O Pleno da Deputación provincial debaterá, este luns 4 de marzo, unha moción, presentada pola deputada Belén Villar, para instar ao Goberno central a manter os proxectos da Variante-Circunvalación de Ponteareas e a mellora da seguridade na N-120. Villar agarda que todos teñan a oportunidade de sumarse a esta reivindicación: “Esgotamos todas as vías que están ao noso alcance para reclamar o que lle pertence a Ponteareas. Espero que na Deputación de Pontevedra o apoio sexa unánime”, explicou Villar.
Nos Orzamentos Xerais do Estado para o ano 2018, comprometíase un investimento plurianual de 21 millóns de euros na execución da Variante, pero o goberno de Pedro Sánchez eliminou a totalidade da cantidade. Asimesmo, comprometíase, para a mellora da N-120, 6 millóns de euros, que o goberno do PSOE reduciu a 100.000 euros. Agora, coas enmendas presentadas á totalidade, os Prespupostos non saíron adiante e quedaron prorrogados. Así, nesta moción ínstase ao Ministerio de Fomento a manter a partida orzamentaria de 21 millóns nos Orzamentos Xerais de 2019 para a construción da Variante de Ponteareas, por ser unha infraestrutura estratéxica tamén para toda a comarca do Condado. Tamén aprémiase a contratar e executar as obras da Variante tan cedo como se conte co proxecto construtivo, nos termos pactados e acordados entre tres administracións (Ministerio de Fomento, Xunta de Galicia e Concello de Ponteareas), recollidos no protocolo asinado en 2015.
Por último, ínstase a manter a partida orzamentaria de 6 millóns de euros para as melloras da N-120 ao seu paso por Ponteareas, para dar resposta ás demandas veciñais que denuncian a grave situación de inseguridade viaria con 16.000 vehículos diarios e unha alta siniestralidade.
Por outra banda, tamén pídese á Xunta de Galicia que licite e redacte o proxecto construtivo da Variante en canto asine o convenio de colaboración citado anteriormente.
“É importante que todos sumemos nesta causa. Son dúas infraestruturas moi necesarias, non só para Ponteareas, senón para todos aqueles que circulan pola autovía A-52 e pola N-120. Por iso, agardo que a Deputación provincial de Pontevedra sexa sensible e deixe a un lado os personalismos políticos para loitar por esta causa que redunda no ben común”, afirma Belén Villar.
