10.6 C
Pontevedra
Luns, 10 de Maio de 2021
Máis
    HomeComarcasRedondelaPaso adiante da Deputación na reforma da estrada Os Valos-Guizán, en Redondela,...

    Paso adiante da Deputación na reforma da estrada Os Valos-Guizán, en Redondela, cun investimento superior aos 400.000 euros

    Carmela Silva: “É unha obra moi agardada e que sigue o modelo da mobilidade sostible que impulsamos para que os espazos públicos sexan da xente e non só dos vehículos”

    Redondela verá outra estrada provincial mellorada en breve tempo. A Xunta de Goberno da Deputación vén de aprobar o proxecto de execución dun tramo da EP-2906 entre Os Valos e Guizán. As obras, que teñen un orzamento de 402.341,59 euros financiados na súa totalidade pola entidade provincial, serán licitadas en breve e contarán cun prazo de execución de 5 meses.

    A presidenta da Deputación, Carmela Silva, remarcou que trátase dunha obra “moi importante e moi agardada e que encadramos no marco da moderna mobilidade que estamos a impulsar para promover a seguridade viaria e a mobilidade sostible, mellorando así a calidade de vida e facendo que os espazos públicos sexan tamén da xente e non só dos vehículos”.

    O proxecto aposta pola reordenación da mobilidade peonil, ciclista e rodada coas características ben establecidas no modelo que a Deputación está a implantar nos tramos da súa Rede Provincial de Estradas nos que se constata a existencia dunha importante presión residencial. O tramo obxecto da actuación ten unha lonxitude de preto de 750 metros e abrangue o sector máis densamente habitado ao longo dunha vía que totaliza 2,9 Km e que, ademais, une a PO-2602 co aeroporto de Peinador e a N-550.

    A estrada presenta actualmente serias deficiencias ao contar con dous carrís de 3 metros de sección e unha beiravía moi variable, por tramos case inexistente, e con bordos e elementos perigosos, entre eles postes de formigón do alumeado. Ademais, dispón de numerosas interseccións con camiños municipais que non están correctamente resoltas e, finalmente, abundantes tendidos aéreos. Coas súas características actuais, e a pesar das numerosas vivendas ás que dá servizo, resulta completamente inadecuada para o tránsito peonil.

    O proxecto que se vai executar comeza cunha primeira actuación entre o PQ 2+180 e o PQ 2+390 onde xa se actuou coa construción dunha beirarrúa na marxe dereita. Polo tanto, as obras centraranse na beiravía esquerda cunha importante ampliación para a mellora da seguridade viaria. A continuación, na zona de maior densidade edificatoria vaise crear unha plataforma única de convivencia entre peóns e vehículos coa correspondente sinalización horizontal e vertical. Quedan tamén deste xeito ben ordenados os cruces e interseccións principais. Dende este punto engádese sección á estrada para gañar un carril peóns-bicicletas. Para elo habilitarase unha franxa con elementos separadores, de 50 centímetros de anchura, para protexer a senda peonil ciclista, que terá outros 2 metros de ancho. A velocidade de circulación para os vehículos será de 30 Km/h, incluíndo para axudar ao “calmado de tráfico”, a instalación de elementos redutores e pasos de peóns sobreelevados. Amais, no treito de plataforma única reforzarase a convivencia reducindo o límite aos 20 Km/h.

    A Deputación vai proceder tamén ao soterramento dos cables aéreos e á instalación dun novo sistema de iluminación, substituíndo os actuais farois dun elevado consumo, por outros que reducirán significativamente o impacto enerxético e medioambiental. Ademais, optimizará o alumeado, que actualmente só está pensado para o tráfico, ás novas circunstancias de mobilidade integral. A desaparición dos actuais postes de formigón contribuirá, a maiores, á mellora da seguridade.

    Ao tratarse dunha obra de urbanización completa, no convenio asinado co Concello de Redondela a principios deste ano quedou establecida unha achega dun 70% por parte da Deputación (281.639,04 euros). Porén o Concello decidiu achegar o 30% restante a través do Plan Concellos, polo que o 100% do investimento necesario vai ser realizado con fondos procedentes da Deputación.

    COLABORACIÓNS

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS