28.4 C
Pontevedra
Luns, 22 de Xullo de 2024
Máis
    HomeÉ NoticiaA Deputación pecha este sábado o programa “Mouras e meigas no Castelo...

    A Deputación pecha este sábado o programa “Mouras e meigas no Castelo de Soutomaior”

    A Deputación de Pontevedra pecha este sábado, 4 de novembro, o programa “Mouras e meigas no Castelo de Soutomaior” cunha actividade familiar sobre o magosto que ten xa todas as prazas cubertas. Consistirá na realización dunha ruta polo bosque do castelo para recoller castañas e pecharase coa realización dun magosto tradicional.

    A actividade, na que está previsto participen 30 persoas, comezará cunha camiñada polo espazo que rodea o Castelo de Soutomaior para recoller castañas. Posteriormente, as familias elaborarán zonchos, os colares de castañas cocidos típicos desta época do ano, e tamén asarán e degustarán castañas ao tempo que vivirán as tradicións típicas do magosto galego. Se o tempo non acompaña, adaptarase a actividade de tal xeito que a ruta será substituída por un obradoiro no interior do recinto, centrado tamén nas castañas.

    Co magosto, a Deputación de Pontevedra pecha “Mouras e meigas no Castelo de Soutomaior”, o programa co que espallou ao longo do ano actividades centradas no patrimonio cultural inmaterial da provincia a través dun programa dirixido ás familias con nenos maiores de tres anos. En total déronse cita 360 persoas que se achegaron aos elementos tradicionais e populares da provincia así como aos xogos e oficios artesanais. Mitoloxía popular relacionada coa Coca, o Cobregón, o Lobishome, a Galiña de Ouro, a Santa Compaña, a lavandeira, as mouras, os trasnos, os biosbardos foron algunhas das cuestións nas que se centraron os obradoiros celebrados en Soutomaior. Tamén procesos tradicionais como o de elaboración do pan ou do queixo e tradicións como os maios, as herbas de San Xoán, a vendima, o Samaín ou o magosto foron protagonistas da actividade.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.