17.2 C
Pontevedra
Mércores, 30 de Setembro de 2020

Tag: xosé represas

Ponteareas adxudica as obras de humanización da Praza de Bugallal que triplicará a súa superficie

O Concello de Ponteareas vén de adxudicar as obras de humanización da Praza de Bugallal por un importe de 605.338,28 euros, nunha actuación está financiada ao 80 % con cargo aos fondos FEDER da Unión Europea no marco da estratexia 'Ponteareas, Hábitat Saudábel' mentres o Concello achega dos seus propios fondos o 20 % restante. Ao concurso público presentáronse un total de doce empresas.

Represas lembra que a caldeira de biomasa “substitúe a cinco de gasoil moi contaminantes”

O Alcalde Xosé Represas expresou o seu “respecto” cara as persoas que de boa fe se poden manifestar contra a caldeira de biomasa e animounas “a confiar nun goberno que ten no seu ADN a defensa do medioambiente, da calidade de vida e da saúde. A nosa traxectoria de décadas de compromiso e activismo ecoloxista é sobradamente coñecido en Ponteareas”, engadíu o rexedor local.

O plan ‘DepoRemse’ da Deputación leva a Ponteareas un novo espazo urbano do século XXI na contorna dos principais equipamentos da vila

A presidenta da Deputación de Pontevedra Carmela Silva e o alcalde de Ponteareas Xosé Represas veñen de visitar as obras de transformación da contorna da piscina municipal, do centro deportivo Álvaro Pino e do centro de saúde que nun prazo de tres meses van configurar un renovado espazo, propio do século XXI, no acceso á vila.

Comeza ‘Dixitaliza o teu negocio’ o programa do Concello de Ponteareas para implantar novas estratexias no contexto da pandemia da COVID-19

O Concello de Ponteareas presentou este xoves a iniciativa ‘Dixitaliza o teu negocio’, con plans de formación e asesoramento individualizado para os comercios de Ponteareas e a planificación de estratexias empresariais adaptadas ao novo contexto provocado polo coroavirus. O plan, que inclúe tamén unha plataforma escaparate para o comercio de Ponteareas, “vai orientar e facilitar aos comercios a mellora do seu posicionamento online, permitindo coñecer todas as alternativas para que cada un escolla o seu método de dixitalización” explicou a concelleira de Promocion Econónmica, Eva Gil.

Ponteareas reafírmase na súa aposta pola sustentabilidade coa creación da rede urbana de calor con biomasa

O Concello de Ponteareas vén de dar inicio ás obras que, unha vez remadadas, formarán a rede urbana de calor con biomasa destinada solventar as necesidades enerxéticas nos edificios e instalacións municipais. As obras foron adxudicadas por 717.823 € a través dun concurso público transparente que garantíu a igualdade de oportunidades e ao que se presentaron sete empresas.

Ponteareas pon en marcha o servizo de baleirado de fosas sépticas

O Concello de Pontearas vén de anunciar a posta en marcha o servizo de baleirado de fosas sépticas e pozos negros trala publicación este venres da Ordenanza reguladora que permite iniciar a tramitación das solicitudes a partir deste luns 24 de agosto. Este novo servizo municipal é financiado con fondos propios do Concello subvencionando así o coste do servizo.

Carlos Font, na súa visita a Ponteareas, fai un chamamento “á implicación de todos e todas na recollida e reutilización do lixo electrónico”

Ponteareas conta cun punto limpo adaptado á recollida de 'lixo electrónico' gracias ao investimento realizado pola Deputación de Pontevedra no marco do proxecto europeo ESTRAEE. O deputado de Economía e Réxime Interior, Carlos López Font, e o deputado de Infraestruturas e Vías Provincias, Gregorio Agís, xunto ao alcalde de Ponteareas, Xosé Represas; a concelleira de Vías e Obras, Chus Garrote e á concelleira de Medio Ambiente, Rosa Covelo, visitaron esta mellora e, a continuación, as obras de seguridade peonil realizadas no acceso á igrexa de Guláns na estrada provincial EP4004.

A Corporación Municipal de Ponteareas aproba por unanimidade a moción da veciñanza de Ribadetea sobre o saneamento da parroquia

No pleno ordinario do Concello de Ponteareas, celebrado o pasado 28 de xullo, a totalidade dos concelleiros da Corporación Municipal votaron a favor dunha moción presentada pola Plataforma veciñal de Ribadetea, na que se acordou esixirlle á Xunta de Galicia que elabore o proxecto de execución da totalidade do saneamento da parroquia, así como "que cumpra o seu compromiso de aportar o 80 % do seu custo".

O trompetista Esteban Batallán clausurará o VIII Festival Groba que encherá Ponteareas de música entre o 15 e o 21 de agosto

O alcalde de Ponteareas, Xosé Represas, acompañado da deputada provincial de Cultura, Victoria Alonso, do concelleiro de Cultura Fernando Groba e do director da Orquestra de Cámara Galega, Rogelio Groba, presentaron hoxe no salón de plenos do Concello o cartel do VIII Festival Groba que, entre o 15 e o 21 de agosto e por oitavo ano consecutivo, encherá Ponteareas coa música das estreas absolutas do prolífico Mestre Rogelio Groba e será escenario no que se dean cita os mellores músicos do mundo.

Ponteareas presenta a cuarta edición da súa Feira do Libro

Do xoves día 9 ao domingo día 12 a praza Maior acollerá ás escritoras e escritores de máis renome para asinar as súas obras

Ponteareas conta xa con ‘Comercio Seguro’

O alcalde de Ponteareas, Xosé Represas, e a concelleira de Promoción Económica, Eva Gil, asistiron á entrega dos primeiros selos de 'Comercio Seguro', enmarcada na campaña que desenvolve a asociación de comerciantes Banastra en colaboración coa Federación provincial de Comercio, Turismo e Mercados.

O Concello de Ponteareas convoca ao Consello Municipal da Infancia e da Adolescencia

O Concello de Ponteareas vén de convocar ao Consello Municipal da Infancia e da Adolescencia para manter unha nova reunión, nesta ocasión virtual, o vindeiro 18 de xuño ás cinco da tarde. O alcalde ponteareán, Xosé Represas, quere dialogar coa infancia e coa mocidade da vila sobre o tempo de confinamento e a actualidade da desescalada co obxectivo de afondar naquelas preocupacións que os abordaron nestes tempos e coñecer cales foron as súas necesidades.

O alcalde de Ponteareas pide ao PP que “respecte o Corpus” e que “non enrede con mentiras e falsidades”

O alcalde de Ponteareas Xosé Represas, saíu ao paso das declaracións da portavoz do Partido Popular, Belén Villar, sobre o covenio coa Xunta de Galicia para o Corpus. Represas amosouse sorprendido coas afirmacións realizadas pola portavoz municipal do PP e a súa falta de respecto coa celebración do Corpus Christi que sempre estivo á marxe de partidismos.

Ponteareas reclama da Xunta información sobre o expediente da declaración das alfombras do Corpus como BIC Inmaterial

O Alcalde de Ponteareas, Xosé Represas vén de reclamar da Consellería de Cultura da Xunta de Galicia, información sobre a situación actual de tramitación do expediente para a declaración de Ben de Interese Cultural Inmaterial (BIC) as alfombras de flores do Corpus de Ponteareas.

O Pleno de Ponteareas aproba, por unanimidade, modificar o orzamento para paliar os efectos da COVID-19

O Concello de Ponteareas aprobou este luns por unanimidade a modificación do orzamento por un importe de 1.137.000 euros, dos que máis de 650.000 € teñen como finalidade intentar paliar os efectos da crisis sanitaria do coronavirus no Concello. Este foi o segundo punto da orde do día da sesión extraordinaria e urxente celebrada onte, sendo o primeiro pleno virtual da historia de Ponteareas, utilizando o sistema telemático que permite a realización de Plenos, Comisións e Xuntas de Goberno Local non presenciais.

O Corpus de Ponteareas reinvéntase para celebrarse a través dunha ‘recreación virtual’

A imposibilidade de celebrar a Festa do Corpus Christi como tradicionalmente se viña facendo polas restricións provocadas pola pandemia da COVID-19, non impedirá que Ponteareas teña a súa festa grande. Así que a máis emblemática festa ponteareá se reinventará para, tal e como anunciou o alcalde de Ponteareas, Xosé Represas, converterse nunha recreación virtual na que " as novas tecnoloxías e canles de comunicación serán a ferramenta para continuar co legado herdado dos e das nosas maiores".

Ponteareas dará axudas directas a autónomos, comercios e empresas afectadas polo COVID-19

O Concello de Ponteareas, a través da concellarías de Facenda, Emprego e Promoción Económica, ven de crear unha liña extraordinaria de axudas, que se concederán de forma directa a autónomos, comerciantes e empresas. Estas axudas promovidas polo goberno BNG-PSOE incorporan gran parte das propostas realizadas por ACiP, logo dunha reunión de portavoces da Corporación celebrada a pasada semana.

O novo aspecto da contorma do Auditorio e Praza de Abastos de Ponteareas comeza a tomar forma

O goberno de Ponteareas (BNG-PSOE) asegurou hoxe que as obras de humanización da rúa Fernández Vega na contorna do auditorio-praza de abastos "afrontan a súa fase final coa colocación do pavimento e remate de arquetas, sumidoiros e instalacións eléctricas".

O Concello de Ponteareas apoia o traballo da protectora de animais Os Biosbardos cunha achega de 5.000 euros

Os orzamentos do Concello de Ponteareas, que entraron en vigor o pasado mes de marzo recollen unha partida de 5.000 euros destinada á protectora de animais de compaña 'Os Biosbardos'. É o segundo ano que se dá este apoio económico á protectora e a intención do Goberno, segundo explicou o Alcalde Xosé Represas, é mantela nos vindeiros anos.

As empresas adxudicatarias paralizan as súas obras en Ponteareas

Como consecuencia do decreto 10/2020 de paralización dos servizos non esenciais as empresas adxudicatorias que realizaban obras en Ponteareas procederon ao peche das mesmas perimetrando a zona de actuación, retirando as maquinarias e comprobando que se garante a seguridade. O goberno do BNG-PSOE vela polo cumprimento da orde aprobada polo Goberno do Estado de paralizar todas as actividades agás as de subministros básicos á cidadanía durante o estado de alarma pola crise sanitaria do COVID-19.

Ponteareas suspende o cobro de taxas e impostos municipais

A medida do Concello e do ORAL afecta, entre outros, ao recibo do lixo, imposto de vehículos e as taxas da Escola Infantil, Conservatorio e Escola de Música, mercado e terrazas

Garda Civil e Policía Local de Ponteareas coordínanse para velar pola protección da veciñanza

O alcalde de Ponteareas, Xosé Represas, e o concelleiro de Bo Goberno, Transparencia e Participación Cidadá, Roberto Mera, mantiveron esta mañá no salón de plenos, e dacordo coas medidas de seguridade e prevención establecidas, un encontro co tenente da Garda Civil de Ponteareas, o xefe da Policía Local da localidade, así como o alcalde de Mondariz, Xosé Emilio Barros e o axente de policía deste concello.

Ponteareas suspende todas as actividades educativas, culturais e deportivas, o mercado do sábado e cursos de formación

Nunha reunión mantida coa representación do cadro de persoal o alcalde Xosé Represas comunicou que "o primeiro é a saúde do persoal municipal e da cidadanía, polo que o desenvolvemento do traballo no Concello supeditarase ás precaucacións necesarias para evitar contaxios".

Ponteareas garante a continuidade do comedor escolar do ‘Fermín Bouza Brey’

O Alcalde de Ponteareas, Xosé Represas, e a Concelleira de Educación, Cristina Fernández, veñen de comunicarlle á Consellería de Educación da Xunta de Galicia que, unha vez máis, están na disposición de asumir a xestión do comedor escolar do colexio público Fermín Bouza Brey ante a nova negativa da Consellería de non asumir a xestión directa.

Ponteareas contará con catro novos axentes para a Policía Local

O alcalde de Ponteareas, Xosé Represas, e o concelleiro de Mobilidade e Tráfico, Roberto Mera, deron hoxe a benvida aos catro novos axentes de policía que superaron o procedemento de selección e escolleron Ponteareas como destino. Os axentes incorporaranse ao cadro de persoal ao longo do ano 2020 unha vez realicen o seu período de formación na Academia Galega de Seguridade Pública (AGASP)

O Concello de Ponteareas inviste máis de 95.000 euros na renovación de oito parques infantís

O Goberno local de Ponteareas procede, nestes días, á renovación de 8 áreas infantís do do municipio, traballos que se desenvolven no marco do Plan de Renovación de Parques Infantís Municipais iniciado xa no anterior mandato, segundo sinalou o alcalde ponteareán, Xosé Represas.

Éxito de público na primeira cita coas Xornadas sobre o Patrimonio do Condado de Ponteareas

As I Xornadas sobre o Patrimonio do Condado, que organiza o Concello de Ponteareas a través da Concellería de Cultura que xestiona Fernando Groba, pecharon a súa primeira xornada cunha notable asistencia de público que amosou o seu interese por participar nunha iniciativa que busca poñer en valor a historia e o patrimonio da comarca.

Xosé Represas seguirá de preto os traballos de redacción do proxecto de mellora da N-120

O alcalde de Ponteareas, Xosé Represas, solicitou unha reunión ao Xefe da Demarcación de Estradas do Estado en Galicia, para coñecer de primeira man os traballos de redacción do proxecto de mellora da seguridade vial na N-120. A pasada semana o Ministerio anunciaba o inicio dos traballos de redacción do proxecto de obras para a construción de glorietas, rehabilitación do firme, mellora da sinalización e tratamento de marxes na N-120 ao seu paso polas parroquias de Xinzo, Arnoso e Areas.

ACUAES licita o contrato para a redacción do anteproxecto de mellora da EDAR de Ponteareas

A sociedade mercantil estatal Aguas de las Cuencas de España (ACUAES), do Ministerio para a Transición Ecolóxica e o Reto Demográfico, vén de licitar por 112.015 euros os servizos de asistencia técnica para a elaboración do estudo de alternativas, dos estudos ambientais e a redacción do anteproxecto de mellora da estación depuradora da Moscadeira e do proxecto de mellora dos interceptores xerais de Ponteareas.

O Castelo do Sobroso, marco espectacular para un desfile de traxes nupciais

O Castelo de Sobroso foi o espectacular marco que acolleu, este xoves, o desfile de traxes de noiva no que o estilita Óscar Novo presentou as novas apostas da deseñadora Patricia Avendaño, que forman parte da súa colección nupcial para o ano 2020. O evento contou coa presenza da presidenta da Deputación, Carmela Silva, o alcalde de Ponteareas, Xosé Represas e o alcalde de Mondariz, Xosé Emilio Barros, entre outras autoridades.

Ponteareas adianta unha nova convocatoria de axudas de 150.000 euros ás traídas de augas

O alcalde de Ponteareas, o nacionalista Xosé Represas, adiantou este venres que o Concello ten previsto realizar nas vindeiras semanas, unha nova convocatoria de axudas para obras nas traídas veciñais de augas por importe de 150.000 euros, axudas que se financian con fondos propios do Concello.

A Feira das Ensinanzas de Ponteareas esperta a curiosidade do público

O alcalde de Ponteareas, Xosé Represas, e a deputada provincial responsonsable de Centros de Ensino, Noemí Outeda, inauguraban onte a terceira edición da 'Feira das Ensinanzas Artísticas e Profesionais' acompañados do inspector territorial de Ensino; do concelleiro de Mocidade, Miguel Bouzó, e da concelleira de Benestar Social e Igualdade Verónica Carrera que realizaron unha visita a cada un dos stands dos centros educativos.

O alcalde de Ponteareas destaca “as partidas destinadas a saneamento” no Orzamento 2020

O alcalde de Ponteareas, Xosé Represas, deu conta dos investimentos en obras de saneamento previstas no orzamento do presente ano 2020 que irá a Pleno nas vindeiras semanas. Entre as actuacións, Represas destacou as obras de ampliación da depuradora e a construción de novos colectores xerais no entorno do núcleo urbano.

A Deputación inicia a mellora da mobilidade e seguridade peonil da contorna da igrexa de Guláns

A Deputación de Pontevedra vén de comezar as obras do proxecto para a mellora da mobilidade e seguridade peonil na estrada provincial EP-4004 de acceso á igrexa de Guláns, dende o PQ 0+000 ao PQ 0+490, no concello de Ponteareas. A actuación, a cuxo inicio asistiu hoxe o deputado de Infraestruturas Gregorio Agís, acompañado do alcalde Xosé Represas, foi adxudicada cun orzamento de 305.023,73 euros.

Ponteareas celebra, cun concerto da Orquestra de Cámara, o 90 aniversario do mestre Rogelio Groba

Ponteareas conta cun tesouro único que fai historia no mundo da música, hai noventa anos un día como hoxe xoves día 16 nacía en Guláns o mestre Rogelio Groba Groba. Máis de setecentas obras acompañan a traxectoria deste prolífico compositor que sigue amencendo cada mañá coa inquedanza de compor e de trasladar a cada partitura as sensacións e vivenzas do cotidiá.

O Goberno ponteareán presenta o maior Orzamento da historia de Ponteareas

O goberno BNG-PSOE do Concello de Ponteareas presentou publicamente o maior orzamento da historia da localidade. A intención do goberno de coalición é aprobalo neste mes de xaneiro. O presuposto pactado entre ambas as dúas forzas políticas ascende a 22,2 millóns de euros, fronte aos 16,9 millóns de euros de 2018, o que supón un incremento dun 34 %.

Ponteareas reafírmase na súa loita contra a violencia machista

Facer que a mocidade se dea de conta do que está a acontecer na sociedade na que vivimos reivindicando a igualdade e a loita contra as violencias machistas foron os obxectivos da acción de 'Mulleres en acción. Violencia Zero' da Deputación de Pontevedra levada a cabo onte en Ponteareas.

Ponteareas xa conta cun novo vehículo para traballos medio ambientais

A concellería de Medio Ambiente, que dirixe Rosa Covelo, informa que xa está a disposición do persoal do seu departamento o novo vehículo adquirido con fondos propios e coa subvención outorgada polo Fondo de Compensación Ambiental da Xunta de Galicia.

O BNG de Ponteareas urxe á xunta a que informe das previsións para o saneamento de Ribadetea

O BNG, a través do seu deputado Luís Bará, presentou unha iniciativa que se debaterá no Parlamento Galego para urxir á Xunta a que cumpra os seus compromisos en relación co saneamento da parroquia ponteareá de Ribadetea. Luís Bará e Xosé Represas reuníronse en Ribadetea coa Plataforma polo Saneamento para darlle a coñecer a iniciativa do BNG demandando á Xunta informe das previsións para a redacción do proxecto integral de saneamento.

Vinte persoas desempregadas comezan en Ponteareas o obradoiro «Coidar de Nós II»

A concelleira de Emprego, Vanesa Fernández e o alcalde de Ponteareas, Xosé Represas inauguraron hoxe un novo obradoiro de emprego 'Coidar de Nós II' que dará unha oportunidade laboral a vinte persoas desempregadas, ofrecendo por vez primeira formación para o sector forestal.

Colaboradores