O presidente da Deputación de Pontevedra, Luis López, mantivo este martes un encontro de traballo co presidente de Sogama. Durante a reunión, os dirixentes estudaron o estado da rede pública de infraestruturas coas que conta a provincia para o tratamento dos residuos orgánicos recollidos a través da rede de colectores marróns.
O pasado sábado, o titular do goberno provincial, acompañou ao presidente da Xunta, Alfonso Rueda, nunha visita á recentemente estreada planta de biorresiduos de Vilanova de Arousa, unha das cinco estacións de transferencia coas que contará a provincia, as ubicadas na Lama, Arbo, Silleda, O Porriño e Vigo.
A reunión serviu tamén para analizar o funcionamento, o estado e o uso da rede de colectores marróns, os que se empregan para depositar os restos orgánicos dos fogares, repartidos por todos os concellos da provincia. O uso destes contenedores, xa implantados na maior parte do territorio da provincia, será obrigatorio a partir do próximo ano, polo que ambas as institucións estudaron vías de colaboración para fomentar o uso dos mesmos.
