Tag: cristina fernández davila

O Goberno Municipal do BNG e PSOE aprobarán no pleno deste mes de xuño o Plan Xeral de Ordenación Municipal (PXOM) de Ponteareas cos cambios esixidos pola Xunta. Tras a recente convocatoria da comisión informativa, o PXOM levarase a sesión plenaria tras decidir demorar un pouco máis a súa aprobación para que os grupos políticos municipais dispuxeran de máis tempo para analizar o documento e realizar axustes técnicos derivados de cambios recentes na cartografía oficial da Confederación Hidrográfica Miño-Sil.

Coñecín a Xosé Represas coma un veciño, un gran veciño por certo... Un veciño que sabía moito de case todo. Coñecía ben as leis, os nosos dereitos,... Presidiu por primeira vez a súa comunidade de veciños no edificio onde residía a súa familia e a miña. Negociador incansable nas causas nas que cría, pero tamén pragmático e resolutivo como poucos.

Cristina Fernández Davila (BNG) é, dende este pasado venres, nova alcaldesa de Ponteareas, tras obter a maioría absoluta dos votos da Corporación ao sumar 9 do BNG e 3 do PSOE. “Non existe unha honra maior que representar a todas as veciñas e veciños da nosa vila como alcaldesa de Ponteareas”, manifestou con emoción tras a súa proclamación.

A alcaldesa en funcións de Ponteareas, Cristina Fernández Davila, e o segundo tenente de alcalde, Roberto Mera, mantiveron a pasada semana unha reunión co Delegado Territorial da Xunta de Galicia en Pontevedra, Luís López, para abordar a colaboración da Xunta en relación con diferentes necesidades en infraestruturas básicas de Ponteareas.

O Concello de Ponteareas valorou positivamente o estado das negociacións coa Xunta de Galicia para abordar a rehabilitación do edificio da Estación de Autobuses e a concesión da explotación do servizo. Na última reunión celebrada, á que asistiron a alcaldesa en funcións Cristina Fernández Davila, o concelleiro de Mobilidade, Roberto Mera e a tenente de alcalde, Chus Garrote, avanzouse “na boa dirección, aínda que quedan bastantes aspectos por clarificar e negociar”, matizou Mera, quen salientou que “só será posíbel un acordo se beneficia aos intereses de Ponteareas”.

Un círculo feito con seis botellas de auga foi o 'espazo protector' no que Ainhoa Hernández e Laura Ramírez, as artistas que conforman Twins Experiment, dialogaron cos seus corpos nunha nova acción do programa da Deputación de Pontevedra 'Mulleres en acción. Violencia Zero' que tivo lugar no auditorio Reveriano Soutullo de Ponteareas.

A alcaldesa de Ponteareas en funcións, Cristina Fernández Davila e a concelleira de Promoción Económica, a nacionalista Eva Gil, presentaron o anteproxecto de reforma arquitectónica e rehabilitación integral do Mercado Municipal e humanización do seu entorno, nunha reunión con representantes dos praceiros e praceiras.

A Plataforma Veciñal para o Saneamento de Ribadetea volveuse reunir coa alcaldesa de Ponteareas para amosarlle o seu "malestar pola falla de avances no saneamento da parroquia". Os membros da plataforma fixéronlle saber "que non comprenden cal pode ser a razón para que despois de 1 ano que Augas de Galicia rematou o proxecto, aínda non se deran pasos cara adiante para avanzar as obras".

“Unha vez máis o alumnado dos nosos centros educativos e o seu profesorado superou as expectativas amosando un amplo interés pola ciencia, realizando traballos de complexidade e calidade e participando nas distintas conferencias ofertadas”, adianta a alcaldesa en funcións e concelleira de Ensino de Ponteareas, Cristina Fernández Davila ao facer un primeiro balance da Semana das Ciencias

“A nosa natureza é sabia e nela podemos atopar solucións e axuda, por iso debemos velar pola súa protección. Nesta quinta edición da Semana das Ciencias de Ponteareas abordaremos a estreita relación entre a Vida Verde e a Vida Azul”. Así daba a benvida hoxe a alcaldesa en funcións e concelleira de Ensino, Cristina Fernández Davila, aos centros educativos de Ponteareas, que ata o vindeiro día 16 participarán nas distintas actividades dunha edición que desafía á COVID-19 reformulándose para celebrarse de xeito seguro.

As obras de impermeabilización do Auditorio, executadas en 2010 mediante un convenio entre o Goberno municipal presidido daquela por Salvador González Solla (PP) e a Deputación dirixida por Rafael Louzán (PP), e nas que se investiron 1,3 millóns de euros, explican as filtracións e os graves danos que ven soportando o Auditorio e que obrigaron ao Concello de Ponteareas a pechalo. Así se conclúe nun informe elaborado polos servizos técnicos municipais que apuntan a posíbeis responsabilidades do promotor ou construtor da reforma realizada hai unha decada.

O Goberno local, a través da alcaldesa en funcións, Cristina Fernández Davila, informa da decisión de acometer determinadas obras no entorno da minidepuradora ubicada na Freixa para solucionar as incidencias na rede de saneamento nesa zona, “son obras que imos acometer de inmediato para solucionar as incidencias e chapuzas derivadas do que fixo no seu día o goberno do PP”, afirmou a alcaldesa.

A concelleira de Ensino e alcaldesa en funcións, Cristina Fdez. Davila, presentou o balance de 2020 do Conservatorio e Escola de Música municipais. Davila salientou que o custo deste servizo educativo ascendeu a 560.803,06 euros. Desta cantidade, 85.492,97 euros cóbrense coas matrículas e cotas do alumnado mentres que os 474.860,09 euros restantes sufrágaos o Concello cos seus orzamentos e sen ningún tipo de axuda de outras administracións.

A alcaldesa en funcións de Ponteareas, Cristina Fernández Davila e o secretario xeral do Eixo Atlántico, Xoán Vázquez Mao, compareceron hoxe en rolda de prensa para facer pública a integración de Ponteareas no Eixo Atlántico aprobada pola súa asemblea xeral esta mesma semana.

A alcaldesa accidental e concelleira de Saúde, Cristina Fernández Davila, vén de dar conta do aumento de casos que a día de hoxe sitúanse en 44, mentres que onte eran 33. Fernández Davila amosou súa preocupación polo novo ascenso despois de ter baixado aos 21 e manterse dende o 28 de decembro ata o día de Reis.

Ao longo do 2020 a Deputación de Pontevedra investiu máis de 9,5 millóns de euros na mellora da mobilidade e seguridade viaria de estradas da provincia. Desde xeito, o deputado provincial Gregorio Agís vén de visitar algunhas das actuacións desenvolvidas durante este ano, que están a transformar as estradas provinciais e adaptando o espazo público ao século XXI no marco do modelo de mobilidade do Goberno provincial.

A alcaldesa accidental de Ponteareas, Cristina Fernández Davila mantivo encontros co presidente de Afaga, Juan Carlos Rodríguez, e cunha representación da directiva da Asociación Avelaíña, de cara á sinatura de senllos convenios que supoñen un apoio económico municipal para desenvolver os programas que ambas entidades levan a cabo en Ponteareas.

A concelleira de Saúde de Ponteareas e alcaldesa en funcións, Cristina Fernández Davila, analizou coa Xerencia da Área Sanitaria de Vigo e a Secretaría Xeral da Consellería de Sanidade da Xunta a evolución da pandemia na localidade no encontro semanal que ambas administracións manteñen.

No marco do programa Revitaliza da Deputación de Pontevedra, as Concellarías de Ensino e Medio Ambiente, que dirixen Cristina Fernández Davila e Rosa Covelo Alonso, respectivamente, participaron estes días nunha serie de actividades didácticas –adaptadas pola situación da COVID-19– sobre compostaxe, no CEIP Nosa Señora dos Remedios.

A concelleira de Saúde e tenente alcalde do Concello de Ponteareas, Cristina Fernández Davila, apelou hoxe á responsabilidade da cidadanía logo do incremento, na última semana, da incidencia da COVID-19 na localidade situando os novos casos positivos entre 14 e 21, segundo datos oficiais do Servizo Galego de Saúde e poñendo ao concello en alerta laranxa.

O Concello de Ponteareas vén de acadar unha subvención de 199.377,25 euros para acometer obras de reforma e eficiencia enerxética nas escolas de Areas, Moreira, Parada (Xinzo), Pías e Ribadetea todas elas integradas no CRA (Colexio Rural Agrupado) A Picaraña, segundo deu conta hoxe a primeira tenenta de alcalde e concelleira de Ensino, Cristina F. Davila.

A concelleira de saúde de Ponteareas, Cristina Fernández Davila, sinalou onte que, segundo os datos recibidos da Xunta de Galicia a través da FEGAMP na tarde do pasado xoves e da Coordinadora do Centro de Saúde de Ponteareas, a situación epidemiolóxica do concello de Ponteareas "mantense na mesma situación nas útlimas semanas, entre o nivel 1 e o nivel 2", de feito, sinala Fernández Davila, "nos últimos 14 días o nivel é 2 pero en cambio si vemos os resultados facilitados pola Xunta nos últimos 7 días o nivel é 1".

A concellaría de Ensino, que dirixe a tenenta de alcalde Cristina Fernández Davila, vén de poñer en coñecemento de todas as interesadas e interesados que, nos vindeiros, días comezarase a aboar as axudas concedidas a 176 alumnos/as para libros e material escolar para o curso 2020/21 a educación infantil (4º, 5º e 6ª), FP básica, ciclos formativos e bacharelato.

A concellaría de Ensino que dirixe a tenenta de alcalde Cristina Fernández Davila, anima a cidadanía a asistir á entrega de premios do concurso Debuxa o TEuA organizado pola asociación 'Familias Azuis', co apoio da Xunta de Galicia, para promover o coñecemento e a concienciación sobre o autismo.

O Pleno Ordinario da Corporación Municipal de Ponteareas vén de aprobar, cos únicos votos en contra do PP, unha iniciativa do BNG na que se reclama a tramitación urxente e extraordinaria dun Decreto por parte do goberno español que contemple fondos para que os Concellos poidan afrontar a crise sanitaria, social e económica derivada da COVID-19. Ademais, a iniciativa do Bloque solicita a derrogación da Lei 2/2012 de estabilidade orzamentaria e sustentabilidade financeira, “para permitir ás entidades locais atender as competencias propias con cargo aos remanentes e superávit”

A Concellería de Ensino, que dirixe a tenente de alcalde Cristina Fernández Davila, mantivo onte unha xornada de traballo coa mesa de coordinación interna de políticas da infancia para concretar as bases do futuro Plan Municipal de Infancia e Adolescencia. Esta mesa de coordinación formada por técnicos municipais das áreas implicadas e polos técnicos responsables do proxecto estudou o informe DAFO (debilidades, ameazas, fortalezas e oportunidades) para deseñar as solucións que aproveiten ao máximo os nosos puntos fortes e recursos.

A Concellaría de Ensino do Concello de Ponteareas que dirixe a tenenta de alcalde Cristina Fernández Davila, vén de poñer en coñecemento de todas as persoas interesadas, que xa están publicadas na páxina web do Concello as listaxes definitivas da concesión das axudas para libros e material escolar para o curso 2020/21 destinadas ao alumnado matriculado en educación infantil (4º, 5º e 6ª), FP básica, ciclos formativos e bacharelato.

A Concellaría de Eventos, que dirixe a tenenta de alcalde Cristina F.ernández Davila, vén de organizar diversas actividades coas que o Concello ponteareán pechará as Festas de Setembro o martes, 29 de setembro, día de San Miguel Arcanxo, patrón de Ponteareas e festividade local no municipio.

A concelleira de Educación e tenenta de alcalde do Concello de Ponteareas, Cristina F. Davila convida a toda a cidadanía a asistir ao acto de presentación da asociación "'Móvete polo TDAH' que terá lugar mañá sábado ás 17 horas na Praza Maior de Ponteareas.