7.6 C
Pontevedra
Venres, 21 de Xaneiro de 2022
Máis
    HomeO CondadoPonteareasV Semana das Ciencias, ponte entre o alumnado ponteareán e as persoas...

    V Semana das Ciencias, ponte entre o alumnado ponteareán e as persoas vinculadas as ciencias das universidades galegas

    A alcaldesa en funcións e concelleira de Ensino salienta a alta participación e calidade dos traballos realizados

    “Unha vez máis o alumnado dos nosos centros educativos e o seu profesorado superou as expectativas amosando un amplo interés pola ciencia, realizando traballos de complexidade e calidade e participando nas distintas conferencias ofertadas”, adianta a alcaldesa en funcións e concelleira de Ensino de Ponteareas, Cristina Fernández Davila ao facer un primeiro balance da Semana das Ciencias que pecha o seu ciclo de conferencias e seminarios que brindou a oportunidade tanto ao alumnado como ao profesorado de aprender da man de recoñecidas e recoñecidos científicas/os das universidades galegas.

    Baixo o título Vida Verde, Vida Azul as e os conferenciantes ofreceron coñecementos sobre a importancia da auga tanto salgada como doce e da súa estreita relación coa vida nos nosos bosques e montañas. Preservar os mares e océanos e cambiar o rumbo para un futuro máis sostíbel foi un dos obxectivos da conferencia que ofreceu a doutora e científica do Campus do Mar, Noelia Estévez, para un total de 26 aulas dos centros ponteareáns.

    A doutora en química, Elena Falqué, e a doutora en farmacia, Mº Concepción Pérez ensinaron ao alumnado e profesorado de máis dunha ducia de aulas as propiedades e características das distintas augas minerias e os seus beneficios para a saúde.

    A televisiva Patrica Puga reuníuse con máis de dezasete aulas para ofrecerlles coñecementos sobre plantas silvestres e os seus posibles usos culinarios incentivando aos e ás participantes ao respecto pola natureza xa que cada planta ten unha función que desenvolver no seu hábitat.

    O profesorado ampliou coñecementos da man de Andrés Pose, María Dolores Sangiao e Rodrigo Porto, docentes no CIFP A Granxa, que abordaron a importancia dun bo deseño e planificación dos hortos escolares, así como as necesidades de preparación da terra e as especies axeitadas para que a experiencia resulte exitosa.

    Grazas a Ciencia en Movemento, por quinto ano consecutivo, o alumnado aprendeu coa actividade do Museo das Ciencias encamiñada tamén a coñecer a intensa relación entre todos os elementos naturais.

    “Estamos orgullosos, un ano máis, da actitude do noso alumnado e profesorado que incrementa ano tras ano a súa implicación. As actividades deste ano tiveron como obxectivo concienciar da importancia de preservar a vida natural, de aprender de todos os beneficios que ofrece e de amosar de xeito práctico como inflúe cada un dos nosos xestos diarios e que consecuencias boas ou malas ten para o noso planeta”, explica Fdez. Davila.

    A Semana das Ciencias de Ponteareas estreitou unha vez máis os vínculos coa estratexia de futuro “Ponteareas, Hábitat Saudábel” e súmase aos esforzos que realiza o goberno ao longo do ano na concienciación e difusión da necesidade dunha vida sostíbel e da consecución dos Obxectivos de Desnevolvemento Sostíbel (ODS 2030).

    Cristina Fernández Davila engade que a semana das ciencias seguirá viva e nestes intres coa participación da infancia e da mocidade dos centros desenvólvese unha nova ferramenta didáctica que poderán empregar ao longo de todo ano, tanto os centros educativos coma a veciñanza en xeral.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS