7.6 C
Pontevedra
Venres, 29 de Marzo de 2024
Máis
    HomeVal MiñorNigránO Concello de Nigrán abre o prazo para presentar ofertas aos quioscos...

    O Concello de Nigrán abre o prazo para presentar ofertas aos quioscos de praia do municipio

    O periodo de explotación volve a ser desde o 1 de maio ata o 30 de setembro, comprendendo 8 postos en todo o litoral

    O Concello de Nigrán abre desde hoxe e ata o 5 de maio o prazo para a presentación de ofertas para explotar os quioscos de praia este verán, retomándose a tempada desde o 1 de maio (o ano pasado por mor do Covid-19 comezara o 1 de xullo) ata o 30 de setembro, tal e como publicou onte o BOP.

    O Concello de Nigrán oferta 7 quioscos de venda de xeados, refrescos e alimentos (2 en Patos, 1 en Area Fofa, 1 na Madorra, 1 en Panxón e 3 en Praia América, un destes de venda de churros) e amplía o custe proporcionalmente ao ano pasado, cando só estiveron 3 meses operativos. Os prezos oscilan desde un mínimo de 2.500 € do quiosco de Area Fofa ata o máximo de 24.000 € en Praia América e, como o ano pasado, os pregos obrigan ao adxudicatario a cumprir en todo momento a normativa Covid-19.

    Os interesados poden presentar as súas ofertas no Rexistro Xeral do Concello, estándo as bases penduradas na sede electrónica da web municipal (taboleiro de anuncios) ou impresas na Oficina de Información Cidadá.

    “Hai que ser optimistas e ter en conta que este verán, fronte ao ano pasado, os quioscos retoman o seu periodo de explotación habitual. Temos que ter en conta que este é un servizo de praia que dá traballo a diferentes familias e que, ao mesmo tempo, os cidadáns agradecen”, indica o alcalde, Juan González.

    Bases Quioscos Praia

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.