7.9 C
Pontevedra
Venres, 29 de Marzo de 2024
Máis
    HomeVal MiñorNigránNigrán organiza as festas patronais de San Pedro co novo espectáculo do...

    Nigrán organiza as festas patronais de San Pedro co novo espectáculo do ‘Bruxo Queimán’

    Queimán mestura folk, danza, pirotecnia fría, declamación, cantigas e moito lume co ritual da queimada como gran acto central

    O Concello de Nigrán continúa co seu programa ‘Música nas Parroquias’ organizando as festas patronais de San Pedro da Ramallosa  coa gran actuación do ‘Bruxo Queimán’ o 28 de xuño (22:30 horas) no Torreiro de San Pedro. Ademais, pensando nos pequenos, haberá show infantil ás 19:00 horas a cargo do Rey Midas e xa o martes 29, festivo local, será o concerto da Banda de Música de XXXX ás 13:00 horas. O goberno local asume íntegramente a súa organización co obxectivo de preservar esta tradición, xa que por mor do covid-19 non se constituíu comisión de festas.

    O ‘Bruxo Queimán’ presenta o seu novo show coas Bruxas-Peregrinas, un acto onde se mestura o tradicional conxuro coa exaltación da terra e do mar, do Camiño de Santiago que precisamente atravesa a parroquia de San Pedro, do folclore galego, a súa gastronomía, as súas paisaxes… Paixón, sentimento, forza escénica, música folk-celta, danzas, pirotecnia fría e moito lume. Está composto por 4 bruxas, 2 músicos… e o ritual da QUEIMADA é o momento máis vistoso e esperado para espantar o mal ollado de toda presenza. Interprétanse temas musicais inéditos, como “Alalá do Mariñeiro” ou “O Meighacho” e tamén hai espazo para unha danza onde se homenaxea as mulleres do mar e do rural. En definitiva, unha fusión de arte pouco habitual de declamación, música e danza que envolve ao público nun halo elegante, creativo e próximo.

    O espectáculo está composto por música folk, danzas, 4 bruxas, 2 músicos, piroctecnia fría onde o ritual da QUEIMADA é o momento máis vistoso e esperado para espantar o mal ollado de toda presenza. Interprétanse temas musicais inéditos, como “Alalá do Mariñeiro” ou “O Meighacho”. Tamén haberá espazo para unha danza onde se homenaxea as mulleres do mar e do rural.

    En definitiva, unha fusión de arte pouco habitual de declamación, música e danza que envolve ao público nun halo elegante, creativo, e asemade próximo, tanto polo sentimento que esconde detrás de cada verba ou nota coma pola novidade e amplitude do público que abarca.

    BRUXO QUEIMAN

    O actor galego conta con máis de 20 anos de experiencia, como transmisor e defensor dunha cultura milenaria, a Cultura Atlántica. Representa a esencia da terra, o que máis lle caracteriza, é a súa forza e sensibilidade. Bruxo Queiman, esperta o soño da indiferenza a moitos, aos que descoñecen o valor do ancestral, de aquilo que se vai herdando desde fai milenios da nosa nai Terra. Tamén é imaxe dun dos maiores Festivais en Portugal “Sexta 13”, en Montalegre, onde se convoca en cada evento a máis de 40.000 persoas. En definitiva, a súa forza e o seu sentimento son algunhas das características máis salientables.

    ELENCO ARTÍSTICO

    Irene Senín, artista polifacética. Cantante de teknopunk do grupo “Blikxter” creado en Madrid en 2011 e co que percorreu diferentes puntos de Europa, Londres, Milán, Roma…acompañada de outros grupos como son “Neokaoss”, “La voz rota”…artista circense na compañía “La Conejera” de Barcelona.

    Suso Feixón, percusionista e gaiteiro. Actuou en EEUU, durante 6 anos, Colombia, Rusia, Singapur co grupo “DJ POTC&FLYDRUMS”. Foi membro do grupo galego “A Roda” durante 13 anos. Fundador do grupo de folk “Pelepau”.

    Inés Silva, actriz e bailarina. Unha larga traxectoria teatral, cinematográfica e televisiva. As xiras artísticas e de baile levárona a actuar por máis de 20 países xunto a importantes artistas de nivel internacional como Juan Magán, Kate Ryan, David Guetta…Participou como actriz en “A Estiba”, “O Sabor das margaridas”, “Fariña”, “Olvido y león”…

    Laura Naveira, actriz e bailarina multidisciplinar. Trabllou en diferentes compañías en Inglaterra durante 6 anos. En Galicia foi membro de “Ibuprofeno teatro” con Santiago Cortegoso e Marian Mañobre. Fai traballos como estatua vivinte, como clow, misturando diferentes técnicas, posúe o seu propio estilo.

    Traballou tamén en “Crearte” a nivel nacional con pasarrúas.

    Samuel Soto, guitarrista e compositor. Mestre de Canto e Corda pulsada. Membro dos grupos “Ardentía”, “Son de Seu”, “Isidro Vidal”, “Manuele de Felisa” e da compañía Queiman e Pousa dende 2016. O seu traballo levouno a actuar a países como: Costa Rica, Italia, Finlandia, Escocia, Londres…

    Raquel Salgado, artista multidisciplinar. Modelo de pasarela e fotografía, nacional e internacional, desfilou para Roberto Verino, David Delfín, entre outros. Cantante e integrante da banda emerxente “Rouge Bandits”. Bailarina de varias disciplinas e actriz, serie “Vivir sin permiso” e película “Cautivo”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.