Tag: é noticia

Coincidindo coa etapa de floración da camelia e co levantamento das restricións de mobilidade na área sanitaria de Pontevedra-O Salnés, a Deputación de Pontevedra vén de lanzar unha nova edición das visitas guiadas ao xardín de Excelencia Internacional da Camelia no Castelo de Soutomaior.

O Órgano de Xestión e Recadación Local (ORAL) da Deputación de Pontevedra dá un novo paso para estreitar a colaboración cos 53 concellos que teñen delegados estes servizos. No terceiro foro telemático de coordinación dende o comezo da pandemia de COVID19, celebrado hoxe, o ORAL anunciou a súa disposición para comezar a tramitar integramente as multas de tráfico, non só o cobro, e tamén anunciou a posta en marcha dunha nova ferramenta informática que permitirá a identificación rápida dos contratistas ou provedores que teñan débedas coa Administración municipal, contribuíndo así á axilización dos períodos medios de pago.

“O noso apoio ao deporte é incuestionable”. Con estas palabras a presidenta da Deputación de Pontevedra, Carmela Silva, puxo en valor o compromiso da institución co deporte tras aprobar en Xunta de Goberno as bases para as subvencións para clubs deportivos da provincia sen ánimo de lucro que participen en competicións federadas de ámbito inferior nacional ou rexional preferente para este 2021.

O Goberno provincial vén de aprobar o proxecto para a execución da mellora da mobilidade peonil na Estrada Provincial 3303 Tabagón-Goián e impulsar a “transformación radical dunha parte moi importante do noso territorio”. “Trátase dunha actuación de enorme relevancia –asegurou a presidenta Carmela Silva–, que vai reformar unha estrada que conecta os concellos do Rosal e Tomiño estendendo un modelo de mobilidade centrado na recuperación do espazo para as persoas e na redución do CO2”.

A Xunta de Galicia vai reforzar a atención á muller e o desenvolvemento de accións de prevención da violencia de xénero, fomento da conciliación e sensibilización na igualdade ao longo do presente exercicio nas bisbarras de Pontevedra e Caldas.

Ante a estratexia de vacinación fronte ao COVID-19, a Confederación Galega de Persoas con Discapacidade (COGAMI) reclama prioridade para as persoas con discapacidade, uníndose así á campaña que lanza a Confederación Española de Personas con Discapacidad Física y Orgánica (COCEMFE), entidade da que forma parte.

O secretario xeral do PSdeG, Gonzalo Caballero, aludiu hoxe á situación de Galicia nesta terceira onda da covid para sinalar que, pese á caída no número de contaxios, a presión hospitalaria e nas camas UCI está aínda en niveis “moi altos”, polo que cómpre “ser cautos” e seguir as indicacións do comité clínico na desescalada das medidas.

A Deputación de Pontevedra, a través de SmartPeme, oferta esta próxima semana tres novas accións formativas impartidas de xeito online, enmarcadas na carteira de obradoiros que se imparten de forma telemática.

A delegada da Xunta de Galicia en Vigo, Marta Fernández-Tapias, anunciou que a Consellería de Medio Rural está a investir 395.00 euros ao abeiro do Plan de mellora de camiños municipais de acceso a parcelas agrícolas correspondente co período 2020-2021.

A Deputación de Pontevedra celebra este 11 de febreiro o Día Internacional da Muller e da Nena na Ciencia co claro compromiso, como sinalou a presidenta Carmela Silva, de “cambiar as cifras” que neste momento arroxa o mundo científico e que amosan que aínda se está a “deixar na cuneta o 50% do talento das mulleres”.

A Deputación de Pontevedra, a través do Departamento de Mobilidade e Espazo Público, vai repartir 2.435.o00 euros entre os ‘Concellos Ágora’ para recuperar espazo público para as persoas. Na Xunta de Goberno do vindeiro venres aprobarase unha liña de axudas destinada a financiar proxectos e obras coas que gañar espazos peonís restándollos aos que ocupan os coches nos municipios da provincia.

A Vicepresidencia Primeira da Xunta de Galicia acaba de abrir unha nova convocatoria da orde de axudas para a mellora e modernización dos establecementos turísticos cunha dotación de 3,5 millóns de euros, o que supón máis do dobre dos 1,5 millóns investidos nesta mesma liña o pasado exercicio.

Trala xuntanza mantida o pasado venres co grupo parlamentario do PP, representantes da fronte de organizacións sociais, ecoloxistas, agrarias e sindicais que se opoñen á primeira revisión do Plan Forestal de Galiza (PFG) reuníronse onte, 9 de febreiro, co PSOE e o BNG no Parlamento de Galicia.

A voceira de Cultura do Grupo Socialista, Noa Díaz, vén de urxir “celeridade” á Xunta para salvar ao sector da cultura, dado que o sector “está agonizando”. Fíxoo durante a presentación dunha proposición non de lei para instar ao goberno galego a desenvolver e executar un plan “real” para a reactivación cultural.

Ante un auditorio virtual con representantes de máis de 48 municipios, coa presenza dunha vintena de alcaldes e alcaldesas, de deputacións, así como de profesorado de diferentes universidades , a presidenta da Deputación, Carmela Silva e o director da Fundación Democracia e Goberno Local, Alfredo Galán, abriron hoxe a webinar “Os retos da Axenda 2030 para o nivel local de goberno”.

O Agrupamento Europeo de Cooperación Territorial AECT Rio Miño manifestou hoxe que os concellos miñotos manteñen a “máxima expectativa” ante a posibilidade de apertura de máis pasos na fronteira con Portugal, unha medida que poderá ser concretada nos vindeiros días e que o ministro de Administración Interna de Portugal Eduardo Cabrita deixou aberta nunhas declaracións públicas.

A Deputación de Pontevedra, a través de SmartPeme, oferta esta próxima semana catro novas accións formativas impartidas de xeito online, enmarcadas na carteira de obradoiros que se imparten de forma telemática. As accións versan sobre a creación e difusión dunha marca turística, SEO, impresión 3D e deseño web con Elementor.

A subdelegada de Goberno en Pontevedra, Maica Larriba, reunise onte por videoconferencia coa directora provincial do SEPE, Marta Estrada, para analizar o novo acordo social de prórroga dos ERTE e axudas a autónomos, que estará vixente ata o próximo 31 de maio.

A Deputación de Pontevedra continúa traballando de cara a dixitalización da provincia ao aprobar en Xunta de Goberno un novo contrato do servizo de administración electrónica para as entidades locais.

“En 7 días –informou Carmela Silva - esta Deputación ten xa todo preparado para achegar o 1% do noso orzamento aos sectores afectados pola pandemia”. A presidenta asegurou que “nós si cumprimos cos nosos compromisos”, e adiantou que o vindeiro venres, 12 de febreiro, aprobarase nun Pleno Extraordinario o suplemento de crédito para destinar o 1% do noso orzamento.

O conselleiro de Sanidade, Julio García Comesaña, informou onte en rolda de prensa do comezo dun novo programa de colaboración entre a Xunta de Galicia e o Colexio de Farmacéuticos de Pontevedra, que ten por obxectivo incrementar a capacidade de detección de novos casos covid entre persoas asintomáticas.

A Deputación de Pontevedra sumarase este xoves á conmemoración do Día Mundial contra o Cancro iluminando de verde as súas sedes en Pontevedra e Vigo, tanto o Pazo Provincial como o edificio do Casco Vello vigués, así como a peza escultórica do novo logotipo do Museo situada fronte ao “Edificio Castelao” da cidade do Lérez.

O Consorcio Provincial Contra Incendios e de Salvamento, integrado pola Deputación de Pontevedra e a Xunta de Galicia, deu hoxe o paso definitivo para o cambio na prestación do servizo ao modelo da xestión directa.

O Servizo de Orientación e Intermediación Laboral (SIL) da Confederación Galega de Persoas con Discapacidade (COGAMI) acadou durante o ano 2020 a inserción laboral de 1.705 persoas con discapacidade e/ou incapacidade laboral para a ocupación habitual.

Os concellos pontevedreses e portugueses da fronteira do Miño reuníronse a última hora de hoxe reunir para decidir actuacións e medidas a tomar sobre o peche da fronteira con Portugal. Así o confirmou o vicedirector do AECT Rio Miño Uxío Benítez, quen adiantou o grande malestar de todos os municipios.

A Axencia Estatal de Meteoroloxía (AEMET) informa da chegada dun novo fenómeno adverso no mar de nivel laranxa que deixará ventos fortes e ondas que poderán alcanzar os 7 metros.

”Un auténtico Plan de Rescate para o sector da hostalería e do turismo cun fondo de 140 millóns de euros, coa aportación do 1 % de todas as administracións, e xestionado directamente polos concellos”. Con esta declaración, o goberno provincial insistiu no pleno da Deputación no seu apoio ás reivindicación da hostalería e lamentou “profundamente” o voto en contra do Partido Popular que, en palabras do voceiro Carlos Font, “terá que explicar aos sectores afectados porque prefire un plan de axudas de menos de cen millóns de euros en vez dun verdadeiro Plan de rescate de 140 millóns.

A Confederación de ANPAS Galegas vén de facer público un escrito –reflexión en voz alta, se cadra– sobre o máis que incierto futuro do curso escolar e sobre todos aqueles problemas que a pandemia puxo sobre a mesa en marzo do 2020 e que, a día se hoxe, seguen sen ter resposta por parte da administración autonómica. Pola importancia do escrito e por tratarse do futuro dos nosos fillas e fillos, nestas páginas o transcribimos literalmente e na súa integridade.

DepoEmprende, a iniciativa da Deputación de Pontevedra que promove dinámicas de traballo que fomenten o emprendemento no marco do sistema educativo, arranca coa súa quinta edición.

A subdelegada do Goberno en Pontevedra, Maica Larriba, presidiu hoxe unha nova reunión por videoconferencia do Centro de Coordinación (CECOR) provincial establecido para o seguimento dos dispositivos de seguridade vencellados á actual situación sanitaria. Larriba subliñou que as novas medidas, que no momento de celebrar o Cecor aínda estaban sen publicar do DOG, non puideron tratarse en profundidade pero si trasladar ao representante da Xunta moitas cuestións para clarificar diversos anuncios recollidos polos medios de comunicación sobre as novas medidas por parte das forzas de seguridade.

A Confederación Galega de Persoas con Discapacidade (COGAMI) desenvolve un plan de formación que ten por obxectivo capacitar ao alumnado para que acade canto antes o seu desenvolvemento profesional.

O presidente da Xunta de Galicia, Alberto Núñez Feijóo, compareceu este mediodía ante os medios de comunicación para dar conta do endurrecemento das restriccións para Galicia nun intento de frear o incremento descontrolado do número de contaxios –hoxe ás portas dos 20.000 casos activos— e evitar a saturación do sistema sanitario.

A Deputación de Pontevedra vén de adherirse ao proxecto de “Cálculo de pegadas de carbono e proxectos de absorción” que está a impulsar a Rede Española de Cidades polo Clima da Federación Española de Municipios e Provincias (FEMP).

A Asociación Forestal de Galicia faise eco das denuncias de comunidades de montes e propietarios forestais de toda Galicia polos constantes danos ao seu patrimonio natural por motos, quads e todoterreos. O último episodio do problema rexístrase nas comunidades de montes dos concellos de Ponteareas, Salceda de Caselas e O Porriño, que se uniron para denunciar a presenza masiva de motos, quads, todoterreos e outros vehículos nos seus montes, causando cuantiosos estragos no patrimonio natural e forestal.

Trala súa excepcional acollida o pasado 2020, a Deputación de Pontevedra e a editorial Galaxia volven coa segunda edición da súa Escola de Letras, que ten previsto o seu arranque no vindeiro mes de marzo. A presidenta da institución provincial, Carmela Silva, e o director da Escola, Francisco Castro, fixeron un balance da primeira edición e presentaron as novidades para este ano que contará no profesorado con dúas novas escritoras que impartirán obradoiros, facendo así paritaria a súa composición, tres mulleres e dous homes, amais do director da Escola .

Desde a pasada tarde, o 112 Galicia tivo conta de 173 avisos relacionados cos adversos meteorolóxicos activos na Comunidade. A provincia máis afectada foi Pontevedra, que sumou un total de 133 incidencias, seguida pola Coruña, con 21, e Ourense e Lugo, con 10 e 9, respectivamente.

A actriz e xornalista Ana Abad de Larriva vén de gañar o ‘I Premio de Microteatro da Memoria’ convocado polo departamento de Memoria Histórica da Deputación de Pontevedra e a Escola de Arte Dramática de Galicia (ESAD) coa peza ‘Un biolo na noite’.

A Xunta de Galicia vén de trasladarlle ao Consello Interterritorial do Sistema Nacional de Saúde a súa proposta de adianto do horario do toque de queda na comunidade galega, co obxectivo de frear a expansión da Covid-19.

Alumnado de entre 6 e 11 anos de Arbo, Crecente, A Guarda, O Rosal, As Neves, Salvaterra, Tomiño e Tui gozará de varios espectáculos infantís ao abeiro da iniciativa de recuperación do patrimonio no marco do programa Smart Miño.

“Temos unha nova moi importante no campo do turismo”, destacou Carmela Silva ao informar da recente licitación do programa Tourist Inside que, cun orzamento de 1,5 millóns de €, vai impulsar “un modelo turístico intelixente, dixital, innovador, sostible e adaptado ás novas demandas das e dos turistas”.