22.8 C
Pontevedra
Martes, 4 de Outubro de 2022
Máis
    HomeO CondadoPonteareasCorenta persoas desempregadas participarán nos dous obradoiros duais que ofrecen Ponteareas e...

    Corenta persoas desempregadas participarán nos dous obradoiros duais que ofrecen Ponteareas e As Neves

    Comezarán a súa actividade en outubro, durarán nove meses e incluirán a posibilidade de realizar prácticas en empresas ao remate da formación

    40 persoas desempregadas de Ponteareas e As Neves poderán acceder a dous obradoiros de emprego dual que comezan en outubro na vila do Tea, un centrado na atención sociosanitaria de persoas dependentes e outro que formará ao alumnado na realización de actuacións forestais que se porán en práctica no parque da Picaraña de Ponteareas e no Chan de Vide das Neves. Estas accións formativas contarán cun orzamento de 347.000 euros que financia a Xunta de Galicia.

    Estes obradoiros son a continuación de dúas formacións similares que ambos concellos impartiron durante os últimos meses. A alcaldesa, Cristina Fernández, e o alcalde das Neves, Xosé Manuel Rodríguez, mostráronse “moi contentos de poder ofrecer esta oportunidade laboral á veciñanza”, nunha visita ao alumnado dos obradoiros duais que rematan este mes en Ponteareas e As Neves. Ademais, destacan que as accións formativas inclúen a posibilidade de prácticas en empresas ao remate da formación, o que supón “unha grande oportunidade de incorporarse ao mercado laboral”.

    A formación no ámbito sociasanitario preparará ao alumnado para atender a persoas dependentes no domicilio, aprenderán un conxunto de ferramentas de atención dende unha perspectiva integral e normalizadora para atender a persoas que teñan limitada a súa autonomía persoal ou sufran casos de desintegración familiar. A formación será tamén para o traballo en institucións sociais, os/as alumnos/as durante o servizo deberán aplicar os coñecementos adquiridos na súa estancia na residencia de maiores Santa Ana e no complexo residencial de atención a persoas dependentes de Vigo.

    A formación en actuacións forestais consistirá en realizar as operacións auxiliares necesarias para a conservación e mellora do monte, para a repoboación forestal, para a corrección hidrolóxico-forestal e a execución de tratamentos silvícolas no Parque Forestal da Picaraña (Ponteareas) e no Chan de Vide (As Neves).

    A concelleira de Emprego e Formación, Vanesa Fernández, explica que as persoas interesadas para realizar a inscrición e pedir máis información deberán solicitar unha cita previa na oficina de emprego de Ponteareas. A edil anima á veciñanza a asistir a esta formación porque pode ser “unha grande oportunidade para traballar en dous sectores con moito retorno positivo na nosa contorna”, conclúe.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS