10.8 C
Pontevedra
Terça-feira, 25 de Fevereiro de 2020

Tag: tui

Nace en Tui o Club de Lectura Feminista ‘Tempo de Mulleres’

O martes, 3 de marzo, comezará a súa actividade en Tui o Club de Lectura Feminista 'Tempo de Mulleres', unha iniciativa da Concellería de Igualdade do Concello de Tui en colaboración coa Biblioteca Municipal. Reunirase cada primeiro martes de mes, de 19 h a 20:30 h, até o mes de xuño.
área panorámica tui

A Deputación abre este luns a nova oficina provisional do ORAL en Tui

As oficinas provisionais de atención ao público do Organismo de Recadación Local (ORAL) da Deputación en Tui abren este luns gracias á colaboración do Concello, que cedeu un local no Edificio Área Panorámica, na rúa Colón. As oficinas veñen dar unha solución provisional de urxencia tralo obrigado peche, a causa das moitas deficiencias das instalacións actuais.

Tui amplía a 27 o número de colectores de recollida de aceite de cociña

Nunha aposta pola reciclaxe e a recollida selectiva o Concello de Tui, a través da concellería de Medio Ambiente, vén de ampliar a recollida de aceite de cociña usado tanto no centro urbano coma parroquias tudenses cun total de 27 colectores a dispor da poboación.

A experta Mónica Novas impartirá en Tui unha charla sobre «Como evitar as relacións tóxicas»

A psicóloga xurídica, sexóloga e criminóloga especializada en igualdade de xénero Mónica Novas Dios impartirá este venres, 21 de febreiro, ás 19.30 h na Sala Xacobeo do Edificio Francisco Sánchez – Área Panorámica unha charla titulada 'Como evitar as relacións tóxicas'. Este evento está organizado pola Concellería de Igualdade que dirixe a concelleira Ana Maria Núñez.

Carlos Font cualifica de “escandaloso e vergoñento” que o PP atrévase a falar do ORAL de Tui

O deputado provincial Carlos Font cualificou hoxe de “escándalo monumental” as declaracións de dirixentes do Partido Popular sobre a situación da oficina do ORAL de Tui, que a Deputación de Pontevedra tivo que pechar de forma urxente “ante a imposibilidade de arranxar as gravísimas deficiencias estruturais que ven arrastrando desde que foi adquirido, con sucesivas queixas das traballadoras e traballadores pola situación lamentable das dependencias, agravadas agora polos últimos temporais”.

Concello de Tui e AFAGA impartirán un programa dirixido a coidadores familiares de persoas dependentes

Hoxe abre o prazo de inscrición para 'Coidand@-me' o programa psicoeducativo para coidadores familiares de persoas dependentes que se vai impartir en Tui grazas á colaboración entre o Concello de Tui, a través da Concellería de Servizos Sociais, e AFAGA.

Magín Blanco e Teatro Ghazafelhos presentan o sábado «A nena e o grilo do máis aló» no Teatro Municipal de Tui

Un espectáculo musico-teatral é o que chega este sábado ao Teatro Municipal de Tui da man de Magín Blanco e Teatro Ghazafelhos. O público poderá gozar dende ás 18:30 h con 'A nena e o grilo máis aló', a última entrega de 'A nena e o grilo' o musical infantil galego que presenta novas aventuras dos seus protagonistas.

Fernando Seadur presenta en Tui a súa mostra «As raigañas do Entroido»

O anexo da Sala Municipal de Exposicións, na Área Panorámica acolle até o sábado, 29 de febreiro, a mostra 'As raigañas do Entroido' do fotógrafo Fernando Seadur. Mañá mércores, 12 de febreiro, ás 10:30 h haberá unha visita guiada á mostra a cargo do propio autor, xunto á concelleira de Ensino e Cultura, Sonsoles Vicente.

A Eurocidade Tui-Valença celebra o oitavo aniversario cun pleno conxunto de ambas corporacións municipais

Hoxe ás 21 h a Câmara Municipal de Valença celebrou un pleno histórico con motivo do oitavo aniversario da constitución da Eurocidade entre os dous municipios, no que participaron a Corporación Municipal de Tui e a Assembleia Municipal de Valença.

Douscentos trinta escolares tudenses, na derradeira proxección deste curso de «O Cine nas aulas»

Esta mañá tivo lugar no Teatro Municipal de Tui a derradeira proxección deste curso do programa 'O Cine nas aulas' desenvolvido dende o departamento de Prevención do Concello de Tui. Un total de 232 alumnas e alumnos de 2º de ESO e 14 profesoras e profesores dos IES Indalecio Pérez Tizón e San Paio, do Seminario Menor San Paio e do Colexio Marista Sta. María, acudiron á proxección.

«Tui é un amor. Namórate de Tui», campaña para promocionar a cidade e o comercio local

'Tui é un amor. Namórate de Tui' é o lema da campaña que hoxe mesmo se pon en marcha en Tui co gallo do Día dos Namorados. Trátase dunha iniciativa conxunta das concellerías de Comercio e de Turismo do Concello de Tui que conta coa colaboración do comercio local. O obxectivo é fomentar as compras no comercio local con motivo da celebración do Día dos Namorados. A campaña foi presentada este mediodía na casa do concello polo alcalde, Enrique Cabaleiro, xunto á concelleira de Comercio, Ana Mª Núñez, e o concelleiro de Turismo, Laureano Alonso.

«O que arde» de Oliver Laxe abre a programación cultural do primeiro semestre do 2020 en Tui

A película 'O Que Arde' dirixida por Oliver Laxe e producida por Miraquemira abrirá a programación cultural do primeiro semestre de 2020 no Teatro Municipal de Tui. O filme, que acadou esta fin de semana os Goyas de Mellor Actriz Revelación, para Benedicta Sánchez, e Mellor Dirección de Fotografía para Mauro Herce, proxectarase o venres 7 de febreiro, ás 21:30 h.

Peregrinos xacobeos na cidade de Tui

A inmediata celebración no ano 2021 dun novo ano xubilar compostelán e a súa secuela dun novo Xacobeo así como o crecente número de peregrinos que, dia a día, percorren o Camiño Portugués a Santiago de Compostela, nos concede unha idónea oportunidade para, ao longo de varias entregas, dedicar os artigo desta...

Este mes comezan as actividades para o centenar de participantes no Programa Integrado de Emprego do Concello de Tui

O alcalde de Tui, Enrique Cabaleiro, e a concelleira de Formación e Emprego, Ana Mª Núñez, deron a benvida este luns ao centenar de persoas que participan no Programa Integrado de Emprego do Concello de Tui, concedido pola Consellería de Economía, Emprego e Industria da Xunta de Galicia. Este programa suporá un investimento superior aos 287 mil euros financiado pola Xunta de Galicia e o Concello de Tui.

As rúas Palláns, San Bartolomeu e Arraial de Tui pasan a ser de sentido único o 1 de febreiro

A partir do 1 de febreiro o Concello de Tui procederá a realizar un cambio no sentido de circulación das rúas na zona de San Bartolomeu. Deste xeito as rúas Palláns, San Bartolomeu e Arraial pasarán a ter sentido único. O obxectivo é axilizar o tráfico e mellorar a seguridade vial na zona.

Esta fin, «V Mostra da Camelia Cidade de Tui»

Mañá sábado, 18 de xaneiro, ás 12.30 h terá lugar no Teatro Municipal de Tui o acto inaugural da V Mostra da Camelia Cidade de Tui. Este evento está organizado por ATUCA, Amigos Tudenses da Camelia, co patrocinio do Concello de Tui, a Deputación de Pontevedra, o Xacobeo 2021 e a Xunta de Galicia, e a colaboración da Sociedade Española da Camelia.

Tui imparte obradoiros sobre o manexo de desfribiladores aos clubs deportivos

O Concello de Tui organiza obradoiros de manexo dos desfibriladores dirixidos aos clubs deportivos. Son impartidos polo médico tudense Rosendo Bugarín, que ensina aos participantes a empregar os desfibriladores e o soporte vital básico. O primeiro dos cursos tiña lugar o pasado sábado, 11 de xaneiro e no mesmo participaron seis monitores/adestradores do Tyde F.C. Esta actividade continuará nas próximas semanas.

A Eurocidade Tui-Valença celebra a única Cabalgata de Reis internacional e transfronteiriza

A maxia e a ilusión encherán este domingo, 5 de xaneiro, a Eurocidade Tui-Valença, cunha nova edición da Cabalgata Internacional de Reis. Trátase dun evento único con carácter transfronterizo que dende hai dez anos percorre os dous municipios. Melchor, Gaspar e Baltasar chegarán en tren á estación de Valença ás 16 hora galega.

A Mancomunidade do Baixo Miño expresa os seus desexos para o 2020

Os membros da Mancomunidade do Baixo Miño, formada polos gobernos de Tui, Tomiño, O Rosal e A Guarda, reúnense antes de rematar o ano para tratar algúns temas importantes de cara ó ano que ven. Entre eles, amosan a súa preocupación por dúas cuestións que consideran cruciais para a veciñanza: a situación da Sanidade e do Transporte Público na Comarca.

«Contos do chupete», o xoves 2 de xaneiro na Biblioteca de Tui

A Biblioteca Pública Municipal de Tui completa a súa oferta de actividades de Nadal este xoves, 2 de xaneiro, ás 17 h, cunha sesión de contacontos dirixida a bebés e nenos e nenas con idades entre 0 e 3 anos. Correrá a cargo de Migallas Teatro co titulo de 'Os contos do chupete'.

Espazo Xove de Tui acolle, dende hoxe xoves, a mostra «ZOOM: do individuo á paisaxe»

O espazo Xove de Tui acollerá a exposición de fotografía ZOOM: do individuo á paisaxe, do 26 de decembro ao 7 de xaneiro. A exposición constará de dúas partes que se sucederán cronoloxicamente: unha primeira do 26 ao 7, e unha segunda do 7 ao 17.

Obradoiros, cine, maxia e visita do Apalpador, propostas infantís na programación de Nadal en Tui

Dende o luns, coincidindo co inicio das vacacións escolares, cada mañá na Sala Xacobeo da Área Panorámica haberá obradoiros infantís a cargo de En Un Tris Tras –con capacidade máxima para 70 nenos e nenas– e polas tardes proxectarase unha película de cinema infantil na Sala Félix Rodríguez –con capacidade máxima para 100 nenos e nenas–.

Tui edita un calendario do 2020 con portas da Eurocidade pintadas por Rosa María Vila

'2020. Abrindo portas…' é o título do calendario de 2020 que vén de editar o Concello de Tui. Está ilustrado con pinturas de portas da Eurocidade Tui-Valença realizadas pola artista tudense Rosa María Vila. Así na portada figura o Pórtico da Catedral de Tui e a Porta da Coroada de Valença.

Constituída a «Mesa Local do Camiño de Santiago» de Tui

A pasada semana constituíuse no Concello de Tui a Mesa do Camiño de Santiago, un órgano que ten por obxectivo a cooperación entre os axentes públicos e privados implicados na xestión do Camiño de Santiago no municipio. Para a constitución da Mesa celebrouse unha reunión á que asistiron máis de 40 representantes de distintos ámbitos vinculados ao Camiño.

Ata o venres está aberta a presentación de ofertas para a explotación da cafetería do Centro Interfederado de Tui

O Concello de Tui sacou a licitación a explotación da cafetería do Centro Interfederado, situado na rúa Olímpicos Tudenses por un período de dous anos, prorrogables outros dous, cun prazo máximo de duración do contrato de catro anos. O canon mínimo anual será de 4.744,80 euros.

Tui expedienta a unha empresa pola colocación de carteis en mobiliario urbano

A Policía Local abriu esta pasada semana expediente sancionador a unha empresa pola colocación de carteis anunciadores dun evento en mobiliario urbano, en concreto en diversas farolas, incumprindo así o establecido na ordenanza municipal do ornato e a limpeza viaria.

Tui remata as obras de reforma do Conservatorio de Música

Cun investimento de 56.686,19 € nos últimos días rematáronse as obras de Reforma das Instalacións do Conservatorio Profesional de Música de Tui, situado na Avenida da Concordia, obras executadas con cargo ao Plan Concellos 2017 da Deputación de Pontevedra.

Tui transforma a Corredoira nun Mercado Sustentable de Nadal

Unha coidada ambientación inspirada nos mercados que se celebran en Centroeuropa será a que luza dende este xoves no Mercado Sustentable de Nadal que se vai celebrar no Paseo da Corredoira de Tui. Este céntrico Paseo acollerá os preto de 40 postos de madeira con carpa tipo 'jaima' e iluminación nos que se ofrecerá unha ampla variedade de produtos vinculados ao Nadal.

Tui súmase aos actos do Día Mundial da SIDA

A casa do Concello de Tui iluminouse de vermello nesta pasada noita con motivo do Día Mundial da SIDA que se celebra este domingo 1 de decembro. O lema deste ano é 'As comunidades marcan a diferenza' co que se quere recoñecer o papel fundamental que as comunidades teñen desempeñado e continúan a desempeñar na resposta ao SIDA a nivel local, nacional e internacional.

Conmemoración do 97 aniversario dos «Sucesos de Sobredo»

Diversas entidades sociais concéntranse, este domingo 24 de novembro, en Sobredo, lugar da parroquia de Guillarei, no concello de Tui, para conmemorar os «Sucesos de Sobredo», no seu 97 aniversario. O obxectivo da convocatoria, segundo o Instituto de Estudios Agrarios Mártires de Sobredo (IEAMSO), organizadores do acto, é "manter vivo o significado do carácter social e reivindicativo duns feitos producidos, no 28 de novembro do ano 1922".

Esta semana rematan as reunión do Goberno de Tui coa veciñanza das parroquias

Esta semana rematan as reunións que o equipo de goberno de Tui está a manter coa veciñanza das distintas parroquias tudenses. O obxectivo destes encontros, que se celebraron xa Areas, Malvas, Baldráns, Rebordáns, Guillarei, Randufe e Pazos de Reis, é coñecer as necesidades de cada parroquia da man dos propios veciños e veciñas.

Tui inviste preto de 9.000 euros de baixas do Plan Concellos en material audiovisual e informático

O Concello de Tui vén de investir 8.742,25 € procedentes de baixas do Plan Concello 2017 na adquisición de material audiovisual e informático para distintos departamentos municipais. En concreto adquiríronse equipos audiovisuais e de televisión cos que se mellorarán os procesos das mesas de contratación, a exposición de proxectos,…

Tui acolle as xornadas do Colexio Profesional de Psicoloxía de Galicia sobre atención en catástrofes

'Accesibilidade á atención psicolóxica durante e despois dunha catástrofe: experiencia Tui-Paramos' é o título das XXIV Xornadas da Sección de Psicoloxía e Saúde do Colexio Oficial de Psicoloxía de Galicia que dende mañá xoves e até o sábado se van celebrar no Teatro Municipal, no edificio da Área Panorámica de Tui.

Charla coloquio «86 aniversario da amerizaxe de Lindbergh no río Miño en Caldelas/Friestras»

A Casa Cultural de Caldelas acolle este domingo, 17 de novembro, ás 12 h a charla coloquio 'Lindbergh en Caldelas', cando se cumpren 86 anos do amerizaxe do aviador norteamericano no río Miño. A charla correrá a cargo do historiador Rafael Sánchez Bargiela e do piloto e instrutor de voo, Jose Manuel do Souto Pereira Gomes.

Regades e Cabaleiro aseguran que “Tui tamén se xoga moito o 10N”

A capacidade de traballo conxunto e transversal coas diferentes Administracións e a preocupación pola creación de espazos de convivencia e servizos para a veciñanza centrou a visita do secretario xeral dos socialistas da provincia de Pontevedra a Tui, onde David Regades puido coñecer de primeira man o proxecto de humanización da Avenida de Portugal.

Pelotas de tenis e padel para reducir os ruídos da Biblioteca Municipal de Tui

Os responsables de dous clubs deportivos tudenses, Pablo García, do Club de Tenis Tui e Juan Carlos Feijoo e Miguel de la Calle, do Club de Padel8, entregaron esta mañá á Biblioteca Municipal de Tui un amplo lotes de pelotas usadas que serán reutilizadas polo centro bibliotecario para contribuír substancialmente ao mantemento do ambiente de silencio.

Tui inicia as reunións de planificación da «Aloiada 2020»

Onte martes, 5 de novembro, celebrouse na sala de concelleiros da Casa do Concello de Tui, a primeira das reunións de planificación do proxecto 'Aloiada 2020'. Nesta actividade organizada polos oitos colexios de Tui, en colaboración co Concello de Tui, ao longo de dous días, os rapaces e rapazas de 6º de Primaria de Tui, participan en diferentes actividades no medio natural

Tui inicia a redacción de proxectos por máis de 216.000 € con cargo ao remanente de tesourería

A redacción dun proxecto para a rehabilitación do Teatro Principal e outro para a adecuación do edificio de Cam-Fran na Avenida da Concordia para convertelo na sede nos Servizos Sociais Municipais e dun Centro de Día, son dúas das actuacións para as que se vén de habilitar crédito no Concello de Tui. O mércores en pleno aprobáronse sendos expedientes de modificación de créditos, con cargo ao remanente líquido de tesourería.

Tui inicia estuda a situación e usos do Mercado Municipal

O Concello de Tui vai realizar un Diagnóstico da Situación e Usos do Mercado Municipal co obxectivo de que no futuro a Praza de Abastos tudense poida ser recoñecida como mercado excelente. Este estudo, que será elaborado por unha empresa de consultoría especializada, determinará cales son as actuacións necesarias para lograr a finalidade perseguida.

Un cento de persoas desempregadas participarán no novo Programa Integrado de Emprego de Tui

Un centenar de persoas desempregadas de Tui poderán beneficiarse do Programa Integrado de Emprego do Concello de Tui, que a Consellería de Economía, Emprego e Industria da Xunta de Galicia vén de conceder ao Concello de Tui cun investimento de 287.356,32 euros dos que o Concello deberá achegar 37.356,32 euros.

Colaboradores