14.6 C
Pontevedra
Domingo, 25 de Febreiro de 2024
Máis
    HomeO CondadoPonteareasPonteareas reclama da Xunta información sobre o expediente da declaración das alfombras...

    Ponteareas reclama da Xunta información sobre o expediente da declaración das alfombras do Corpus como BIC Inmaterial

    O alcalde de Ponteareas, Xosé Represas, lembra que a Consellería de Cultura "dispón de toda a documentación para a súa tramitación dende hai dous anos"

    O Alcalde de Ponteareas, Xosé Represas vén de reclamar da Consellería de Cultura da Xunta de Galicia, información sobre a situación actual de tramitación do expediente para a declaración de Ben de Interese Cultural Inmaterial (BIC) as alfombras de flores do Corpus de Ponteareas. “Xa fai dous anos que entregamos toda a documentación necesaria para que se abrise o expediente pero descoñecemos cal é situación de tramitación actual, así como a valoración da Xunta”, afirmou o alcalde.

    O goberno de Ponteareas comezou a traballar na solicitude en 2017 e ao ano seguinte, presentou toda a documentación requerida á Directora Xeral de Patrimonio para a declaración BIC das alfombras florais do Corpus de Ponteareas, “Neste momento, no que non podemos confeccionar as alfombras de flores nin celebrar o Corpus polo coronavirus, a declaración BIC suporía un gran recoñecemento e respaldo para todas as veciñas e veciños portadores desta tradición dende hai case dous séculos” manifestou Represas.

    Pola súa longa tradición, polo facer artesanal, por ser unha arte sustentable, por tela capacidade de congregar, ano tras ano, a milleiros de visitantes pero, sobre todo, pola unión das súas xentes e a constancia no seu traballo, a arte alfombrista reúne practicamente tódolos requisitos para ser declarada BIC Inmaterial, segundo recolle o artigo 9.3 da Lei de Patrimonio Cultural de Galicia

    Os bens de interese cultural son aqueles bens mobles, inmobles e inmateriais máis sobranceiros do patrimonio cultural de Galicia, declarados por decreto do Consello da Xunta de Galicia. Tras a súa declaración ou recoñecemento, inscríbense no Rexistro de Bens de Interese Cultural de Galicia, onde se recollen, entre outros, os datos relativos á súa identificación e localización, así como outros de interese para a súa protección.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.