Esta fin de semana o Complexo Deportivo Municipal ‘Álvaro Pino’ de Ponteareas acolle os partidos da Liga Estatal de Bádminton. A concelleira de Deportes do Concello de Ponteareas, Nahir Covelo, animou á veciñanza a visitantes “a achegarse ao pavillón para gozar do espectáculo” que supón o bádminton de alto nivel”.
A competición está organizada polo Club Bádminton As Neves en colaboración co concello de Ponteareas, Concello das Neves e Suflenorsa. A vila do Tea acollerá a cuarta xornda desta Liga Estatal na que se disputarán un total de 15 encontros repartidos entre o sábado e o domingo.
A entrada será totalmente de balde e suporá unha ocasión única de ver aos mellores xogadores de bádminton de toda España o sábado de 11 a 20 horas e o domingo de 09:30 h a 15 horas.