O presidente da Deputación de Pontevedra, Luis López, participou este xoves nunha das actividades da programación do Nadal do Castelo de Soutomaior consistente nun xogo de escape room titulado “Asedio ao Castelo” no que participaron tamén nenos do Centro Infantil Príncipe Felipe.
O mandatario provincial percorreu cos menores as diferentes estancias do castelo para resolver os acertixos e superar o xogo. Ademais, aproveitou a actividade para falarlles aos asistentes da historia desta fortaleza e das actividades do Nadal e do resto do ano que se celebran neste espazo do Concello de Soutomaior.
