16.5 C
Pontevedra
Xoves, 20 de Xuño de 2024
Máis
    HomeÉ NoticiaO xoves finaliza a inscrición para La Icónica, que se disputa o...

    O xoves finaliza a inscrición para La Icónica, que se disputa o fin de semana

    O xoves péchanse as inscricións para afrontar La Icónica, unha nova experiencia atlética dentro da modalidade de marcha nórdica aínda que tamén haberá espazo para o tradicional sendeirismo. Este evento será a próxima fin de semana. A primeira etapa será entre Oia, pasando polo Rosal, e A Guarda. O domingo realizarase o percorrido con saída na Guarda e por Tomiño, Villanova de Cerveira, Valença e Tui. As inscricións pódense formalizar na páxina web Laiconica.es ata o xoves.

    A organización previu unhas esixentes normas de seguridade, entre as que se inclúen as saídas escoltadas desde os distintos lugares. Ao mesmo tempo, será un aliciente o poder realizar dúas travesías tan importantes polo seu percorrido e os sitios polos que pasa na especialidade de marcha nórdica, que se realiza con bastóns. A Icónica tamén introduce unha innovación moi significativa neste tipo de eventos.

    Espérase unha boa participación e o obxectivo dos rexistrados será chegar a Tui. A organización dará apoio loxístico a todos os participantes, que tamén terán dereito a participar en sorteo dunha gran cantidade de agasallos o domingo pola tarde en Tui.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.