercio e hostalería local. Os agasallos están divididos en dúas categorías: 22 vales de compra de 50 euros, 2 en cada unha das  categorías de participación que máis ‘Gústame’ obtiveron durante o concurso; e 74 agasallos de 20 € de compra  para as persoas gañadoras dos sorteos realizados por participar en cada unha das categorías.

    A concelleira de Promoción Económica lanzou durante o confinamento o citado concurso, co fin de descubrir a potencialidade creativa realizada nas vivendas de todas e todos os pontearáns durante o estado de alarma por mor do Covid19, premiando as súas  creacións e sorteando vales de compra para gastar no comercio e hostalería locais. A campaña desenvolveuse baixo o hashtag #FaiPonteConNós, que tamén ten como obxectivo axudar ao tecido económico do concello que está a sufrir os efectos da pandemia.

    No concurso puideron participar todas as persoas residentes en Ponteareas interesadas. Igualmente, todos os establecementos comerciais puideron adherirse á campaña de apoio ao comercio local e facilitar que as persoas gañadoras podan utilizar os vales nos seus establecementos.

    As persoas agasalladas, xa poden pasar a recoller os seus vales de compra polo Punto de Información Turístico de Ponteareas, sito no edificio do Museo e Biblioteca Municipal, na Perillana, 9-11, en horario de 9 a 14 horas. As persoas agraciadas  contarán cun prazo de 15 días para recoller os seus vales.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.