17.7 C
Pontevedra
Xoves, 23 de Maio de 2024
Máis
    HomeVal MiñorNigránJuan González asume o seu terceiro mandato como alcalde de Nigrán

    Juan González asume o seu terceiro mandato como alcalde de Nigrán

    “Asumimos este terceiro mandato coa mesma ilusión, ganas e forza que os dous anteriores pero coa diferencia de que agora sumamos máis experiencia”, con estas palabras o socialista Juan González asumíu este sábado, no Salón de Plenos, o que será xa o seu terceiro mandato consecutivo en Nigrán. O rexedor, cunha maioría absoluta de 11 concelleiros fronte a 5 do PP e 1 do BNG, afronta o seu segundo goberno con ampla maoría absoluta (entrou na alcaldía no 2015 en minoría).

    O rexedor foi investido de mans dos seus concelleiros Alfonso Vázquez e Sara Penedo, avó e neta respectivamente e que actuaron como presidente e vogal aos ser os concelleiros de maior e menor idade de toda a corporación. A elección se produxo tras postularse tamén o PP á alcaldía e obter os votos dos seus cinco ediles.

    “Aos concelleiros que repiten e aos que non están temos que dicirlles que deben estar orgullosos do que fixemos porque conquerimos unha vez máis unha maioría aplastante e non é fácil contentar á maioría das persoas dun municipio, e o fixemos xa dúas veces. Ogallá sexamos capaces de repetilo unha cuarta vez”, sinalou ao temo que agradecía moi especialmente o labor do persoal municipal neste tempo e dos concelleiros que non repiten neste mandato e que estaban presentes entre o público. Asimesmo, González ofreceu a súa colaboración á oposición do PP liderada por María José Pino e do BNG por parte de Xavier Rodríguez, quen xa fora concelleiro en dous mandatos. “Ogallá que aportedes cousas boas para Nigrán porque é o que están agardando os veciños e veciñas, nos intentaremos mellorar e esperamos non defraudar a ninguén e que sigamos cos pes no chan, as portas abertas e mirándonos aos ollos”, finalizou”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.