O Auditorio Municipal de Nigrán acollía, este pasado xoves, a representación da obra de teatro ‘Por min e por tod@s os meus compañeir@s’. Os nenos e nenas de 4º de primaria do CEIP Humberto Juanes querían, con esta iniciativa, recaudar fondos para UNICEF cunha obra de teatro onde os dereitos dos nenos foran os protagonistas.
A obra recollía o dereito a ter unha vivenda digna, alimentación, a ser atendidos cunha sanidade pública,… entre outros. Unhas pequenas formigas preguntábanse quen sería o máis forte e importante do mundo e chegan a conclusión que todos somos importantes e todos aportamos o noso grao de area.
As titoras, Carmen Pose e Mónica, e as familias amosáronse moi orgullosas do bo traballo e resultados amosados no escenario. Ademáis xuntaron un bo donativo: 914,80 €. Parabéns rapaces!
