12.3 C
Pontevedra
Martes, 19 de Xaneiro de 2021

Tag: salceda de caselas

Gondomar, Mos, Nigrán, O Porriño, Arbo, A Cañiza, As Neves, Crecente, Mondariz e Salceda de Caselas no nivel máximo de limitacións

O Comité clínico que fai seguimento da evolución da Covid-19 en Galicia vén de acordar, na súa reunión de onte, elevar ao nivel máximo as restricións aos concellos de Vigo e Pontevedra, logo da revisión da evolución epidemiolóxica da Covid-19 en toda Galicia.

Salceda licita os diferentes seguros municipais

O Concello de Salceda de Caselas ven de licitar os diferentes seguros municipais por un importe de 50.788,82 €, o que supón un aforro para as contas municipais de máis de 12.000 € anuais.

O Rancho de Reis de Salceda continúa fiel á súa cita

Salceda de Caselas vivíu unha xornada de Reis histórica ao contar coa tradicional actuación do Rancho de Reis da Feira e á estrea do seu Rancho Infantil, conseguindo un relevo xeracional dunha das tradicións máis singulares do patrimonio cultural inmaterial galego-portugués. A parte máis emotiva da mañá foi a estrea do Rancho Infantil da Feira asegurando a continuidade da tradición.

Os concelleiros do PP de Salceda doan o 30% percibido pola asistencia a plenos e comisións ao Banco de Alimentos Municipal

No pasado 5 de abril de 2020, “desde o Grupo Popular de Salceda fixemos unha promesa á veciñanza de Salceda, doar o 30% percibido pola asistencia a plenos e comisións dos meses restantes do ano 2020, e no día de hoxe, apiques de rematar este ano 2020, os seis concelleiros e concelleiras do PP de Salceda cumprimos coa nosa palabra” sentenciou Santi Davila.

A Xunta licita as obras dunha nova senda peonil e ciclista na estrada PO-411 en Parderrubias, no concello de Salceda de Caselas

A Consellería de Infraestruturas e Mobilidade licita as obras da nova senda peonil e ciclista na estrada autonómica PO-411, en Parderrubias, no concello de Salceda de Caselas, cun investimento de máis de 876.000 euros.

Salceda aposta pola cultura segura nun programa de Nadal con máis dunha ducia de actividades centradas no público infantil

A Casa da Cultura Castelao acolleu esta mañá a presentación da programación de Nadal do Concello de Salceda de Caselas, que se estenderá ata o día 5 de xaneiro con máis dunha ducia de actividades centradas no público infantil pois, tal e como definiu o Concelleiro de Cultura, Alex Rodríguez, “os nenos e nenas lévano pasando mal todo o ano, e temos que admitir que son os que mellor o están a facer, polo que se merecen este recoñecemento ao seu esforzo”.

Salceda e As Neves renovan o servizo de atención temperá conxunto

Os Concellos de Salceda de Caselas e As Neves veñen de asinar a renovación do convenio de xestión conxunta do gabinete de atención temperá para atención á poboación infantil de 0 a 6 anos, co obxectivo de seguir a dar resposta ás necesidades transitorias ou permanentes que presentan os nenos e nenas con trastornos no desenvolvemento ou en risco de padecelos, para facilitar o desenvolvemento da súa autonomía persoal e a inclusión social.

Salceda recibe o Nadal vestida de luces

"A COVID19 non nos fará perder a ilusión" con ese lema, toda unha declaración de intencións, Salceda de Caselas acendeu hoxe o seu alumeado de Nadal. Optou o Goberno local por un acendido virtual que se retransmitiu en directo a través das redes sociais do Concello. Unha a unha as rúas, prazas e edificios de Salceda foron enchéndose de cor e luz para dar a benvida ao Nadal.

‘Noites na Rúa’ ou como dinamizar o comercio e a hostalaría de Salceda en tempos complicados

Dende o pasado mes de outubro, a primeira fin de semana de cada mes ten un sabor especial en Salceda coa celebración de 'Noites de Rúa' unha iniciativa, tan novidosa como imaxinativa, do Concello de Salceda, –a través da Concellería de Comercio– e de ACISA, na que hostalaría e comercio camiñan da man co claro obxectivo de impulsar a súa actividade a través da dinamización das rúas.

Salceda ronda o centenar de denuncias por incumprimentos relacionados coa Covid-19

Cerca dun centenar de denuncias se levan realizado no municipio de Salceda de Caselas por incumprimentos derivados das restricións vinculadas á Covid-19, denuncias interpostas polos diferentes corpos de seguridade do Estado.

Salceda reorganiza o tráfico na zona do Penedo Redondo para acabar coas carreiras ilegais

O Concello de Salceda ven de iniciar as obras de reorganización do tráfico no entorno do campo de fútbol do Penedo Redondo, co fin de rematar co problema de seguridade viaria que se daba na zona, con habituais 'quedadas' para realizar carreiras ilegais de coches. O proxecto consiste na creación de diversos pasos elevados que realizarán a función de conseguir o denominado 'tráfico calmado', e impedindo deste xeito as perigosas prácticas que se viñan detectando na zona.

Máis de 92.000 € para as asociacións de Salceda a pesares do parón da actividade

A alcaldesa de Salceda, Loli Castiñeira, ven de asinar os convenios por máis de 92.000 euros que benefician a 25 entidades do municipio: culturais, deportivas, sociais e centros escolares. No acto de sinatura, que se celebrou no Auditorio Municipal seguindo os protocolos Covid-19, a alcaldesa estivo acompañada dos concelleiros de cultura e deportes, Alex Rodríguez e Rubén González.

Salceda de Caselas, primeiro concello da provincia en renovar o protocolo entre Garda Civil e Policía Local para protección de vítimas de violencia de Xénero

A subdelegada do Goberno, Maica Larriba, presidiu esta mañá o acto de subscrición do novo protocolo de colaboración entre as Forzas e Corpos de Seguridade do Estado e a Policía Local de Salceda no marco do programa de seguimento integral das vítimas de violencia de xénero VioXén. O documento foi asinado pola alcaldesa da localidade, Loli Castiñeira, e o coronel xefe da Comandancia da Garda Civil en Pontevedra, Simón Venzal.

Salceda de Caselas premiada con dúas flores na súa primeira participación no certame ‘Vilas en flor’

O Concello de Salceda de Caselas ven de recibir a distinción que outorga o certame 'Vilas en flor', que recoñece en forma de galardóns a traxectoria e as acción levadas a cabo polos municipios galegos na mellora e potenciación dos espazos verdes urbanos, a súa xestión sostible, a educación medioambiental e a concienciación cidadá no coidado do entorno.

O Programa Integrado de Emprego de Salceda inserta ao 72% das persoas participantes

O Programa Integrado de Emprego que o Concello de Salceda de Caselas está a desenvolver dende o mes de outubro do pasado ano está a obter uns resultados moi positivos a pesares da crise sanitaria, que agora se poderán prorrogar despois da ampliación do Programa que ven de comunicar a Consellería de Emprego e Igualdade.

O Concello de Salceda de Caselas licita o SAF por 2.895.894,26 €

O Pleno da Corporación Municipal do Concello de Salceda ven de aprobar por unanimidade o proceso de licitación do servizo de axuda no fogar (SAF) para os vindeiros 4 anos, por un importe de 2.895.894,26 €.

Unanimidade en Salceda para pedir unha segunda escola Galiña Azul

O Pleno do Concello de Salceda de Caselas aprobou o xoves por unanimidade a solicitude de construción dunha segunda escola infantil de 0 a 3 anos no municipio, nos terreos que o Concello posúe ao lado do novo centro de saúde, na rúa Mártires de Sobredo.

Salceda urxe a construción da senda peonil e ciclista de Parderrubias, única sen executar das 9 aprobadas pola Xunta no 2016

O Concello de Salceda de Caselas vén de esixir a construción da senda peonil e ciclista de Parderrubias, unha actuación que, lembra a alcaldesa de Salceda, Loli Castiñeira, "é a única sen executar das nove sendas aprobadas, sen que ata o de agora se comunicase cal é o motivo da demora". A alcaldesa lembra a urxencia de acometer este proxecto “que solucionaría un problema grave de seguridade na PO-411".

Salceda remata o programa de promoción da Igualdade e prevención da violencia de xénero logo de dous meses de intenso traballo

O Concello de Salceda de Caselas vén de dar por rematado o programa que durante dous meses traballou na promoción da Igualdade e a prevención da violencia de xénero. Foron 150 horas de asistencia xurídica, psicolóxica, laboral e social acompañadas de itinerarios profesionais, 22 horas de talleres de autoestima, técnicas de búsqueda de emprego, habilidades dixitais, análisis da violencia de xénero e valorización dos coidados e encontros de avaliación.

‘Noites na Rúa’, a aposta do Concello de Salceda e ACISA pola dinamización do comercio local e hostalería

A Casa da Cultura 'Castelao' de Salceda de Caselas acolleu, na mañá de hoxe, a presentación de 'Noites na Rúa' unha iniciativa que a Asociación de Comerciantes e Industriais de Salceda (ACISA), desenvolve en estreita colaboración co Concello de Salceda a través da Concellería de Comercio que xestiona Verónica Tourón. Trátase dunha actividade que se desenvolverá cada primeiro fin de semana de más e que está encamiñada a dinamizar o comercio local e hostalería a través de actividades culturais e descontos nos establecementos participantes e nos locais hostaleiros.

Salceda apela á colaboración veciñal ante unha ‘gamberrada’ transformada nun perigo para seguridade cidadá

O Concello de Salceda está a sufrir, nestes últimos días, un acto que vai máis aló do gamberrismo e chega a ser unha ameaza para a seguridade pública e para a propia integridade física de peóns e condutores. Nas última horas, aparecían varias arquetas abertas en moi diferentes puntos do concello co perigo evidente que iso supón.

O concello de Salceda de Caselas súmase á terceira edición do certame Vilas en Flor

O programa "Vilas en Flor", unha iniciativa que procura a mellora ambiental, social e económica dos concellos galegos de menos de 45.000 habitantes, chega este ano á súa terceira edición con doce novos concellos participantes confirmados. Este ano, incorpórase á lista de participantes a localidade pontevedresa de Salceda de Caselas xunto cos concellos de Cambados, Fene, Guitiriz, Lalín, Narón, Pontedeume, Sada, Sarria, San Sadurniño, Ames e Tui.

O barrio da Bouzavedra, en Salceda, completará a súa rede de saneamento

A vindeira semana comezarán as obras do proxecto de ampliación da rede de saneamento de Bouzavedra, na parroquia de San Xurxo, que lle vai permitir a 24 casas contar con este servizo esencial. O proxecto, en marcha xa dende a lexislatura pasada, sufriu un importante retraso por mor da COVID19, pero agora por fin se fai realidade.

O Equipo de Goberno de Salceda inicia as negociacións para aprobar a RPT

O Equipo de Goberno do Concello de Salceda ten xa rematada a proposta de Relación de Postos de Traballo (RPT) que este xoves será debatida cos representantes sindicais na mesa xeral de negociación convocada con este único punto na orde do día. O documento, que será o primeiro existente na historia do Concello de Salceda, permitirá a regularización dos diferentes postos existentes no Concello, así como a creación de novas prazas precisas para o correcto funcionamento da administración local.

Os sindicatos do Concello de Salceda convocan unha concentración polo suposto acoso laboral dalgúns empregados públicos

Os sindicatos con representación na Mesa Xeral de Negociación de Salceda de Caselas (CCOO, CIG e CSIF) veñen de convocar unha contración o vindeiro mércores 16 de setembro, de 11 h a 11:30 horas, diante do Concello para protestar polo que cualifican de "acoso laboral" contra un empregado municipal.

Salceda de Caselas xa conta un Regulamento de Participación Veciñal

O Boletín Oficial da Provincia (BOP) publicou a aprobación definitiva do regulamento de participación veciñal do Concello de Salceda de Caselas, que entrou polo tanto en vigor, e que será o primeiro regulamento de participación cidadá do Concello de Salceda.

O ‘Espaço vivo’ da ‘Ofizina Cultural’ de Salceda presenta esta fin de semana ‘Sapoconcho sem poncho’ e ‘Os Putos’

O 'Espaço vivo' de Salceda presenta esta fin de semana unha dobre xornada con 'Sapoconcho sem poncho' o sábado 12 de setembro e 'Os Putos' o domingo 13 de setembro, ámbolos dous no Eixo Xandoval, en Vendanova, Salceda de Caselas.

Un incendio obriga a evacuar a unha muller por mor dunha crise nerviosa

Os servizos sanitarios de urxencia atenderon a unha muller asustada por un incendio declarado na súa propiedade, no lugar da Revolta, en Salceda de Caselas. A señora tivo que ser evacuada ao Centro de Saúde do Porriño, mentres que os bombeiros fixeron fronte a un lume que arrasou un pendello e un coche.

Salceda retoma a modificación puntual das normas subsidiarias no Cerquido co apoio de Zona Franca

O Salón de Plenos de Salceda de Caselas acolleu esta mañá a xuntanza de traballo que tivo lugar entre o Concello e a Zona Franca de Vigo, coa intención de sacar adiante a modificación puntual das normas subsidiarias na zona do Cerquido que contempla a calificación como chan industrial de 623.760 m2 dun total de 1.230.115 m2 de actuación.

O inmoble do antigo centro de saúde de Salceda será destinado a uso sociocomunitario

O Concello de Salceda de Caselas ven de aprobar inicialmente a mutación demanial interna do seu antigo centro de saúde para destinalo a usos de carácter sociocultural, educativo ou de benestar social. A proposta foi aprobada por unanimidade dos tres grupos políticos da Corporación.

Colexios das Neves, Oia, Salceda e Salvaterra incorpóranse ao plan de mellora de bibliotecas escolares da Consellería de Educación

Os CEIP Marquesa do Pazo da Mercé das Neves e Refoxos de Oia e os CRA (Colexio Rural Agrupado) Raíña Aragonta de Salceda de Caselas e A Lagoa de Salvaterra de Miño, veñen de ser incluídos no Plan de melloras de bibliotecas escolares logo de que a Consellería de Educación, Universidade e Formación Profesional publicase hoxe no Diario Oficial de Galicia a correspondente resolución.

O Concello de Salceda ofrece á Xunta o edificio do antigo centro de saúde “para que se poidan baixar as ratios dos colexios” no nincio de curso

O Concello de Salceda de Caselas vén de ofrecer á Consellería de Educación da Xunta de Galicia o inmoble que albergaba o antigo centro de saúde da vila para que poida ser utilizado para uso educativo e "poder baixar as ratios dos colexios" no inicio do novo curso. Nesa liña, o Goberno local levará ao pleno do vindeiro día 27 de agosto, o campo de uso do edificio para poder utilizalo no uso educativo e fará o mesmo coa antiga aula unitaria de Revolta, en Parderrubias.

A alcaldesa de Salceda solicita á Subdelegación do Goberno “un reforzo da vixilancia” de cara a garantir á seguridade da veciñanza

A alcaldesa de Salceda de Caselas, nun escrito dirixido á Subdelegación do Goberno en Pontevedra, vén de pedir un reforzo da vixianza no Concello de Salceda de Caselas por parte dos diferentes corpos de seguridade do Estado, "garantindo a seguridade da nosa veciñanza".

As alcaldesas de Salceda e Salvaterra piden á Xunta a creación duna praza de pediatría compartida para atender a ámbolos dous concellos

As acaldesas de Salceda de Caselas, Loli Castiñeira e Salvaterra de Miño, Marta Valcárcel, veñen de remitir unha solicitude conxunta á Consellería de Sanidade da Xunta de Galicia, na que se pide a creación "dunha nova praza de pediatría compartida" entre os dous concellos "e a dotación do mencionado persoal de xeito urxente".

A Xunta comproba a organización do CEP Altamira de Salceda para adaptarse ao protocolo da COVID-19

O xefe territorial da Consellería de Educación, Universidade e Formación Profesiona, César Pérez Ares, achegouse hoxe ata o CEP Altamira na localidade de Salceda de Caselas para coñecer de primeira man a organización do equipo directivo para adaptarse ás medidas que marcan o Protocolo fronte á COVID-19.

O PSOE de Salceda reclama á Xunta que “consensúe o protocolo” para o inicio do próximo curso escolar

O PSdeG-PSOE de Salceda solicitará á Xunta consensue un protocolo de actuación contra o COVID19 e asuma os seus custes, presentando unha moción no próximo Pleno, sumándose así á iniciativa do PSdeG-PSOE a nivel Galicia. O PSOE local, a través da súa portavoz Verónica Tourón pide á Xunta "que asuma as súas competencias en educación" e subliña que para cumprir o protocolo que a propia Xunta estableceu, "é necesario máis persoal, máis docentes e instalacións axeitadas á nova normalidade".

A Xunta estende o programa Cultura no Camiño + a preto de 150 municipios, entre eles Arbo e Salceda de Caselas

O circuíto da Xunta Cultura no Camiño + celebra ata o 15 de outubro a súa oitava edición, nunha versión ampliada que estende a súa programación a 149 concellos de toda Galicia no marco do plan autonómico de reactivación dos sectores cultural e turístico fronte aos efectos da Covid-19. Todos eles son beneficiarios das subvencións convocadas pola Consellería de Cultura e Turismo para a contratación de espectáculos profesionais galegos ao abeiro deste programa, que volve contar co patrocinio de Gadis.

Salceda úrxelle á Xunta a renovación dos baños do colexio Altamira

O Concello de Salceda de Caselas ven de solicitarlle á Xunta de Galicia que acometa a renovación dos aseos do CEP Altamira, unhas instalacións con máis de 40 anos de antigüidade que coa situación de pandemia que se está a vivir resultan un posible foco de infección para os 600 nenos e nenas escolarizados no centro, un dos máis numerosos de Galicia.

Salceda envía unha solicitude á Consellería de Sanidade e ao SERGAS pola situación que se está a vivir no Centro de Saúde

A alcaldesa, Loli Castiñeiras, expón que nas últimas semanas están a recibir multitude de queixas dos veciños e veciñas do municipio pola dificultade que se está a producir para recibir atención no Centro de Saúde.

A Asociación Forestal de Galicia organiza un curso de técnicas de poda en Salceda

A Asociación Forestal de Galicia organiza a vindeiro xoves, 30 de xullo, no concello pontevedrés de Salceda de Caselas un curso de "Técnicas de poda forestal".

Colaboradores