10.5 C
Pontevedra
Sábado, 27 de Novembro de 2021
Máis
    HomeBaixo MiñoO RosalA plataforma '#euquedonacasa' do Concello do Rosal ofrece unha morea de novidades...

    A plataforma ‘#euquedonacasa’ do Concello do Rosal ofrece unha morea de novidades para afrontar o confinamento

    Conta con novos xogos, recomendacións e lecturas, experimentos, manualidades, receitas de cociña, consellos medioambientais e información de cuestións relevantes como o emprego

    Continúan crecendo as propostas colgadas na plataforma ‘#euquedonacasa’ do Concello do Rosal para desfrutar en familia deste tempo de confinamento con actividades sinxelas e divertidas, pero tamén para dar resposta a algunhas das dúbidas en materia de emprego, de medidas de protección de contaxios por COVID-19, axudas económicas ou de impostos autonómicos que foron xurdindo nas últimas semanas.

    Así, nos últimos días incorporáronse a esta web novas propostas para entreter con experimentos as horas de lecer durante a corentena, probas sinxelas con elementos que se poden atopar na casa e feitos paso a paso cos que os nenos e nenas desfrutarán creando efectos ópticos, facendo unha lámpada de lava, pasas bailarinas ou experimentando co que lle pasa a un óso cando se mete nun líquido como o vinagre. Moitas novidades tamén no apartado de manualidades, con novas e entretidas ideas como a creación de flores con CD’s, facer unha galiña de papel, decorar ovos, facer figuras con noces, decorar unha camiseta de xeito personalizado ou facer papel reciclado se xeito sinxelo.

    Novidades tamén no apartado de receitas, con pratos sinxelos cos que nenos e nenas poden ir introducíndose na cociña e nos que introducir novos alimentos sans de xeito diferente. Así, na plataforma poden atoparse receitas para facer gofres sans, ruliños de grelos con tetilla, espaguetes con brócoli, rabo de tenreira ou unha torta de queixo fría, todos pratos para chucharse os dedos. O recuncho de lectura inclúe tamén unha nova referencia, a de Baía Edicións, que pon a disposición do público varios libros para descargar de balde dende a súa web para ler durante o confinamento facendo un uso responsable.

    Lembra que acabamos de poñer en marcha un novo xogo, #nacasaperoenforma, no que se pide a todos os veciños e veciñas que envíen fotografías facendo deporte na casa: imaxes que recollan situacións cómicas, levantamentos de pesos orixinais, lugares impensables, retos imposibles… que se irán publicando nas redes sociais do Concello. E continuamos co xogo #desdeamiñaventá, con fotos tomadas desde as fiestras dos rosaleiros e rosaleiras amosando as marabillosas paisaxes que se poden atopar no Rosal. Para participar en calquera dos xogos hai que enviar a información a euquedonacasa@concellodorosal.gal cos requisitos indicados nas bases de ambas iniciativas, dispoñibles na web.

    Importantes tamén as recomendacións, que conta cun vídeo por cortesía de Sabine Pfister para mellorar o estado de ánimo nestes días de confinamento practicando o ioga da risa. No apartado de medio ambiente pódese atopar recomendacións coas que diminuír o consumo e facilitar a reciclaxe, pero tamén todos os elementos e pasos necesarios para facer cousas como xabón ou desodorizante caseiro.

    O apartado de emprego segue a dar resposta ás cuestións máis urxentes relativas a ERTEs, oficinas de emprego, subsidios ou prestacións durante o estado de alarma, pero tamén recomendacións ou boas prácticas nos centros de traballo para a prevención de contaxios; as medidas adoptadas polo Ministerio de Inclusión, Seguridad Social y Migraciones; información sobre as políticas económicas e laborais aprobadas pola Xunta de Galicia ante o coronavirus; as axudas económicas da Consellería de Economía, Emprego e Industria ante a pandemia; ou información sobre a suspensión de prazos para a presentación dos impostos autonómicos relacionados con transmisións patrimoniais, actos xurídicos documentados e de sucesións.

    Todas as veciñas e veciños poden contribuír a enriquecer esta plataforma municipal e interactiva achegando as súas ideas, suxestións ou inquedanzas a través do correo electrónico euquedonacasa@concellodorosal.gal.

    COLABORACIÓNS

    Ponteareas deportiva

    Los núcleos más importantes de población concentran el grueso de las pruebas deportivas que se celebran a lo largo del año. Es lógico, las infraestructuras para la práctica de deporte forman parte del paisaje de grandes urbes, mientras ciudades pequeñas y pueblos tienen limitado el acceso a gimnasios, pistas, pabellones y piscinas.

    Domingo Villar, «Algúns contos completos»

    Domingo Villar é un dos escritores galegos de maior sona grazas ás súas novelas policiais protagonizadas polo inspector Leo Caldas. Pero o que agora nos presenta neste volume é unha faciana moi diferente daquela á que nos ten acostumados. Nesta entrega non hai crimes, nin intriga, nin tramas reviradas, nin atisbo algún de narración policial nin de literatura negra. Trátase dun proxecto moito máis persoal e cercano, un pequeno capricho feito á medida del e do seu círculo máis íntimo.

    ¡Galicia profunda!

    Hace unas semanas, Galicia saltó a la palestra por el dictamen de una jueza de Marbella que le retiró la custodia de un hijo a su madre por llevárselo a vivir a la "Galicia profunda". Tengo que reconocer que no he leído el auto y por lo tanto quiero pensar que una persona como una jueza, a la que se presupone cierto nivel cultural y un cierto grado de sentido común, que haya incluído esos términos en el mismo, ha sido un desliz. De ser un acto meditado demuestra el grado de ignorancia existente en éste país.

    Ana Cabaleiro, «Deixádenos remar»

    Descubrimos a Ana Cabaleiro cun libro de relatos tan interesante como «Sapos e sereas». Logo viría a novela «Las Ramonas» e agora chega cunha terceira proposta que, tal e como eu o vexo, navega entre ambos os dous mundos, o do relato curto e a novela tradicional, sen acabar de mergullarse en ningún deles. Claro que tal afirmación ben merece unha explicación detallada.

    Colaboradores

    Alberto Aliaga Sola
    14 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    6 POSTS0 COMMENTS
    Manrique Fernández
    49 POSTS0 COMMENTS
    Paz de la Peña
    36 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS