Tag: xosé manuel rodríguez méndez

O Concello das Neves, deu formalmente os parabéns, nunha recepción, a Lucía Rodríguez e Basilio Porto, que veñen de acadar tres medallas no Campionato de Europa Júnior de Bádminton, disputado el Belgrado. Os dous deportistas do Club de Bádminton Suflenorsa As Neves, recibiron os parabéns da Corporación Municipal, representada polo alcalde, Xosé Manuel Rodríguez Méndez; os dous tenentes de alcalde, Marcelino Couto e Óscar González, e a concelleira de Mocidade, Rocío Barreiro.

Tal e como comunicaron o Goberno local das Neves e a Xunta de Galicia aos propietarios das terras das parroquias de Tortoreos e Rubiós, na última reunión para avanzar na posta en marcha da nova aldea modelo das Neves, dende a semana pasada está aberta unha oficina na que persoal de Expoaga atende aos propietarios, para a recollida dos seus precompromisos, a soluciona das súas dúbidas ou facilitarlles información ou explicacións sobre os trámites a seguir.

Os alcaldes de Arbo, Horacio Gil, e das Neves, Xosé Manuel Rodríguez Méndez, mantiveron o pasado mércores unha reunión en liña co director xeral de Calidade e Avaliación Ambiental –dependente do Ministerio para a Transición Ecolóxica e o Reto Demográfico–, Ismael Aznar Cano, para tratar, de novo, o proxecto da Liña de Alta Tensión ( LAT 400 K) que afecta aos dous concellos.

40 persoas desempregadas de Ponteareas e As Neves poderán acceder a dous obradoiros de emprego dual que comezan en outubro na vila do Tea, un centrado na atención sociosanitaria de persoas dependentes e outro que formará ao alumnado na realización de actuacións forestais que se porán en práctica no parque da Picaraña de Ponteareas e no Chan de Vide das Neves.

A Vicepresidencia primeira da Xunta de Galicia vén de investir en diversas melloras de saneamento, limpeza, acondicionamento do medio natural e eficiencia enerxética no Concello das Neves ao abeiro do Fondo de Compensación Ambiental (FCA) 2020, que reportou máis de 52.000 € para estas actuacións.

O Concello das Neves que preside Xosé Manuel Rodríguez Méndez vén de adiantar que este ano, a 'Feira do Requeixo e do Mel', festa de referencia do municipio, "non será presencial". Ainda que os datos da evolución da pandemia sinalan una satisfactoria evolución no concello, no que non hai casos activos dende hai máis dun mes, o Goberno municipal tomou a decisión de non colocar os tradicionais postos na Praza Maior e apostar por unha edición 'on line', que terá máis duración no tempo

Un investimento de máis de 85.000 euros da Deputación de Pontevedra permitiu mellorar as infraestruturas municipais das que gozan os veciños das parroquias de Setados, Vide e Tortoreos. Unha vez rematadas as obras, hoxe foron supervisadas polo deputado de Cooperación, Santos Héctor, e o alcalde, Xosé Manuel Rodríguez. Na visita participaron tamén a deputada Olga García, o tenente de alcalde, Marcelino Couto, e o concelleiro Óscar González.

Nunha reunión telemática mantida o pasado mércores 20 polo o alcalde das Neves, Xosé Manuel Rodríguez Méndez e a concelleira de Benestar Social, Pilar González Santos, coa delegada territorial da Xunta en Pontevedra, Luisa Piñeiro, o Concello foi informado do aumento de horas asignadas para a prestación do Servizo de Axuda no Fogar (SAF) que supón unha subida de 552 horas, e sitúa As Neves en 20.364 horas de SAF, o que representa un incremento do 2,7 % respecto de 2020.

Os Concellos de Salceda de Caselas e As Neves veñen de asinar a renovación do convenio de xestión conxunta do gabinete de atención temperá para atención á poboación infantil de 0 a 6 anos, co obxectivo de seguir a dar resposta ás necesidades transitorias ou permanentes que presentan os nenos e nenas con trastornos no desenvolvemento ou en risco de padecelos, para facilitar o desenvolvemento da súa autonomía persoal e a inclusión social.

O Concello das Neves estreou onte sábado un documental que realizado por Daniel Pérez baixo o título 'O comercio que nos coida' buscaba poñer en valor a importancia do traballo relizado por as e os comerciantes nas primeiras semanas do estado de alarma, "semanas nas que o comercio local xogou un papel fundamental", asegurou o alcalde das Neves, Xosé Manuel Rodríguez Méndez.

O Concello das Neves, tal e como anunciara hai varios meses o Goberno local, cederá o ámbito da antiga Escola Infantil ao Servizo Galego de Saúde (Sergas) para a ampliación do Centro de Saúde da Vila que gañará, así, máis de 50 metros cadrados. A que ata este curso foi a Escola Infantil da vila, está no baixos do mesmo inmoble que ocupa o Centro de Saúde.

Hoxe sábado 20 de xuño, ás 19 horas e no local do Vide, o Concello das Neves fará un pequeno acto de recoñecemento e agradecemento ao traballo feito por un numeroso grupo de mulleres costureiras das Neves –chegaron a ser 40, de practicamente todas as parroquias e de todas as idades–, que durante o confinamento e ata hoxe, dedicaronse a coser máscaras e batas que se distribuían a través do obradoiro organizado por Maite Isla, en Ponteareas.

A alcaldesa de Salvaterra de Miño, Marta Valcárcel, e os alcaldes de Arbo, Horacio Gil; As Neves, Xosé Manuel Rodríguez Méndez e Crecente, Julio César García-Luengo mantiveron unha xuntanza de traballo para solicitar das autoridades competentes a "reapertura da tempada de pesca tradicional do treito internacional dos ríos Miño e Tea en «pesqueiras» e «estacadas»".

A Escola Profesional do Alto Miño Interior (EPRAMI) de Monção acolleu, onte sábado, a presentación oficial da que será a vixésimo novena edición da 'Feira do Requeixo e o Mel' das neves que se desenvolverá os días 11 e 12 de abril, e que contará cun amplo abano de actividades. O acto de presentación contou coa presenza do alcalde das Neves, Xosé Manuel Rodríguez Méndez; o vereador de Acción Social, Cultura e Turismo de Monção, João Oliveira; a concelleira de Cultura das Neves, Rocío Barreiro e o presidente da Cooperativa do Requeixo das Neves, Alejandro Martínez.

O alcalde de As Neves, Xosé Manuel Rodríguez Méndez, amosouse "agradecido e satisfeito" ao recoller este venres, por parte do conselleiro de Cultura, Román Rodríguez, e da directora de Turismo de Galicia, Nava Castro, na Cidade da Cultura, en Compostela, a distinción de 'Festa de Interese Turístico de Galicia' para a Romaría de Santa Marta de Ribarteme".

Os alcaldes de Arbo, Horacio Gil, e de As Neves, Xosé Manuel Rodríguez Méndez, mantiveron este luns en Madrid unha xuntanza co director xeral de Calidade e Avaliación Ambiental do Ministerio para a Transición Ecolóxica, Ismael Aznar Cano, para tratar o paso da liña de alta tensión por varias zonas habitadas dos dous concellos.

O Servizo Galego de Saúde (SERGAS) contará dende Semana Santa con espazo para ampliar o Centro de Saúde das Neves unha vez que as cativas e cativos que ocupan a actual Escola Infantil da Galiña Azul vaian para a nova gardería, situada a carón do CEIP Marquesa do Pazo da Mercé, que estará rematadas nesas datas.

Esta fin de semana o Complexo Deportivo Municipal 'Álvaro Pino' de Ponteareas acolle os partidos da Liga Estatal de Bádminton. A concelleira de Deportes do Concello de Ponteareas, Nahir Covelo, animou á veciñanza a visitantes "a achegarse ao pavillón para gozar do espectáculo" que supón o bádminton de alto nivel".

Dende este luns, e durante todos os días lectivos, ata o remate das obras da nova Escola Infantil de As Neves, as mesmas estarán paralizadas durante a entrada e saída dos estudantes do CEIP Marquesa do Pazo da Mercé. Así o acordaron o alcalde, Xosé Manuel Rodríguez e a concelleira de Educación, Pilar González Casas, co responsábel de seguridade desta obra e a directora da mesma.

O Instituto para a Diversificación e Aforro de Enerxía (IDAE), dependente do Ministerio para a Transición Ecolóxica, vén de conceder ao Concello das Neves dúas subvencións por un importe total de 301.873,49 € para a renovación do alumeado exterior da vila. As achegas permitirán a a substitución de 749 luminarias e 24 dos 63 cadros de mando do actual sistema de alumeado municipal.

Os traballos para que a nova Escola Infantil de As Neves sexa unha realidade seguen adiante, aínda que, segundo denuncia o Goberno local, "non coas garantías de seguridade necesarias e co ritmo para cumprir cos prazos comprometidos".

O Concello de As Neves vén de anunciar que confeccionará un modelo de alegación que será empregado polas veciñas e veciños que se opoñan ao trazado da Liña de Alta Tensión que Rede Eléctrica Española ten a intención de facer pasar por Vide.

O programa da ‘XIV Festa do Tinto das Rías Baixas’, que como cada ano ten As Neves coma escenario, empeza este mesmo xoves, 3 de outubro, e seguirá, con diferentes propostas e actividades, ata o vindeiro día 12. "O obxectivo é xerar ao redor desta festa unha ‘cultura’ dos sabores, tanto dos propios desta cita enolóxica, coma gastronómicos, culturais ou paisaxísticos", asegura o alcalde das Neves, Xosé Manuel Rodríguez Méndez.

A presidenta da Deputación, Carmela Silva, visitou o sábado 28 de setembro as obras para a ampliación do Centro Cultural de Rubiós, no concello das Neves, uns traballos que permitirán reforzar o uso destas instalacións para actividades culturais diversas e adaptalo para as necesidades contemporáneas.

A presidenta da Deputación de Pontevedra, Carmela Silva, xunto aos alcaldes das Neves, Xosé Manuel Rodríguez, e Ponteareas, Xosé Represas, e o alcalde accidental de Salvaterra, Ernesto Groba, visitaron esta mañá a renovada EP 4006 que transcorre por Ponteareas, As Neves e Salvaterra. A actuación acometida, que ascende a preto de 570.000 euros, segue os principios de mobilidade centrados na recuperación do espazo público para as persoas.

A alcaldesa accidental de Ponteareas, Cristina Fernández; a concelleira de Formación e Emprego, Vanesa Fernández e o alcalde das Neves, Xosé Manuel Rodríguez Méndez, clausuraron na mañá de hoxe o obradoiro de emprego 'Coidar de Nós' acompañados do delegado territorial da Xunta en Pontevedra, José Manuel Cores Tourís e do xefe territorial de Economía, Emprego e Industria, Ignacio Rial.