7.6 C
Pontevedra
Venres, 29 de Marzo de 2024
Máis
    HomeO CondadoPonteareasPonteareas, no nivel 1 de alerta sanitaria con menos de sete novos...

    Ponteareas, no nivel 1 de alerta sanitaria con menos de sete novos casos á semana nos últimos sete días

    O Concello subliña que a situación epidemiolóxica pola Covid-19 en Ponteareas, segundo comunica á Xunta, é similar ás últimas semanas

    A concelleira de saúde de Ponteareas, Cristina Fernández Davila, sinalou onte que, segundo os datos recibidos da Xunta de Galicia a través da FEGAMP na tarde do pasado xoves e da Coordinadora do Centro de Saúde de Ponteareas, a situación epidemiolóxica do concello de Ponteareas “mantense na mesma situación nas útlimas semanas, entre o nivel 1 e o nivel 2”, de feito, sinala Fernández Davila, “nos últimos 14 días o nivel é 2 pero en cambio si vemos os resultados facilitados pola Xunta nos últimos 7 días o nivel é 1”.

    O Concello de Ponteareas está en contacto permanente coa persoa responsable da Covid-19 no Centro de Saúde local e adoptando as medidas que, en cada momento, se consideran máis axeitadas seguindo as recomendacións sanitarias da Xunta de Galicia en canto aos servizos municipais máis sensibles como a Residencia de Maiores e a Escola Infantil, así como os espazos públicos, sen que neste momento se nos comunicara a adopción de ningunha medida distinta das que xa temos implementado neste momento.

    O Concello, que fai unha vez máis un chamamento á poboación “a extremar en todo momento as medidas de prevención xa coñecidas, seguirá actuando con responsabilidade como leva facendo dende o 14 de marzo cando se decretou o Estado de alarma”, e seguirá estando coordinado coas autoridades sanitarias da Xunta de Galicia.

    Segundo o Concello ponteareán, os resultados destes meses son coñecidos e non vai entrar en ningunha polémica con ningunha forza política sobre este tema “porque os esforzos hai que invertilos en reducir a epidemia”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.