13.3 C
Pontevedra
Martes, 21 de Maio de 2024
Máis
    HomeComarcasRedondelaA CIG denuncia un novo accidente laboral grave na área de Vigo,...

    A CIG denuncia un novo accidente laboral grave na área de Vigo, en Chapela, “por falta de seguridade”

    O sindicato trasladoulle o sucedido á Inspección de Traballo para que abra unha investigación e se garanta o cumprimento da lexislación

    A FGAMT-CIG de Vigo deu conta onte dun novo accidente laboral grave acontecido o martes na parroquia redondelá de Chapela no que resultou ferido un traballador da empresa Cesmar que se atopaba facendo labores de descarga nas instalacións de Frialia (antiga Frioya). A central sindical trasladoulle o acontecido á Inspección de Traballo para que abra unha investigación e se garanta o cumprimento da lexislación en materia de seguridade.

    O suceso tivo lugar entre ás 11:30 horas e ás 12:00 horas, cando o operario precipitouse dende unha altura de 4-5 metros no interior da adega do barco Frío Marathon cando facía uso dunha escaleira inadecuada, polo que dende a CIG consideran que o accidente puidose evitar se se contasen coas medidas de seguridade oportunas. O afectado tivo que ser trasladado en ambulancia ao hospital Álvaro Cunqueiro debido á gravidade das feridas que presentaba, atopándose dende onte ingresado na UCI.

    A central sindical procedeu na mesma tarde do accidente a presentar unha denuncia na Inspección esixindo a apertura dunha investigación para esclarecer o ocorrido e esixir o cumprimento da lexislación en materia de seguridade laboral. “É preciso diante da gravidade da problemática dos accidentes laborais, que xa se cobraron 13 vidas no que vai de ano no conxunto do país, 11 delas na provincia de Pontevedra”, sinalan.

    Ademais consideran imprescindíbel que se depuren responsabilidades, xa que “os accidentes laborais teñen responsábeis: por unha parte a patronal, ao non aplicar a lexislación vixente nin cumprir as normas de seguridade e mantendo unhas condicións de precariedade co único obxectivo de aumentar o beneficio das súas empresas”. E pola outra a propia Administración pública, “que mira para outro lado”; como é o caso da autoridade laboral, “xa que a pesar de que é certo que conta con menos medios para desenvolver o seu labor con eficacia, os que ten tampouco os utiliza”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.