10.2 C
Pontevedra
Venres, 29 de Marzo de 2024
Máis
    HomeO CondadoPonteareasA veciñanza de Ponteareas pon en marcha unha iniciativa civil para o...

    A veciñanza de Ponteareas pon en marcha unha iniciativa civil para o recoñecemento institucional do Concello á figura de Xosé Represas

    A veciñanza de Ponteareas vén de poñer en marcha unha iniciativa de cara a conseguir un recoñecemento institucional do Concello á figura de Xosé Represas. A iniciativa –que recolle sinaturas na web www.change.org– xurde para activar ese proceso de institucionalización, porén o obxetivo será que a corporación do Concello de Ponteareas incorpore nunha orde do dia das súas reunións plenarias un punto para o debate sobre a forma en que se debe producir ese recoñecemento público.

    Entre as as opcións válidas para levar a cabo este recoñecemento, explican as e os veciños promotores, caberían a de poñerlle o nome de Xosé Represas a unha rúa de importancia ou a unha praza; colocar un busto nalgún lugar significativo, unha placa conmemorativa, unha condecoración institucional tipo medalla ou distinción singular.

    A figura de Xosé Represas condensa unhas capacidades, unhas actitudes e unha vontade exemplar para todo aquel que pretenda servir publicamente. A súa dimensión aumenta nos tempos políticos que estamos a padecer: diálogo máis alá da ideoloxía, procura de acordos entre diferentes, defensa do interese xeral, democratización das decisións políticas, promoción e participación dos responsábeis públicos na actividade social e cultural, defensa dos intereses municipais ante calquera institución ou interese particular, resistencia ante as adversidades, perseverancia e convicción, sacrificio persoal cando compre, en prol da sociedade representada.

    Todas estas cuestións, chaves no proceso de modernización e rexurdimento da vila de Ponteareas, merecen un recoñecemento institucional. Para consolidar esa conduta, afianzar eses valores como guía para futuros responsábeis públicos, o Concello de Ponteareas debe asumir a tarefa de institucionalizar a figura de Xosé Represas, un veciño singular.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.