10.2 C
Pontevedra
Venres, 29 de Marzo de 2024
Máis
    HomeVal MiñorNigránO Concello de Nigrán iniciou as obras de renovación do tubaxe de...

    O Concello de Nigrán iniciou as obras de renovación do tubaxe de impulsión da Foz

    Ambas intervencións suman 251.000 € e zanxan definitivamente calquera posible contaminación de Nigrán na contorna da Foz do Miñor ao terse realizado anteriormente toda a Avenida Portugal

    O Concello de Nigrán iniciou, a través da concesionaria Aqualia, as obras de renovación e substitución de todas as antigas tubaxes de impulsión da contorna de A Foz do Miñor (desde A Golada, na Xunqueira, ata a rúa Torrente Ballester, en Lourido). Este investimento, cunha suma de 251.000 €, zanxará definitivamente calquera posible verquido de Nigrán ao esteiro e ao río Miñor (compre sinalar que un tramo da Avenida Portugal xa fora renovado o ano pasado, polo que agora se completa o que quedaba pendente, nesta zona lindeira con Gondomar).

    “Temos un compromiso claro de mellora e protección do medio ambiente e o obxectivo é acabar con tódolos verquidos coa maior urxencia, por iso optamos por substituír toda esta tubaxe obsoleta en vez de poñer parches. Neste espazo natural estamos implicados tres municipios e, desde o Concello de Nigrán, podemos dicir xa que temos todos os deberes feitos”, sinala o alcalde, Juan González.

    Os traballos en Torrente Ballester teñen un custe de 108.150 € e o prazo de execución previsto é dun mes. Segundo o propio proxecto recolle, a tubaxe de impulsión discorre paralela ao colector de saneamento da rúa e está obsoleta tras superar ampliamente a súa vida útil, polo que ten que ser reparada constantemente ante as roturas habituais ao ser unha estrada que soporta bastante tráfico. A nova proposta consiste na súa substitución íntegra por unha tubaxe de polietileno de 250 mm de diámetro e 1 qm de lonxitude (desde a Alameda ata Lourido). Para elo, o tramo de pedra da Alameda de San Campio e o escalón da cafetería da Terceira Idade será reposto coas mesmas pezas para evitar calquera impacto estético, mentras que no cruce do carril bici e no propio aglomerado da rúa substituirase por materiais idénticos (boa parte discurrirá pola terra das zonas axardinadas, polo que non terá impacto na estrada). Este investimento súmase aos preto de 80.000 euros do ano 2016 na contorna da Alameda de San Campio, onde se arranxou o cruce de Torrente Ballester con Manuel Lemos cun novidoso sistema de ‘encamisado’ que evita abrir gabias (consiste en instalar manguitos de fibra de vidro chamados packers e mediante a inxección de aire a alta presión, se infla e comprime contra as paredes do colector; unha vez seco se desinfla e extrae, quedando xa selado).

    Por outra banda, cun investimento de 143.000 € e tamén mediante este sistema de encamisado, este mesmo venres quedará completada definitivamente a renovación da Avenida Portugal, onde faltaban eses 580 metros da zona de A Golada-Xunqueira.

    “Ante o risco medioambiental constante que supuña unha tubaxe tan obsoleta e en condicións propensas a rachar optamos por substituíla ao 100%, polo que unido a actuacións complementarias na zona que realizamos os pasados anos, podemos dicir que Nigrán zanxa calquera posible problema de verquidos puntuais á Foz ao ter toda a infraestrutura renovada”, explica o alcalde, Juan González, sobre este espazo integrado na Red Natura 2000.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.