13.6 C
Pontevedra
Domingo, 9 de Maio de 2021
Máis
    HomeÉ NoticiaA Deputación pecha 2020 con máis de 9,5 millóns de euros investidos...

    A Deputación pecha 2020 con máis de 9,5 millóns de euros investidos na mellora da mobilidade e seguridade viaria nas estradas provinciais

    O deputado provincial Gregorio Agís vén de visitar algunha das actuacións desenvolvidas ao longo do 2020, que están a transformar e a adaptar o espazo público ás necesidades do século XXI

    Ao longo do 2020 a Deputación de Pontevedra investiu máis de 9,5 millóns de euros na mellora da mobilidade e seguridade viaria de estradas da provincia. Desde xeito, o deputado provincial Gregorio Agís vén de visitar algunhas das actuacións desenvolvidas durante este ano, que están a transformar as estradas provinciais e adaptando o espazo público ao século XXI no marco do modelo de mobilidade do Goberno provincial.

    Do conxunto de investimentos realizados ao longo do 2020 na rede provincial de estradas, máis de 3,2 millóns de euros correspóndense co acordo marco de obras de conservación de firmes das vías provinciais, concretamente en estradas de 52 concellos da provincia entre os que se atopan Arbo, Baiona, Barro, Bueu, Caldas, Cambados, Campo Lameiro, Cangas, A Cañiza, Catoira, Cerdedo-Cotobade, Covelo, Crecente, Fornelos de Montes, Gondomar, O Grove, A Guarda, A Illa, A Lama, Marín, Meaño, Meis, Moaña, Mondariz, Mondariz-Balneario, Moraña, Mos, As Neves, Nigrán, Oia, Pazos de Borbén, Poio, Ponteareas, Pontecaldelas, Pontecesures, Pontevedra, O Porriño, Portas, Redondela, Ribadumia, O Rosal, Salceda de Caselas, Salvaterra do Miño, Sanxenxo, Soutomaior, Tomiño, Tui, Valga, Vigo, Vilaboa, Vilagarcía e Vilanova de Arousa. Amais, preto de 1,2 millóns de € correspóndense co Plan Móvese de mobilidade e velocidade segura que está a impulsar a posta en marcha de elementos de redución de velocidade nas vías provinciais.

    O deputado Gregorio Agís co alcalde de Arbo, Horacio Gil na EP 5003 A Cañiza-Arbo

    Xunto aos 4,4 millóns de euros investidos a través do Plan Móvese e do acordo marco de conservación de firmes das vías provinciais, a Deputación de Pontevedra destinou neste 2020 máis de 5,5 millóns de euros para actuacións concretas de acondicionamento, seguridade viaria, reestruturación do espazo público, reposición de firme, reparación de beirarrúas e mobilidade peonil en 16 concellos da provincia entre os que se atopan Agolada, Arbo, Baiona, A Cañiza, Cerdedo-Cotobade, Crecente, Covelo, O Grove, A Lama, Moaña, Ponteareas, Pontevedra, Rodeiro, O Rosal, Silleda e Tomiño.

    Neste marco inclúense actuacións como a reposición de firme e mellora da seguridade viaria na EP 5003 A Cañiza-Arbo, á que se destinaron máis de 776.000 €; o ensanche e mellora da seguridade viaria na EP 0307 Peso–Caroi, onde se investiron preto de 750.000 €; ou a mellora da mobilidade peonil e reforzo de firme na EP 2703 Pazos-Ponteareas, que contou cun investimento de máis de 580.000 €.

    Gregorio Agís, acompañado polo alcalde de Covelo, Pablo Castillo, comprobou as melloras realizadas na EP 5105 Maceira-A Graña

    Tamén outras actuacións como a mellora da mobilidade peonil na EP 6518 entre Silleda e Ponte que contou cun orzamento de preto de 450.000 €; a desenvolvida no núcleo da Chan en Cerdedo-Cotobade que ascendeu a máis de 440.000 €, a reposición de firme na EP 6302 entre Berredo e Brantega en Agolada na que se investiron máis de 345.000 €, os máis de 305.000 € que se achegaron á mellora da mobilidade peonil na EP 4004 de acceso á Igrexa de Guláns en Ponteareas, os preto de 230.000 € que se destinaron á seguridade viaria e senda peonil na EP 5105 Maceira-A Graña en Covelo ou os máis de 210.000 investidos na rotonda da EP 9101 no Grove. Xunto a estas iniciativas, actuouse tamén ao longo deste 2020 na rúa Silleda da Cañiza, na seguridade viaria na EP 3101 Tebra-Cristelos en Tomiño, na EP 2204 entre Sabarís e Belesar, na mellora da mobilidade peonil na EP 3302 no Rosal, na construción dun muro e estabilización da EP 0018 entre Xeve e Espedregueira en Pontevedra, en obras de emerxencia na EP 5005 ao seu paso polo núcleo de Crecente, na reposición de firme na EP 6204 entre Portela e Antes de Ulla en Rodeiro, na reordenación de espazos na EP 5005 A Cañiza-Pousa e na reparación de beirarrúas na EP 1102 entre Meira e Fraga en Moaña.

    COLABORACIÓNS

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS