11.4 C
Pontevedra
Venres, 30 de Setembro de 2022
Máis
    HomeO CondadoAs NevesAs Neves completa a renovación do alumeado público con lámpadas LED

    As Neves completa a renovación do alumeado público con lámpadas LED

    O Instituto para a Diversificación e Aforro de Enerxía (IDAE), dependente do Ministerio para a Transición Ecolóxica, vén de conceder ao Concello das Neves dúas subvencións por un importe total de 301.873,49 € para a renovación do alumeado exterior da vila. As achegas permitirán a a substitución de 749 luminarias e 24 dos 63 cadros de mando do actual sistema de alumeado municipal, o proceso que se levará a cabo nas parroquias de Santiago, San Xosé e San Cibrán de Ribarteme e San Pedro e Santa Eulalia de Batalláns.

    Este orzamento, que representa o 80 % do investimento total para substituír a iluminación actual e que estará completada co 20% restante –preto de 76.000 €– que achegará o propio Concello, estará adicado a retirar as luminarias actuais de VASP, VM, BC e IND por novas lámpadas LED, pasando dunha potencia de 36,13k W a 12,05 kW o que representara un aforro enerxético medio do 81%.

    Outros 500.000 € máis de fondos europeos

    Esta subvención do IDAE súmase ao medio millón de euros, “logo dun traballo de máis de dous anos de xestións”, de fondos europeos, acadados polo Goberno local este mesmo ano. De xeito que As Neves conta con máis de 800.000 € para “renovar na súa totalidade, e en todas as parroquias, abranguendo todo o territorio municipal, as vellas lámpadas obsoletas e contaminantes por leds de alta tecnoloxía”, subliña o alcalde Xosé Manuel Rodríguez Méndez.

    Aforro e redución da contaminación

    Rodríguez Méndez recalca que, en conxunto, o novo alumeado “ademais de subir a intensidade e claridade do actual mellorando de xeito considerábel o servizo ás veciñas e veciños, permitirá aforrar ás contas municipais máis dun 75 %, de media, no recibo eléctrico e reducir a emisión de CO2 á atmosfera”.

    Ao mesmo tempo que se substitúen as luminarias implantaranse sistemas intelixentes de telexestión enerxética nos ‘cadros da luz’. Isto fará que sexa posible monitorizar o alumeado en tempo real e xestionar punto por punto, o cal permitirá regular a intensidade lumínica e programar o acendido e apagado en función das necesidades e das horas nas que haxa luz natural.

    Inicio da licitación

    O Goberno local empeza agora coa licitación para realizar este cambio, a seguir, empezarán os traballos de substitución das vellas lámpadas, un proceso que se vai facer de xeito progresivo en toda a superficie de As Neves e que se estima que estará rematado nun prazo de dous anos.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS