8.7 C
Pontevedra
Xoves, 28 de Marzo de 2024
Máis
    HomeVal MiñorNigránNigrán agasalla un póster de recordo a toda a infancia e maiores...

    Nigrán agasalla un póster de recordo a toda a infancia e maiores aos que lle celebrou o aniversario durante o confinamento

    Trátase dun mosaico coas fotos de todos os homenaxeados e un corazón coroado co lema ‘Que a vida continúe achegando os corazóns’

    O Concello de Nigrán regalará a todos os nenos e maiores aos que lle celebrou o aniversario durante o confinamento un póster conmemorativo onde se reúnen nun mosaico todas as imaxes dos homenaxeados que autorizaron fotos e o debuxo dun corazón coroado co lema ‘Que a vida continúe achegando os corazóns’. O Concello tratará de levar durante este mes un a cada casa, pero estará tamén a disposición das familias na Oficina de Información Cidadá (cita previa no 986 365 000). O mesmo deseño lucirá tamén en dous mupis das paradas do autobús de Nigrán.

    Click para ampliar

    “Trátase simplemente dun recordo feito con todo o cariño polo Concello para todas aquelas persoas coas que compartimos emocións durante o confinamento”, resume o alcalde, Juan González.

    O Concello sumou desde o 2 de abril ata o 10 de maio 167 celebracións de confinamento e unha voda, consistindo en convocar a través das redes sociais á veciñanza máis próxima para cantarlles e en desprazar a Protección Civil ao domicilio para entregarlles un agasallo. A maiores, para os de 5 a 16 anos, o Concello lles ofreceu unha videochamada en directo do Mago Rei Midas para realizar un pequeno show.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.