14 C
Pontevedra
Sábado, 15 de Maio de 2021
Máis
    HomeVal MiñorNigránO Concello de Nigrán resolve as primeiras axudas á hostalería e leva...

    O Concello de Nigrán resolve as primeiras axudas á hostalería e leva a pleno un segundo plan de axudas para o sector do Taxi

    Concedéronse entre 1.115 € e 1.085 € a cada unha das 33 empresas presentadas e a 23 empresarios autónomos do sector, ademais de 750 € a dous traballadores por conta allea sen ingresos

    O Concello de Nigrán concedeu finalmente axudas directas á hostalería de entre 1.115 € e 1.085 € a un total de 33 a empresas e 23 autónomos, e de 750 € a 2 traballadores por conta allea sen ingresos. A resolución deste primeiro plan de rescate municipal xa foi comunicada esta semana a todos os solicitantes e está pendurada no taboleiro do Concello (tamén en sede electrónica) polo que o ingreso en conta se efectuará nos vindeiros días.  Paralelamente, o goberno local levará ao Pleno ordinario do 26 de abril un segundo plan de rescate tamén por importe de 120.000 € con cargo ao Remanente e que abrangue novamente ao sector hostaleiro e ao do taxi, este último con axudas que se incrementan dos 70 € aos 400 €.

    “Este sector sigue a pagar duramente as consecuencias do Covid-19, polo que consideramos que debemos aprobar un segundo plan municipal para eles que, ademais, volva a incluír aos taxistas multiplicando a contía da axuda e flexibilizando os criterios de concesión”, explica o alcalde de Nigrán, Juan González, quen avanza que “a maiores, coa a achega de 60.000 € que realizará a Deputación, subvencionaremos a outros sectores prexudicados especialmente pola Covid-19”. Neste primeiro plan de rescate municipal concedéronse finalmente axudas a todas as empresas solicitantes.

    Segundo plan de rescate

    As bases deste segundo plan de rescate municipal serán máis ambiciosas cas primeiras ao incrementar de 70 € a 400 € a axuda a cada taxista empadroado en Nigrán (sendo a axuda por cada vehículo ao seu nome e independentemente da localidade onde teña expedida a licencia, a diferencia da anterior convocatoria). Por outra banda, no sector hostaleiro  auméntanse o número de posibles beneficiarios dentro dun mesmo negocio. “Criterios como o empadroamento, localización do establecemento e domicilios fiscais foron revisados para poder de verdade chegar a gran maioría do sector do taxi e da hostalaría dando así un paso máis”, resume González.

    Así, segundo se contempla, as persoas beneficiarias son os autónomos ou empresas do sector hostaleiro afectados polo peche ou limitacións sanitarias de 2021 cunha axuda de 1.000 €; os desempregados sen prestación   que tiveran un contrato neste sector entre o 20/10/2020 e a actualidade novamente con 750 € e, finalmente, os mencionados taxistas empadroados con 400 € por cada vehículo ao seu nome. A principal novidade na restauración é que se teñen en conta como beneficiarios tamén aos autónomos colaboradores nos negocios (independentemente da localidade onde desenvolvan o seu traballo, o requerimento é estar empadroado en Nigrán) e aos diferentes socios dun mesmo negocio situado no termo municipal de Nigrán. Como na anterior convocatoria, as axudas son compatibles con calquera outra concedida polas distintas administracións e mesmo coas primeiras do Concello.

    COLABORACIÓNS

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS